ഒ​രു ക​പ്പ​ൽ നോ​മ്പു​ക​ഥ

സൂ​ര്യോ​ദ​യ​വും സൂ​ര്യാ​സ്ത​മ​യ​വും നോ​ക്കി​യാ​ണ്​ നോ​മ്പെ​ടു​ക്ക​ലും നോ​മ്പു​തു​റ​യും. ക​പ്പ​ൽ ജീ​വ​ന​ക്കാ​ര​നാ​യ

ഫാ​രി​സ് വ​ട്ടേ​ക്കാ​ട്ട് മാ​റ​ഞ്ചേ​രി​യു​ടെ നോ​മ്പ​നു​ഭ​വ​ങ്ങ​ൾ

അ​മേ​രി​ക്ക​യെ കു​റി​ച്ച്​ വാ​ർ​ത്ത​ക​ളി​ലും ഇം​ഗ്ലീ​ഷ്​ സി​നി​മ​ക​ളി​ലു​മു​ള്ള കേ​ട്ടു​കേ​ൾ​വി മാ​ത്ര​മാ​ണു​ണ്ടാ​യി​രു​ന്ന​ത്. അ​പ്പോ​ഴും, ഒ​രി​ക്ക​ലും പ്ര​തീ​ക്ഷി​ച്ചി​രു​ന്നി​ല്ല ഇ​വി​ടെ​യു​ള്ള മ​ഹാ​ന​ഗ​ര​ങ്ങ​ളി​ലെ തെ​രു​വോ​ര​ങ്ങ​ൾ ആ​സ്വ​ദി​ച്ച് കാ​ഴ്ച​ക​ൾ ക​ണ്ട് ന​ട​ക്കാ​ൻ ക​ഴി​യു​മെ​ന്ന്. ദു​ബൈ​യി​ലെ പ​ഞ്ച​ന​ക്ഷ​ത്ര ഹോ​ട്ട​ലി​ൽ ജോ​ലി ചെ​യ്തു​കൊ​ണ്ടി​രി​ക്കെ​യാ​ണ് അ​മേ​രി​ക്ക​യി​ലെ പ്ര​ശ​സ്ത യാ​ത്രാ​ക്ക​പ്പ​ൽ ക​മ്പ​നി​യി​ൽ നി​ന്നും ജോ​ലി അ​വ​സ​രം ല​ഭി​ക്കു​ന്ന​ത്. അ​ത്യാ​വ​ശ്യം കു​ഴ​പ്പ​മി​ല്ലാ​ത്ത പാ​ക്കേ​ജും അ​മേ​രി​ക്ക​യും ആ​യ​പ്പോ​ൾ ര​ണ്ടാ​മ​തൊ​ന്ന് ചി​ന്തി​ക്കേ​ണ്ടി​വ​ന്നി​ല്ല. നേ​രെ പ​റ​ന്നു അ​മേ​രി​ക്ക​യി​ലെ ‘മ​യാ​മി’ എ​ന്ന സ​ന്ദ​ർ​ശ​ക ന​ഗ​ര​ത്തി​ലേ​ക്ക്.

അ​ധി​കം ചെ​റു​ത​ല്ലാ​ത്ത കു​റെ കെ​ട്ടി​ട​ങ്ങ​ളും പ​ച്ച​പ്പും ക​ട​ലും നി​റ​ഞ്ഞ​താ​ണ്​ മ​യാ​മി എ​ന്ന ചെ​റി​യ, വ​ലി​യ ലോ​കം. ഇ​വി​ട​ത്തെ ക​ട​ലു​ക​ളി​ലെ വി​നോ​ദ സ​ഞ്ചാ​ര​ത്തി​നാ​യാ​ണ് കൂ​ടു​ത​ൽ സ​ന്ദ​ർ​ശ​ക​രും സ​മ​യം ക​ണ്ടെ​ത്തു​ന്ന​ത്. ഞാ​നും ഒ​രു സ​ഞ്ചാ​രി​യെ​പ്പോ​ലെ എ​ന്‍റെ ക​പ്പ​ലി​ൽ ജോ​ലി​ക്ക് ക​യ​റി. മ​യാ​മി​യി​ൽ നി​ന്നും ബ​ഹാ​മാ​സ്, മെ​ക്സി​കോ എ​ന്നീ രാ​ജ്യ​ങ്ങ​ളി​ലേ​ക്കാ​ണ് ഞ​ങ്ങ​ളു​ടെ ക​പ്പ​ലി​ന്‍റെ യാ​ത്ര പി​ന്നെ തി​രി​ച്ച് വീ​ണ്ടും മ​യാ​മി.

ക​പ്പ​ൽ​യാ​ത്ര ജീ​വി​ത​ത്തി​ലെ വ​ള​രെ ര​സ​ക​ര​മാ​യ അ​നു​ഭ​വ​ങ്ങ​ളി​ൽ​പെ​ട്ട ഒ​ന്നാ​ണ്, ഓ​ള​പ്പ​ര​പ്പു​ക​ളെ വെ​ട്ടി​മു​റി​ച്ച് പാ​യു​ന്ന ആ​ഡം​ബ​ര ക​പ്പ​ലു​ക​ളും അ​തി​നി​ട​യി​ൽ ചെ​റു​മീ​നു​ക​ളെ​പ്പോ​ലെ കു​ഞ്ഞു​ബോ​ട്ടു​ക​ളും നൗ​ക​ക​ളും കാ​ഴ്ച​ക​ൾ വ​ള​രെ മ​നോ​ഹ​ര​മാ​ണ്.

അ​ങ്ങ​നെ ദി​വ​സ​ങ്ങ​ളും മാ​സ​ങ്ങ​ളും ക​ട​ന്നു​പോ​യി, പ​രി​ശു​ദ്ധ റ​മ​ദാ​ൻ വ​ന്നെ​ത്തി. ജീ​വി​ത​ത്തി​ൽ ഇ​ന്നു​വ​രെ അ​നു​ഭ​വി​ച്ചി​ട്ടി​ല്ലാ​ത്ത പ്ര​ത്യേ​ക​ത ഇ​ത്ത​വ​ണ​ത്തെ റ​മ​ദാ​ൻ വ്ര​ത​ങ്ങ​ൾ​ക്ക് പ​റ​യാ​നു​ണ്ട്. അ​ക്ഷ​രാ​ർ​ഥ​ത്തി​ൽ ഞാ​നൊ​ന്നും അ​നു​ഭ​വി​ച്ചി​ട്ടി​ല്ലാ​ത്ത, കേ​ട്ടു​കേ​ൾ​വി മാ​ത്ര​മാ​യി​രു​ന്ന, പ​ണ്ടു​കാ​ല​ത്തെ വ​ല്യു​പ്പ​മാ​ർ അ​നു​ഭ​വി​ച്ച, ഉ​ച്ച​ഭാ​ഷി​ണി ഇ​ല്ലാ​ത്ത ആ ​നോ​മ്പി​ന്‍റെ കാ​ല​ഘ​ട്ട​ത്തി​ലൂ​ടെ​യു​ള്ള യാ​ത്ര​യി​ലാ​ണ് ഞാ​നും എ​ന്ന് തോ​ന്നി​പ്പോ​യി​ട്ടു​ണ്ട്. ആ​ഴ്ച​യി​ൽ അ​ഞ്ചു ദി​വ​സ​വും ക​പ്പ​ലി​ൽ ക​ട​ലി​ലൂ​ടെ യാ​ത്ര ആ​യ​തി​നാ​ൽ

സൂ​ര്യോ​ദ​യം നോ​ക്കി നോ​മ്പ് തു​ട​ങ്ങു​ന്ന​തും സൂ​ര്യാ​സ്ത​മ​യം നോ​ക്കി നോ​മ്പ് തു​റ​ക്കു​ന്ന​തും ജീ​വി​ത​ത്തി​ലെ ആ​ദ്യ​ത്തെ അ​നു​ഭ​വ​മാ​ണ്. യാ​ത്ര​യി​ൽ ആ​യ​തി​നാ​ൽ​ത​ന്നെ ചി​ല ദി​വ​സ​ങ്ങ​ളി​ൽ ഞ​ങ്ങ​ൾ​ക്ക് നോ​മ്പി​ന്‍റെ ദൈ​ർ​ഘ്യം കൂ​ടു​ത​ലാ​യി​രി​ക്കും. 15-16 മ​ണി​ക്കൂ​ർ വ​രെ നോ​മ്പെ​ടു​ത്ത ദി​വ​സ​ങ്ങ​ൾ ഉ​ണ്ടാ​യി​ട്ടു​ണ്ട്. നോ​മ്പെ​ടു​ക്കു​ന്ന​വ​ർ​ക്കാ​യി പു​ല​ർ​ച്ച മൂ​ന്ന് മു​ത​ൽ നാ​ലു വ​രെ പ്ര​ത്യേ​കം ഭ​ക്ഷ​ണം ത​യാ​റാ​ക്കി​യി​ട്ടു​ണ്ട്. അ​തി​ൽ ഏ​റെ​ക്കു​റെ ഇ​ന്തോ​നേ​ഷ്യ​ൻ വി​ഭ​വ​ങ്ങ​ൾ ആ​യി​രി​ക്കും. അ​വ​രാ​ണ് നോ​മ്പെ​ടു​ക്കു​ന്ന​വ​രി​ൽ ഭൂ​രി​പ​ക്ഷ​വും; പി​ന്നെ ഞ​ങ്ങ​ൾ കു​റ​ച്ച് ഇ​ന്ത്യ​ക്കാ​രും.

നോ​മ്പു​തു​റ​ക്കാ​യി പ്ര​ത്യേ​കി​ച്ച് ഭ​ക്ഷ​ണ​ക്ര​മീ​ക​ര​ണ​ങ്ങ​ൾ ഒ​ന്നും ഉ​ണ്ടാ​യി​രി​ക്കി​ല്ല, സാ​ധാ​ര​ണ ദി​വ​സ​ങ്ങ​ളി​ലെ​പ്പോ​ലെ ത​ന്നെ ഓ​രോ ദി​വ​സ​ത്തെ മെ​നു​വി​ന് അ​നു​സ​രി​ച്ച ഭ​ക്ഷ​ണ​ങ്ങ​ൾ ത​ന്നെ. ഈ​ന്ത​പ്പ​ഴം, ഫ്രൂ​ട്ട്സ്, വെ​ള്ളം പി​ന്നെ ആ​വ​ശ്യ​ത്തി​ന് ഭ​ക്ഷ​ണ​വും. അ​നാ​വ​ശ്യ​മാ​യ ക​രി​ച്ച​തും പൊ​രി​ച്ച​തും ഒ​ന്നും ഇ​ല്ലാ​ത്ത നോ​മ്പു​തു​റ ആ​യ​തി​നാ​ൽ ഇ​ത്ത​വ​ണ​ത്തെ നോ​മ്പ് ആ​രോ​ഗ്യ​പ​ര​മാ​ണെ​ന്ന സ​ന്തോ​ഷ​വു​മു​ണ്ട്.

ക​പ്പ​ലി​ൽ ആ​യ​തി​നാ​ൽ ന​മ​സ്കാ​ര​ത്തി​നാ​യി പ​ള്ളി​യി​ൽ പോ​കാ​ൻ ക​ഴി​യി​ല്ല. ന​മ​സ്കാ​ര​വും പ്രാ​ർ​ഥ​ന​യും എ​ല്ലാം ഒ​രു മു​റി​ക്ക​ക​ത്ത് ഒ​രു​മി​ച്ചാ​യി​രി​ക്കും. കൂ​ടെ ജോ​ലി​ചെ​യ്യു​ന്ന ചി​ല വി​ദേ​ശ​രാ​ജ്യ​ത്തെ സു​ഹൃ​ത്തു​ക്ക​ൾ നോ​മ്പി​നെ​യും ആ​ചാ​ര​ങ്ങ​ളെ​യും പ​റ്റി ചോ​ദി​ച്ച​റി​യും. കാ​ര​ണം അ​വ​രു​ടെ നാ​ട്ടി​ൽ ആ ​പ്ര​ദേ​ശ​ത്ത് മു​സ്‍ലിം​ക​ൾ തീ​രെ ഇ​ല്ല. വെ​ള്ളം പോ​ലും കു​ടി​ക്കാ​തെ​യാ​ണ് രാ​വി​ലെ മു​ത​ൽ വൈ​കു​ന്നേ​രം വ​രെ നോ​മ്പെ​ടു​ക്കു​ന്ന​ത് എ​ന്ന് പ​റ​ഞ്ഞാ​ൽ അ​വ​ർ ആ​ശ്ച​ര്യ​ത്തോ​ടെ​യും അ​ത്ഭു​ത​ത്തോ​ടെ​യും പ​റ​യും; ഇ​ത്ര​യും നേ​രം ഒ​രി​ക്ക​ലും വെ​ള്ള​മോ ഭ​ക്ഷ​ണ​മോ ഇ​ല്ലാ​തെ മു​ന്നോ​ട്ട് പോ​കു​ന്ന കാ​ര്യം അ​വ​ർ​ക്ക് ചി​ന്തി​ക്കാ​ൻ പോ​ലും ക​ഴി​യി​ല്ല എ​ന്ന്. നോ​മ്പെ​ടു​ക്കു​ന്ന​വ​രോ​ട് വ​ള​രെ ബ​ഹു​മാ​ന​മാ​ണ്. ഇ​വി​ടെ​യും ഞാ​ൻ അ​നു​ഭ​വി​ച്ച യാ​ഥാ​ർ​ഥ്യ​മാ​ണ​ത്. ഒ​രു ദി​വ​സം നോ​മ്പു​തു​റ​ക്കു​ന്ന നേ​രം ഈ​ന്ത​പ്പ​ഴം ഇ​ല്ലാ​തി​രു​ന്ന ഘ​ട്ട​ത്തി​ൽ അ​മു​സ്ലിം സു​ഹൃ​ത്ത് അ​ദ്ദേ​ഹ​ത്തി​ന്‍റെ റൂ​മി​ൽ സൂ​ക്ഷി​ച്ചി​രു​ന്ന ഈ​ന്ത​പ്പ​ഴ​ത്തി​ന്‍റെ ബോ​ക്സ് എ​ടു​ത്ത് കൊ​ണ്ടു​വ​ന്ന് നോ​മ്പു​തു​റ​ക്കാ​ൻ ത​ന്നു. മ​നു​ഷ്യ​നെ മ​ത​ങ്ങ​ൾ​ക്കും രാ​ജ്യ​ങ്ങ​ളു​ടെ അ​തി​ർ​വ​ര​മ്പു​ക​ൾ​ക്കും അ​പ്പു​റം സ​ഹ​ജീ​വി സ്നേ​ഹം പ​ഠി​പ്പി​ക്കു​ന്ന ച​ര്യ കൂ​ടി​യാ​ണ്​ നോ​മ്പ്​ എ​ന്ന്​ തെ​ളി​യി​ക്കു​ന്ന​താ​ണ്​ ഇ​ത്ത​രം പ​ങ്കു​വെ​ക്ക​ലു​ക​ൾ. ആ ​ഈ​ന്ത​പ്പ​ഴം കൊ​ണ്ടാ​ണ് ഞാ​ൻ ഇ​ന്നും എ​ല്ലാ ദി​വ​സ​വും നോ​മ്പ് തു​റ​ക്കു​ന്ന​ത്.

ന​മ്മു​ടെ നാ​ട്ടി​ലെ​യോ ഗ​ൾ​ഫ് നാ​ടു​ക​ളി​ലെ പോ​ലെ അ​ത്ര വ​ലി​യ പ്രാ​ധാ​ന്യ​ത്തോ​ടെ​യ​ല്ല ഇ​ന്നാ​ട്ടി​ൽ നോ​മ്പി​നെ നോ​ക്കി​ക്കാ​ണു​ന്ന​ത്. ര​ണ്ടു മൂ​ന്നു ത​വ​ണ മ​യാ​മി​യി​ലൂ​ടെ നോ​മ്പി​ന്‍റെ സ​മ​യ​ത്ത് യാ​ത്ര ചെ​യ്ത​പ്പോ​ൾ നോ​മ്പി​ന്‍റെ പ്ര​ത്യേ​ക​ത​യൊ​ന്നും ഇ​വി​ടെ കാ​ണാ​ൻ ക​ഴി​ഞ്ഞി​ട്ടി​ല്ല, എ​ല്ലാം സാ​ധാ​ര​ണ പോ​ലെ ത​ന്നെ. ഓ​രോ രാ​ജ്യ​ത്തി​ന്‍റെ​യും സം​സ്കാ​ര​ത്തെ​യും പ്ര​ദേ​ശ​വാ​സി​ക​ളു​ടെ എ​ണ്ണ​ത്തെ​യും അ​നു​സ​രി​ച്ചാ​യി​രി​ക്കു​മ​ല്ലോ ഓ​രോ ആ​ഘോ​ഷ​ങ്ങ​ളും കൊ​ണ്ടാ​ടു​ന്ന​ത്.

ആ​ഘോ​ഷ​ങ്ങ​ളു​ടെ​യും വി​ശ്വാ​സ​ങ്ങ​ളു​ടെ​യും പേ​രി​ൽ അ​ക്ര​മ​വും അ​ഴി​ഞ്ഞാ​ട്ട​വും ന​ട​ക്കു​ന്ന ന​മ്മു​ടെ നാ​ട്ടി​ൽ, അ​തി​ന് കു​ട​പി​ടി​ക്കു​ന്ന ക​പ​ട രാ​ഷ്ട്ര​വാ​ദി​ക​ൾ ഉ​ള്ള ഈ ​കാ​ല​ഘ​ട്ട​ത്തി​ൽ മ​നു​ഷ്യ​ത്വം എ​ന്ന​ത് വെ​റും നാ​മ​മാ​ത്ര​മാ​യി മാ​റി​ക്കൊ​ണ്ടി​രി​ക്കു​ന്നു എ​ന്ന​തും ഒ​രു വ​സ്തു​ത​യാ​ണ്. അ​വ​ർ ഉ​ള്ളു​തു​റ​ന്നു കാ​ണേ​ണ്ട​താ​ണ്​ ഇ​ത​ര രാ​ജ്യ​ങ്ങ​ളി​ലെ മ​ത​സൗ​ഹാ​ർ​ദ​വും സ​ഹ​ജീ​വി സ്​​നേ​ഹ​വു​മെ​ല്ലാം.