ചതുരക്കളത്തിൽ മിന്നും താരമായി വീണ്ടും​ ഷയാൻ

ദു​ബൈ: ച​തു​ര​ക്ക​ള​ത്തി​ൽ ഇ​ന്ത്യ​യു​ടെ അ​ഭി​മാ​ന​മാ​യി വീ​ണ്ടും മു​ഹ​മ്മ​ദ്​ ഷ​യാ​ൻ. 19 മു​ത​ൽ 28 വ​രെ മ​ലേ​ഷ്യ​യി​ൽ ന​ട​ന്ന കോ​മ​ൺ​വെ​ൽ​ത്ത്​ ചെ​സ്​ ചാ​മ്പ്യ​ൻ​ഷി​പ്പി​ലും വെ​ന്നി​ക്കൊ​ടി പാ​റി​ച്ചി​രി​ക്കു​ക​യാ​ണ്​ ഈ ​എ​ട്ടു വ​യ​സ്സു​കാ​ര​ൻ. പ്രാ​യ​ത്തി​ൽ ത​ന്നേ​ക്കാ​ൾ മു​തി​ർ​ന്ന​​വ​രെ നി​ഷ്പ്ര​ഭ​മാ​ക്കി​യാ​ണ്​ ഷ​യാ​ൻ ഇ​ന്ത്യ​യു​ടെ അ​ഭി​മാ​നം വാ​നോ​ള​മു​യ​ർ​ത്തി​യ​ത്.

ചി​ല സാ​​ങ്കേ​തി​ക കാ​ര​ണ​ങ്ങ​ളാ​ൽ എ​ട്ടു വ​യ​സ്സു​കാ​ര​നാ​യ ഷ​യാ​ന്​ പ​ത്തു വ​യ​സ്സി​ൽ താ​ഴെ​യു​ള്ള​വ​രു​ടെ വി​ഭാ​ഗ​ത്തി​ൽ മ​ത്സ​രി​ക്കേ​ണ്ടി​വ​രു​ക​യാ​യി​രു​ന്നു. ഇ​ന്ത്യ​യെ കൂ​ടാ​തെ ആ​സ്​​ട്രേ​ലി​യ, മ​ലേ​ഷ്യ, ബം​ഗ്ലാ​ദേ​ശ്, ശ്രീ​ല​ങ്ക, മാ​ലി​ദ്വീ​പ്, മാ​ൾ​ട്ട, ന്യൂ​സി​ല​ൻ​ഡ്, ദ​ക്ഷി​ണാ​ഫ്രി​ക്ക, സിം​ഗ​പ്പൂ​ർ, എം.​ആ​ർ.​ഐ തു​ട​ങ്ങി​യ 11 രാ​ജ്യ​ങ്ങ​ളി​ൽ​നി​ന്ന് 18 മ​ത്സ​രാ​ർ​ഥി​ക​ളാ​ണ്​ ആ​ഗോ​ള ത​ല​ത്തി​ൽ ഏ​റ്റു​മു​ട്ടി​യ​ത്. ഒ​മ്പ​തു റൗ​ണ്ടി​ൽ ഏ​ഴു പോ​യ​ന്‍റു​മാ​യി റ​ണ്ണ​റ​പ്പാ​ണ്​ ഷ​യാ​ൻ. ര​ണ്ട്​ ക​ളി സ​മ​നി​ല നേ​ടു​ക​യും ബാ​ക്കി മ​ത്സ​ര​ങ്ങ​ളി​ലെ​ല്ലാം വി​ജ​യം നേ​ടു​ക​യും ചെ​യ്തു.

ക​ഴി​ഞ്ഞ വ​ർ​ഷം ജോ​ർ​ജി​യ​യി​ൽ ന​ട​ന്ന ലോ​ക കാ​ഡ​റ്റ്​ ആ​ൻ​ഡ്​ യൂ​ത്ത്​ റാ​പ്പി​ഡ്​ ചെ​സ്​ ചാ​മ്പ്യ​ൻ​ഷ​പ്പി​ൽ എ​ട്ട്​ വ​യ​സ്സി​ന്​ താ​ഴെ​യു​ള്ള​വ​രു​ടെ വി​ഭാ​ഗ​ത്തി​ൽ ഷ​യാ​ൻ ചാ​മ്പ്യ​നാ​യി​രു​ന്നു. യു.​എ.​ഇ​യി​ൽ താ​മ​സി​ക്കു​ന്ന പാ​ല​ക്കാ​ട്​ സ്വ​ദേ​ശി നൗ​ഷാ​ദി​ന്‍റെ​യും സ​ജ്​​ന​യു​ടെ​യും മ​ക​നാ​ണ്​ ദു​ബൈ ഇ​ന്ത്യ​ൻ ഹൈ​സ്കൂ​ളി​ൽ ര​ണ്ടാം ക്ലാ​സ്​ വി​ദ്യാ​ർ​ഥി​യാ​യ​ ഷ​യാ​ൻ.

യു.​എ.​ഇ​യി​ലെ ഷാ​ർ​ജ ചെ​സ്​ ക്ല​ബി​ലെ ഉ​സ്​​ബ​കി​സ്താ​ൻ സ്വ​ദേ​ശി​യും ഗ്രാ​ൻ​ഡ്​ മാ​സ്റ്റ​റു​മാ​യ അ​ല​ക്സി ബാ​ർ​സ്നൗ, തി​രു​വ​ന​ന്ത​പു​ര​ത്തെ മാ​സ്​​റ്റേ​ഴ്​​സ്​ അ​കാ​ദ​മി​യി​ലെ ശ്രീ​ജി​ത്ത്​ എ​ന്നി​വ​രാ​ണ്​ കോ​ച്ചു​മാ​ർ. ഏ​പ്രി​ൽ അ​വ​സാ​ന​ത്തി​ൽ അ​ൽ​ബേ​നി​യ​യി​ൽ ന​ട​ക്കു​ന്ന മ​ത്സ​ര​ത്തി​ൽ വൈ​ൽ​ഡ്കാ​ർ​ഡ്​ എ​ൻ​ട്രി​യും ഷ​യാ​ൻ നേ​ടി​ക്ക​ഴി​ഞ്ഞു. സൂ​പ്പ​ർ ഗ്രാ​ൻ​ഡ്​ മാ​സ്റ്റ​റാ​വ​ണ​മെ​ന്നാ​ണ്​ ആ​ഗ്ര​ഹം.

നി​ല​വി​ൽ അ​രീ​ന ഫി​ഡെ മാ​സ്റ്റ​റാ​ണ്​ ഷ​യാ​ൻ. അ​ൽ​ഐ​നി​ൽ വെ​ച്ച്​ ന​ട​ന്ന ഏ​ഷ്യ​ൻ യൂ​ത്ത്​ റാ​പ്പി​ഡ്​ ചെ​സ് ചാ​മ്പ്യ​ൻ​ഷി​പ്പി​ൽ​ എ​ട്ടു വ​യ​സ്സി​ന്​ താ​ഴെ വി​ഭാ​ഗ​ത്തി​ൽ ഇ​ന്ത്യ​ക്കാ​യി ഗോ​ൾ​ഡ്​ മെ​ഡ​ലും ഷ​യാ​ൻ സ്വ​ന്ത​മാ​ക്കി​യി​രു​ന്നു. ഇ​ത്തി​ഹാ​ദ്​ ക​ൽ​ബ ചെ​സ്​ ക്ല​ബി​ന്‍റെ പേ​രി​ലാ​ണ്​ യു.​എ.​ഇ​യി​ൽ ഷ​യാ​ൻ ക​ളി​ക്കു​ന്ന​ത്. സ​ഹോ​ദ​ര​നും ദു​ബൈ ഇ​ന്ത്യ​ൻ ഹൈ​സ്കൂ​ൾ വി​ദ്യാ​ർ​ഥി​യു​മാ​യ സൈ​ഫാ​നും മി​ക​ച്ച ചെ​സ്​ ക​ളി​ക്കാ​ര​നാ​ണ്.