പ്രളയം ഭയക്കേണ്ട; ഷരീഫി​െൻറ ‘ബുറാഖ്’ സ്പീഡ് ബോട്ട് ഒരുങ്ങി 

മു​ക്കം: വെ​ള്ള​പ്പൊ​ക്ക സു​ര​ക്ഷ മു​ൻ​ക​രു​ത​ലു​മാ​യി ബോ​ട്ട് നിർമിച്ച്​ യുവാവ്​. കോഴിക്കോട് മുക്കം ക​റു​ത്ത​പ​റ​മ്പ് സ്വ​ദേ​ശി ശാ​ന്തി​ന​ഗ​ർ കാ​രാ​ട്ട് കൊ​ളാ​യി​ൽ ഷ​രീ​ഫാ​ണ് ബോ​ട്ട് നി​ർ​മി​ച്ച് പു​ഴ​യി​ലി​റ​ക്കി​യ​ത്.

‘ബു​റാ​ഖ്’ എ​ന്ന​പേ​രി​ലു​ള്ള സ്പീ​ഡ് ബോ​ട്ട്​ ലോ​ക്​​ഡൗ​ൺ കാ​ല​ത്ത്​ 25 ദി​വ​സ​ങ്ങ​ൾ കൊ​ണ്ടാ​ണ് നി​ർ​മി​ച്ച​ത്. ത​റ​വാ​ടാ​യ കൊ​ടി​യ​ത്തൂ​രി​ൽ ര​ണ്ട് പ്ര​ള​യ​ങ്ങ​ളി​ലെ ദു​ര​ന്ത​മു​ഖ​ത്ത് നി​സ്സ​ഹാ​യ​നാ​യി നി​ന്ന ഓ​ർ​മ​ക​ളാ​ണ് ബോ​ട്ട് നി​ർ​മാ​ണ​ത്തി​ന്​ പ്രേ​ര​ണ​യാ​യ​ത്.

​ഇ​പ്പോ​ൾ താ​മ​സി​ക്കു​ന്ന വീ​ടി​​​െൻറ പ​രി​സ​ര​ങ്ങ​ളി​ലൊ​ന്നും പ്ര​ള​യം ബാ​ധി​ക്കി​ല്ലെ​ങ്കി​ലും മ​റ്റു​ള്ള​വ​ർ​ക്ക് ആ​ശ്വാ​സ​മാ​ക​ട്ടെ എ​ന്നാ​ണ്​ ആ​ഗ്ര​ഹം. നാ​ലു മീ​റ്റ​ർ നീ​ള​വും എ​ട്ടു​ മീ​റ്റ​ർ വീ​തി​യു​മു​ണ്ട്. എ​ട്ടു​പേ​ർ​ക്ക് യാ​ത്ര​ചെ​യ്യാം.

ജി.​ഐ.​ഷീ​റ്റു​ക​ളും ഇ​രു​മ്പ് പൈ​പ്പു​ക​ളും കൊ​ണ്ടാ​ണ്​ നി​ർ​മാ​ണം. മ​ക​ൻ യാ​സി​ർ മു​ഹ​മ്മ​ദും സ​ഹാ​യ​ത്തി​നെ​ത്തി. മ​ണ്ണെ​ണ്ണ​യി​ൽ ഉപയോഗി​ക്കാ​വു​ന്ന ഒ​ന്ന​ര എ​ച്ച്.​പി മോ​ട്ടോ​ർ ഉ​പ​യോ​ഗി​ച്ചാ​ണ് ബോ​ട്ട് പ്ര​വ​ർ​ത്തി​പ്പി​ക്കു​ന്ന​ത്.

മൊ​ത്തം ഒ​ന്ന​ര ക്വി​ൻ​റ​ൽ ഭാ​ര​മു​ണ്ട്. സ്​​റ്റാ​ർ​ട്ടാ​ക്കു​ന്ന​ത്​ പെ​ട്രോ​ൾ സം​വി​ധാ​ന​ത്തി​ലാ​ണ്. വെ​ള്ള​ത്തി​ൽ താ​ഴ്ന്നു പോ​കാ​തി​രി​ക്കാ​ൻ എ​യ​ർ ടാ​ങ്കും ഇ​രു​ന്നു യാ​ത്ര​ചെ​യ്യാ​ൻ സീ​റ്റു​ക​ളും ഘ​ടി​പ്പി​ച്ചി​ട്ടു​ണ്ട്.

നി​ർ​മാ​ണം പൂ​ർ​ത്തി​യാ​യ സ്പീ​ഡ് ബോ​ട്ട് ആ​ദ്യ പ​രീ​ക്ഷ​ണ​മെ​ന്ന​നി​ല​യി​ൽ  ഇ​രു​വ​ഴി​ഞ്ഞി​പ്പു​ഴ​യി​ൽ ഇ​റ​ക്കി എ​ട്ടോ​ളം പേ​രെ ക​യ​റ്റി യാ​ത്ര വി​ജ​യ​ക​ര​മാ​യി പൂ​ർ​ത്തീ​ക​രി​ച്ചു. ച​ക്ര​ങ്ങ​ൾ ഘ​ടി​പ്പി​ച്ച് മോ​ട്ടോ​ർ സം​വി​ധാ​ന​ത്തി​ലൂ​ടെ റോ​ഡി​ലും സ​ഞ്ച​രി​ക്കാ​ൻ സം​വി​ധാ​ന​മൊ​രു​ക്ക​ണ​മെ​ന്ന ആ​ഗ്ര​ഹ​വും ഷ​രീ​ഫി​നു​ണ്ട്. 25000 രൂ​പ​യാ​ണ്  നി​ർ​മാ​ണ​ച്ചെ​ല​വ്.