പ​ക്ഷി​പ്പ​നി; ജാ​​ഗ്ര​ത​യു​മാ​യി ആ​രോ​​ഗ്യ​വ​കു​പ്പ്

ബം​​ഗ​ളൂ​രു: ബ​ല്ലാ​രി, ചി​ക്ക​ബ​ല്ലാ​പു​ര, റെ​യ്ച്ചൂ​ർ ജി​ല്ല​ക​ളി​ൽ പ​ക്ഷി​പ്പ​നി സ്ഥി​രീ​ക​രി​ച്ച​തി​നെ​ത്തു​ട​ർ​ന്ന് സം​സ്ഥാ​ന​ത്ത് നി​രീ​ക്ഷ​ണം ശ​ക്ത​മാ​ക്കി ക​ർ​ണാ​ട​ക ആ​രോ​​ഗ്യ​വ​കു​പ്പ്. നി​ല​വി​ൽ വ​ള​ർ​ത്തു​പ​ക്ഷി​ക​ളി​ൽ മാ​ത്ര​മാ​ണ് സം​സ്ഥാ​ന​ത്ത് കേ​സു​ക​ൾ റി​പ്പോ​ർ​ട്ട് ചെ​യ്ത​ത്. ച​ത്ത വ​ള​ർ​ത്തു​പ​ക്ഷി​ക​ളി​ൽ​നി​ന്ന് ശേ​ഖ​രി​ച്ച സാ​മ്പി​ളു​ക​ൾ ഭോ​പാ​ലി​ലെ സെ​ൻ​ട്ര​ൽ ല​ബോ​റ​ട്ട​റി​യി​ലെ​ത്തി​ച്ചാ​ണ് പ​ക്ഷി​പ്പ​നി സ്ഥി​രീ​ക​രി​ച്ച​തെ​ന്ന് മു​തി​ർ​ന്ന ആ​രോ​​ഗ്യ​വ​കു​പ്പ് ഉ​ദ്യോ​​ഗ​സ്ഥ​ർ പ​റ​ഞ്ഞു.

സോ‍ഡി​യം ഹൈ​ഡ്രോ​ക്ലോ​റൈ​ഡ് ഉ​പ​യോ​​ഗി​ച്ച് തെ​രു​വു​ക​ളും ഡ്രൈ​നേ​ജു​ക​ളും വൃ​ത്തി​യാ​ക്കു​ന്ന​തി​നു​ള്ള ന​ട​പ​ടി​ക​ളും അ​ജ്ജ​വ​ര പ​ഞ്ചാ​യ​ത്തി​ൽ ആ​രം​ഭി​ച്ചി​ട്ടു​ണ്ട്. കൂ​ടാ​തെ ബോ​ധ​വ​ത്ക​ര​ണ അ​റി​യി​പ്പു​ക​ളും ന​ൽ​കു​ന്നു​ണ്ട്. മു​ൻ​ക​രു​ത​ൽ ന​ട​പ​ടി​ക​ൾ സ്വീ​ക​രി​ക്കാ​ൻ ഭ​ര​ണ​കൂ​ടം നി​ർ​ദേ​ശി​ച്ച​തി​നെ​ത്തു​ട​ർ​ന്ന് കോ​ഴി ക​ർ​ഷ​ക​ർ ആ​ശ​ങ്ക​യി​ലാ​ണ്. ര​ണ്ട് ദി​വ​സം മു​മ്പ് ഏ​ക​ദേ​ശം 10,000 കോ​ഴി​ക​ളെ വി​ൽ​പ​ന​ക്കാ​യി പ്ര​ദേ​ശ​ത്തു​നി​ന്നും ബം​ഗ​ളൂ​രു​വി​ലേ​ക്ക് കൊ​ണ്ടു​പോ​യ​താ​യി ക​ർ​ഷ​ക​ർ പ​റ​ഞ്ഞു. ആ​​രോ​​ഗ്യ​വ​കു​പ്പു​മാ​യി ചേ​ർ​ന്ന് അ​ത​ത് ജി​ല്ല ഭ​ര​ണ​കൂ​ട​ങ്ങ​ൾ ആ​വ​ശ്യ​മാ​യ ജാ​​ഗ്ര​ത ന​ട​പ​ടി​ക​ൾ കൈ​ക്കൊ​ണ്ടി​ട്ടു​ണ്ടെ​ന്നും ജ​ന​ങ്ങ​ൾ പ​രി​ഭ്രാ​ന്ത​രാ​കേ​ണ്ട​തി​ല്ലെ​ന്നും ആ​രോ​​ഗ്യ​വ​കു​പ്പ് അ​റി​യി​ച്ചു.