മ​ക​ന്റെ വി​വാ​ഹം ക്ഷ​ണി​ക്കാ​ൻ പോ​യ പ​ഞ്ചാ​യ​ത്ത് അം​ഗ​ത്തി​ന് സ്കൂ​ട്ട​റി​ൽ ബ​സി​ടി​ച്ച് ദാ​രു​ണാ​ന്ത്യം

മം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ലെ സോ​ണ​ങ്കേ​രി​യി​ൽ ക​ർ​ണാ​ട​ക ആ​ർ.​ടി.​സി ബ​സ് ഇ​ടി​ച്ച് സ്കൂ​ട്ട​ർ യാ​ത്രി​ക​ൻ കൊ​ല്ല​പ്പെ​ട്ടു. നെ​ല്ലൂ​ർ കെം​രാ​ജു ഗ്രാ​മ​പ​ഞ്ചാ​യ​ത്ത് അം​ഗം രാ​മ​ച​ന്ദ്ര പ്ര​ഭു​വാ​ണ് (68) തി​ങ്ക​ളാ​ഴ്ച​യു​ണ്ടാ​യ അ​പ​ക​ട​ത്തി​ൽ മ​രി​ച്ച​ത്. നെ​ല്ലോ​റെ കെം​രാ​ജു ഗ്രാ​മ​വാ​സി​യാ​യ പ്ര​ഭു മ​ക​ന്റെ വി​വാ​ഹ ക്ഷ​ണ​ക്ക​ത്തു​ക​ൾ വി​ത​ര​ണം ചെ​യ്യാ​ൻ സു​ള്ള്യ​യി​ലേ​ക്ക് വ​രു​മ്പോ​ഴാ​ണ് അ​പ​ക​ടം സം​ഭ​വി​ച്ച​ത്. എ​തി​രെ​നി​ന്ന് വ​ന്ന ബ​സി​ന്റെ ഇ​ടി​യു​ടെ ആ​ഘാ​ത​ത്തി​ൽ സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. വീ​ട്ടി​ൽ​നി​ന്ന് പു​റ​പ്പെ​ടു​മ്പോ​ൾ ഭാ​ര്യ ഉ​മാ​വ​തി സ്കൂ​ട്ട​റി​ൽ പി​ൻ​യാ​ത്രി​ക​യാ​യി ഉ​ണ്ടാ​യി​രു​ന്നു. ദു​ഗ്ള​ഡു​ക്ക​യി​ൽ എ​ത്തി​യ​പ്പോ​ൾ പൊ​ടു​ന്ന​നെ മ​ഴ പെ​യ്തു. ഭാ​ര്യ​യെ സു​ള്ള്യ​യി​ലേ​ക്കു​ള്ള ബ​സി​ൽ ക​യ​റ്റി​വി​ട്ട് യാ​ത്ര തു​ട​ർ​ന്ന പ്ര​ഭു സു​ട്ടു​കോ​ട്ട വ​ള​വി​ൽ എ​ത്തി​യ​പ്പോ​ൾ അ​പ​ക​ട​ത്തി​ൽ​പെ​ട്ടു. ത​ല​ക്കേ​റ്റ മാ​ര​ക പ​രി​ക്കാ​ണ് മ​ര​ണ​കാ​ര​ണ​മെ​ന്ന് പൊ​ലീ​സ് പ​റ​ഞ്ഞു. പൊ​തു​സ​മ്മ​ത​നാ​യ സാ​മൂ​ഹി​ക പ്ര​വ​ർ​ത്ത​ക​നാ​യ പ്ര​ഭു നെ​ല്ലൂ​രു കെം​പാ​ജെ പ്രാ​ഥ​മി​ക കാ​ർ​ഷി​ക സ​ഹ​ക​ര​ണ സം​ഘം ബി​ൽ ക​ല​ക്ട​റാ​യി​രു​ന്നു. പി​ന്നീ​ടാ​ണ് ജ​ന​പ്ര​തി​നി​ധി​യാ​യി തെ​ര​ഞ്ഞെ​ടു​ക്ക​പ്പെ​ട്ട​ത്.