സ്നേഹത്തിന്റെ വിലയുണ്ട് കുരുന്നുകളുടെ ഈ ഉരുളക്ക്

സു​ൽ​ത്താ​ൻ ബ​ത്തേ​രി: സ്കൂ​ളി​ൽ നി​ന്ന് മാ​റി​പ്പോ​കു​ന്ന അ​ധ്യാ​പ​ക​ന് സ​ദ്യയൊ​രു​ക്കി, അ​ത് വാ​രി​ക്കൊ​ടു​ത്ത് കു​രു​ന്നു​ക​ൾ. പൂ​താ​ടി പ​ഞ്ചാ​യ​ത്തി​ലെ അ​രി​മു​ള എ.​യു.​പി. സ്കൂ​ളി​ലെ അ​ധ്യാ​പ​ക​ൻ എ​സ്. സ​ന​ലി​ലാ​ണ് വി​ദ്യാ​ർ​ഥി​ക​ൾ സ​ർ​പ്രൈ​സാ​യി സ്നേ​ഹ​ത്തി​ൽ പൊ​തി​ഞ്ഞ യാ​ത്ര​യ​യ​പ്പ് ന​ൽ​കി​യ​ത്. സ​ർ​ക്കാ​ർ യു.​പി സ്കൂ​ളി​ൽ അ​ധ്യാ​പ​ക​നാ​യി പി.​എ​സ്.​സി അ​ഡ്വൈ​സ് മെ​മ്മോ ല​ഭി​ച്ച​തോ​ടെ​യാ​ണ് സ​ന​ൽ സ്കൂ​ളി​ൽ നി​ന്ന് വി​ടപ​റ​യു​ന്ന​ത്.

അ​ഞ്ചാം ക്ലാ​സ് എ ​ഡി​വി​ഷ​നി​ലെ ക്ലാ​സ് ടീ​ച്ച​റാ​ണ് സ​ന​ൽ. ത​ങ്ങ​ളു​ടെ പ്രി​യ അ​ധ്യാ​പ​ക​ൻ സ്കൂ​ളി​ൽ നി​ന്ന് അ​ടു​ത്തു​ത​ന്നെ പോ​കു​ന്നു​വെ​ന്ന​റി​ഞ്ഞ​തോ​ടെ​യാ​ണ് ക്ലാ​സി​ലെ മു​പ്പ​തോ​ളം വി​ദ്യാ​ർ​ഥി​ക​ൾ അ​ദ്ദേ​ഹ​ത്തി​ന് മാ​ത്ര​മാ​യി വി​ഭ​വ സ​മൃ​ദ്ധമാ​യ ഉ​ച്ച​യൂ​ൺ ഒ​രു​ക്കാ​ൻ തീ​രു​മാ​നി​ച്ച​ത്. ഇ​ല​യി​ട്ട് അ​തി​ൽ ചോ​റും ക​റി​ക​ളു​മൊ​രു​ക്കി. ക​റി​ക​ൾ കു​ട്ടി​ക​ൾ വീ​ട്ടി​ൽ നി​ന്നും ഒ​രു​ക്കി​ക്കൊ​ണ്ടുവ​രു​ക​യാ​യി​രു​ന്നു. ക​ഴി​ഞ്ഞ ദി​വ​സം ഉ​ച്ച സ​മ​യ​ത്ത് കു​ട്ടി​ക​ൾ സ​ന​ൽ മാ​ഷി​നോ​ട് സ​ദ്യ​യു​ടെ കാ​ര്യം അ​റി​യി​ച്ചു.

അ​ദ്ദേ​ഹ​ത്തി​നും സ​ന്തോ​ഷ​മാ​യി. ക്ലാ​സി​ൽ അ​ധ്യാ​പ​ക​ന്റെ മേ​ശ​ക്ക് മു​ക​ളി​ൽ ഇ​ല വി​രി​ച്ച് കു​ട്ടി​ക​ൾ നി​മി​ഷം നേ​രം കൊ​ണ്ട് സ​ദ്യ വി​ള​മ്പി. അ​ധ്യാ​പ​ക​ൻ ഓ​രോ ഉ​രു​ള ഓ​രോ​രു​ത്ത​ർ​ക്കാ​യി ന​ൽ​കി. പി​ന്നീ​ട് കു​ട്ടി​ക​ളും അ​ധ്യാ​പ​ക​ന് ഓ​രോ ഉ​രു​ള ന​ൽ​കു​ക​യാ​യി​രു​ന്നു. ഇ​തി​ന്റെ വി​ഡി​യോ അ​ഞ്ചാം ക്ലാ​സി​ന്റെ ഗ്രൂ​പ്പി​ൽ പോ​സ്റ്റ് ചെ​യ്ത​തോ​ടെ​യാ​ണ് കു​ട്ടി​ക​ളും അ​ധ്യാ​പ​ക​നും ത​മ്മി​ലു​ള്ള ഊ​ഷ്മ​ള​മാ​യ സ്നേ​ഹം പു​റം ലോ​കം അ​റി​ഞ്ഞ​ത്. അ​ഞ്ച് എ​യി​ലെ കു​ട്ടി​ക​ളി​ൽ പ​കു​തി​യി​ലേ​റെ​യും ആ​ദി​വാ​സി കോ​ള​നി​യി​ൽ നി​ന്നു​ള്ള​വ​രാ​ണ്.

ര​ണ്ടാ​ഴ്ച മു​മ്പ് ചെ​റി​യ ക്ലാ​സി​ലെ ഒ​രു കു​ട്ടി​യോ​ട്, ഭാ​വി​യി​ൽ നി​ന​ക്ക് ആ​രാ​ക​ണ​മെ​ന്ന ചോ​ദ്യ​ത്തി​ന് ഞെ​ട്ടി​ക്കു​ന്ന മ​റു​പ​ടി​യാ​ണ് കി​ട്ടി​യ​തെ​ന്ന് സ​ന​ൽ 'മാ​ധ്യ​മ'​ത്തോ​ട് പ​റ​ഞ്ഞു. ബീ​ഫും പൊ​റോ​ട്ട​യും വാ​ങ്ങാ​ൻ ക​ഴി​യു​ന്ന എ​ന്തെ​ങ്കി​ലും ജോ​ലി കി​ട്ടി​യാ​ൽ മ​തി​യെ​ന്നാ​യി​രു​ന്നു കു​ട്ടി​യു​ടെ മ​റു​പ​ടി. അ​ന്ന് വൈ​കീട്ട് അ​വ​ൻ വീ​ട്ടി​ൽ പോ​കു​മ്പോ​ൾ ബീ​ഫും പൊ​റോ​ട്ട​യു​മ​ട​ങ്ങി​യ പാ​ർ​സ​ൽ മാ​ഷ് അ​വ​നു ന​ൽ​കി. വീ​ട്ടി​ൽ ചെ​ന്ന​ല്ലാ​തെ തു​റ​ന്നു നോ​ക്ക​രു​തെ​ന്നും പ​റ​ഞ്ഞി​രു​ന്നു. പി​റ്റേ​ന്ന് രാ​വി​ലെ ക​ണ്ട​പ്പോ​ൾ അ​വ​ൻ ഓ​ടി​വ​ന്ന് സ​ന​ലി​ന്റെ കൈ​യി​ൽ ര​ണ്ടു​മൂ​ന്ന് മു​ത്തം കൊ​ടു​ത്തു. പൂ​താ​ടി നെ​ല്ലി​ക്ക​ര സ്വ​ദേ​ശി​യാ​യ സ​ന​ൽ അ​ഞ്ചു വ​ർ​ഷ​മാ​യി അ​രി​മു​ള സ്കൂ​ളി​ൽ അ​ധ്യാ​പ​ക​നാ​യി​ട്ട്.