യുവാവ്​ കിണറ്റിൽ വീണു മരിച്ച നിലയിൽ

കൊടുങ്ങല്ലൂർ: യുവാവിനെ കിണറ്റിൽ വീണു മരിച്ച നിലയിൽ കണ്ടെത്തി. പുല്ലൂറ്റ് നാരായണമംഗലം കോഴിക്കുളങ്ങര അമ്പലപ്പറമ്പിൽ ശിവരാമന്‍റെ മകൻ അനൂപ് (35) ആണ് മരിച്ചത്.

വീടിന് സമീപമുള്ള ആളൊഴിഞ്ഞ പറമ്പിലെ കിണറ്റിലാണ് ബുധനാഴ്ച രാവിലെ മൃതദേഹം കണ്ടെത്തിയത്. അവിവാഹിതനാണ്.

നാട്ടുകാർ വിവരമറിയിച്ചതിനെ തുടർന്ന് ഫയർഫോഴ്സ് എത്തി മൃതദേഹം പുറത്തെടുത്തു. കൊടുങ്ങല്ലൂർ പോലീസ് ഇൻക്വസ്റ്റ് നടത്തി. തൃശൂർ മെഡിക്കൽ കോളജിൽ പോസ്റ്റ്മോർട്ടം നടത്തിയ മൃതദേഹം ബന്ധുക്കൾക്ക് വിട്ടു കൊടുത്തു.