സിനിമയുടെ വ്യാജ പകർപ്പ്​; കടയുടമ അറസ്​റ്റിൽ

കൊട്ടാരക്കര: സിനിമയുടെ വ്യാജ പകർപ്പുകൾ കോപ്പി ചെയ്ത് നൽകിയതിന് മൊബൈൽ ഷോപ് ഉടമയെ ആൻറിപൈറസി സെൽ അറസ്റ്റ് ചെയ്തു. കൊട്ടാരക്കര പുലമൺ സിറ്റി മൊബൈൽസിലെ സെയ്ഫുദ്ദീൻ ആണ് (29) പിടിയിലായത്. തിരുവനന്തപുരം ആൻറിപൈറസി സെല്ലും കൊട്ടാരക്കര പൊലീസും ചേർന്ന് നടത്തിയ പരിശോധനയിലാണ് സെയ്ഫുദ്ദീൻ പിടിയിലായത്. പുലിമുരുകൻ, പാവാട തുടങ്ങിയ സിനിമകൾ ഇവിടെ കോപ്പി ചെയ്തിരുന്നതായി പൊലീസ് പറയുന്നു.