ശൈ​ലി മാ​റും, തിരുത്തേണ്ടത് തിരുത്തും -എം.​വി. ഗോ​വി​ന്ദ​ൻ

ക​ണ്ണൂ​ർ: പാ​ർ​ട്ടി​യു​ടെ​യും നേ​താ​ക്ക​ളു​ടെ​യും ശൈ​ലി മാ​റു​മെ​ന്നും തി​രു​ത്തേ​ണ്ട​ത് തി​രു​ത്തു​മെ​ന്നും സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. മൈ​ക്കി​ന്റെ പേ​രി​ൽ താ​ൻ ആ​രെ​യും ശ​കാ​രി​ച്ചി​ട്ടി​ല്ലെ​ന്നും മൈ​ക്ക് പ​ണി​മു​ട​ക്കി​യ​പ്പോ​ൾ ത​മാ​ശ​യാ​യി ഓ​പ​റേ​റ്റ​റോ​ട് ചി​ല കാ​ര്യ​ങ്ങ​ൾ പ​റ​യു​ക​യാ​ണു​ണ്ടാ​യ​തെ​ന്നും അ​താ​ണ് താ​ൻ ഓ​പ​റേ​റ്റ​ർ​ക്ക് ക്ലാ​​സെ​ടു​ക്കു​ന്നു എ​ന്ന നി​ല​ക്ക് ച​ർ​ച്ച​യാ​യ​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു. സി.​പി.​എം ക​ണ്ണൂ​ർ ജി​ല്ല ക​മ്മി​റ്റി​യു​ടെ തെ​ര​ഞ്ഞെ​ടു​പ്പ് അ​വ​ലോ​ക​ന റി​പ്പോ​ർ​ട്ട് ച​ർ​ച്ച യോ​ഗ​ത്തി​ൽ മ​റു​പ​ടി പ്ര​സം​ഗം ന​ട​ത്ത​വേ​യാ​ണ് എം.​വി. ഗോ​വി​ന്ദ​ന്റെ വി​ശ​ദീ​ക​ര​ണം.

മു​ഖ്യ​മ​ന്ത്രി ഉ​ൾ​പ്പെ​ടെ ഓ​രോ​രു​ത്ത​ർ​ക്കും ഓ​രോ ശൈ​ലി​യു​ണ്ടാ​വും. എ​ല്ലാ ശൈ​ലി​യും മാ​റ്റാ​നാ​വി​ല്ല. എ​ന്നാ​ൽ, മാ​റ്റാ​വു​ന്ന​ത് മാ​റ്റി​യി​രി​ക്കും. മു​ഖ്യ​മ​ന്ത്രി​യെ ഒ​റ്റ​തി​രി​ഞ്ഞ് ആ​ക്ര​മി​ക്കു​ന്ന രീ​തി​യു​ണ്ടാ​വ​രു​ത്. ദേ​ശീ​യ രാ​ഷ്ട്രീ​യ സാ​ഹ​ച​ര്യ​മാ​ണ് ലോ​ക്സ​ഭ തെ​ര​ഞ്ഞെ​ടു​പ്പി​ലെ പ​രാ​ജ​യ​ത്തി​ന് കാ​ര​ണ​മെ​ന്നും എം.​വി. ഗോ​വി​ന്ദ​ൻ പ​റ​ഞ്ഞു. ജി​ല്ല​യി​ലെ വി​വി​ധ മ​ണ്ഡ​ല​ങ്ങ​ളി​ലു​ണ്ടാ​യ വോ​ട്ട് ചോ​ർ​ച്ച അ​ന്വേ​ഷി​ക്കും. പ​യ്യ​ന്നൂ​രി​ലെ വോ​ട്ട് ചോ​ർ​ച്ച അ​ന്വേ​ഷി​ക്കാ​ൻ പ്ര​ത്യേ​ക ക​മീ​ഷ​നെ നി​യോ​ഗി​ക്കാ​നും ജി​ല്ല സ​മി​തി യോ​ഗം തീ​രു​മാ​നി​ച്ചു.

മു​ഖ്യ​മ​ന്ത്രി​യു​ടെ മ​ക​ൾ വീ​ണ വി​ജ​യ​നെ​തി​രാ​യ വി​മ​ർ​ശ​ന​ത്തി​ൽ അ​വ​ർ മ​റു​പ​ടി പ​റ​യാ​ത്ത കാ​ര്യ​വും ജി​ല്ല സ​മി​തി​യി​ൽ അം​ഗ​ങ്ങ​ൾ ഉ​ന്ന​യി​ച്ചു. വീ​ണ വി​ജ​യ​ൻ മി​ണ്ടാ​തി​രി​ക്കു​ക​യും എ.​കെ. ബാ​ല​ൻ ന്യാ​യീ​ക​ര​ണ​വു​മാ​യി രം​ഗ​ത്തു​വ​ന്ന​തി​നെ​യും അം​ഗ​ങ്ങ​ൾ ചോ​ദ്യം​ചെ​യ്തു. ഇ​ത്ത​രം കാ​ര്യ​ങ്ങ​ൾ​ക്കൊ​ന്നും കൃ​ത്യ​മാ​യ മ​റു​പ​ടി സം​സ്ഥാ​ന സെ​ക്ര​ട്ട​റി പ​റ​ഞ്ഞി​ല്ല. അ​തേ​സ​മ​യം, നേ​താ​ക്ക​ളു​ടെ ​ശൈ​ലി മാ​റു​മെ​ന്നും തി​രു​ത്തേ​ണ്ട​ത് തി​രു​ത്തു​മെ​ന്നും അ​ദ്ദേ​ഹം ആ​വ​ർ​ത്തി​ച്ചു.