അന്തർസംസ്ഥാന തൊഴിലാളിയെ ആക്രമിച്ച യുവാക്കൾ ഗോവയിൽ പിടിയിൽ

പ​ള്ളി​ക്ക​ത്തോ​ട്: അ​ന്ത​ർ​സം​സ്ഥാ​ന തൊ​ഴി​ലാ​ളി​യെ വീ​ടു​ക​യ​റി ആ​ക്ര​മി​ച്ച കേ​സി​ൽ ഒ​ളി​വി​ൽ ക​ഴി​ഞ്ഞി​രു​ന്ന യു​വാ​ക്ക​ളെ ഗോ​വ​യി​ൽ നി​ന്ന്​ പി​ടി​കൂ​ടി. പു​ളി​ക്ക​ൽ​ക​വ​ല സ്വ​ദേ​ശി​ക​ളാ​യ വി​വേ​ക് കൃ​ഷ്ണ​ൻ (18), എ. ​അ​നൂ​പ് (18), യ​ദു​കൃ​ഷ്ണ​ൻ(18), വാ​ഴൂ​ർ സ്വ​ദേ​ശി​ക​ളാ​യ അ​പ്പൂ​സ് എ​ന്ന സൂ​ര്യ മ​നോ​ജ് (20), അ​പ്പു എ​ന്ന കെ.​എ​സ്. അ​ല​ക്സാ​ണ്ട​ർ (20), അ​ച്ചു എ​ന്ന ജി​തി​ൻ കെ. ​ജി​ജു (19) എ​ന്നി​വ​രെ​യാ​ണ് പ്ര​ത്യേ​ക അ​ന്വേ​ഷ​ണ​സം​ഘം അ​റ​സ്റ്റ് ചെ​യ്ത​ത്. ഇ​വ​ർ സം​ഘം ചേ​ർ​ന്ന് മൂ​ന്നി​ന്​ രാ​ത്രി 7.30 ന്​ ​വാ​ഴൂ​ർ ചെ​ല്ലി​മ​റ്റം ഭാ​ഗ​ത്ത് വാ​ട​ക​ക്കു കു​ടും​ബ​മാ​യി താ​മ​സി​ക്കു​ന്ന യു​വാ​വി​നെ വീ​ടുകയറി മ​ർ​ദ്ദി​ക്കു​ക​യും ക​ല്ലു​കൊ​ണ്ട് ത​ല​ക്കി​ടി​ക്കു​ക​യു​മാ​യി​രു​ന്നു.

യു​വാ​ക്ക​ളി​ൽ ഒ​രാ​ളു​ടെ പി​താ​വി​ന്റെ ഓ​ട്ടോ​റി​ക്ഷ​യി​ൽ അ​ന്ത​ർ​സം​സ്ഥാ​ന തൊ​ഴി​ലാ​ളി ക​യ​റു​ക​യും കൂ​ലി സം​ബ​ന്ധി​ച്ച് വാ​ക്ക് ത​ർ​ക്കം ഉ​ണ്ടാ​വു​ക​യും ചെ​യ്തി​രു​ന്നു. ഇ​തി​ലു​ള്ള വി​രോ​ധം മൂ​ല​മാ​ണ് വീ​ട്ടി​ൽ ക​യ​റി ആ​ക്ര​മി​ച്ച​ത്. സം​ഭ​വ​ത്തി​നു ശേ​ഷം ക​ർ​ണാ​ട​ക​യി​ലേ​ക്ക് ക​ട​ന്ന ഇ​വ​ർ പി​ന്നീ​ട് ഗോ​വ​യി​ലേ​ക്ക് പോ​വു​ക​യാ​യി​രു​ന്നു. അ​ന്വേ​ഷ​ണ​സം​ഘം അ​തി സാ​ഹ​സി​ക​മാ​യാ​ണ് ഗോ​വ​യി​ൽ നി​ന്നു പി​ടി​കൂ​ടി​യ​ത്. വി​വേ​ക് കൃ​ഷ്ണ​ൻ, അ​നൂ​പ്, യ​ദു​കൃ​ഷ്ണ​ൻ എ​ന്നി​വ​രെ ക​ഴി​ഞ്ഞ​ദി​വ​സം പി​ടി​കൂ​ടി​യി​രു​ന്നു. പ​ള്ളി​ക്ക​ത്തോ​ട് സ്​​റ്റേ​ഷ​ൻ എ​സ്.​എ​ച്ച്.​ഒ കെ.​ബി. ഹ​രി​കൃ​ഷ്ണ​ൻ, എ.​എ​സ്.​ഐ റെ​ജി ജോ​ൺ, സി.​പി.​ഒ മ​ധു എ​ന്നി​വ​രും അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ ഇ​വ​രെ ബോ​സ്റ്റ​ൽ സ്കൂ​ളി​ലേ​ക്ക് അ​യ​ച്ചു.