ബെള്ളാരി സിറ്റി മണ്ഡലത്തിൽ കുടുംബപ്പോരിന് കളമൊരുങ്ങി

ബം​ഗ​ളൂ​രു: വ​രു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബെ​ള്ളാ​രി സി​റ്റി നി​യോ​ജ​ക മ​ണ്ഡ​ല​ത്തി​ൽ മ​ത്സ​രം പൊ​ടി​പാ​റു​മെ​ന്ന് ഉ​റ​പ്പാ​യി. ഖ​നി ഭീ​മ​ൻ ഗാ​ലി ജ​നാ​ർ​ദ​ന റെ​ഡ്ഡി രൂ​പ​വ​ത്ക​രി​ച്ച ക​ല്യാ​ണ രാ​ജ്യ പ്ര​ഗ​തി പ​ക്ഷ (കെ.​ആ​ർ.​പി.​പി) പ്ര​തി​നി​ധി​യാ​യി ഭാ​ര്യ അ​രു​ണ ല​ക്ഷ്മി മ​ത്സ​രി​ക്കു​മെ​ന്ന പ്ര​ഖ്യാ​പ​ന​ത്തി​നു പി​ന്നാ​ലെ മ​ണ്ഡ​ല​ത്തി​ലെ ബി.​ജെ.​പി​യു​ടെ സി​റ്റി​ങ് എം.​എ​ൽ.​എ​യും ജ​നാ​ർ​ദ​ന റെ​ഡ്ഡി​യു​ടെ സ​ഹോ​ദ​ര​നു​മാ​യ സോ​മ​ശേ​ഖ​ര റെ​ഡ്ഡി വെ​ല്ലു​വി​ളി ഏ​റ്റെ​ടു​ക്കു​ക​യാ​യി​രു​ന്നു. സ​ഹോ​ദ​ര​ന്റെ ഭാ​ര്യ മ​ത്സ​രി​ച്ചാ​ലും താ​ൻ മ​ത്സ​ര​ത്തി​ൽ​നി​ന്ന് പി​ന്മാ​റി​ല്ലെ​ന്ന് സോ​മ​ശേ​ഖ​ര ​റെ​ഡ്ഡി പ​റ​ഞ്ഞു.

ഗാ​ലി ജ​നാ​ർ​ദ​ന റെ​ഡ്ഡി​യു​ടെ പി​ന്തു​ണ​യി​ല്ലാ​തെ ത​നി​ക്ക് മ​ണ്ഡ​ല​ത്തി​ൽ വി​ജ​യി​ക്കാ​നാ​വും. 2018ലെ ​തെ​ര​ഞ്ഞെ​ടു​പ്പി​ൽ ജ​നാ​ർ​ദ​ന റെ​ഡ്ഡി​യു​ടെ പി​ന്തു​ണ​യി​ല്ലാ​തെ​യാ​ണ് താ​ൻ തെ​ര​ഞ്ഞെ​ടു​പ്പി​നെ നേ​രി​ട്ട​ത്. ഞ​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾ ഞ​ങ്ങ​ൾ​ക്ക് ര​ക്ഷ​ക​രാ​വും.

പു​തി​യ പാ​ർ​ട്ടി​യി​ൽ ചേ​രാ​ൻ അ​ദ്ദേ​ഹ​മെ​ന്നെ ക്ഷ​ണി​ച്ചി​രു​ന്നു. എ​ന്നാ​ൽ, ഞാ​ന​ത് നി​ര​സി​ച്ചു. ഇ​തി​ൽ അ​രി​ശം​പൂ​ണ്ടാ​ണ് എ​നി​ക്കെ​തി​രെ അ​ദ്ദേ​ഹ​ത്തി​ന്റെ ഭാ​ര്യ​യെ സ്ഥാ​നാ​ർ​ഥി​യാ​ക്കു​ന്ന​ത്. ഇ​ത് താ​ൻ പ്ര​തീ​ക്ഷി​ച്ച​താ​യി​രു​ന്നെ​ന്നും സോ​മ​ശേ​ഖ​ര റെ​ഡ്ഡി പ​റ​ഞ്ഞു.

2008ൽ ​ദ​ക്ഷി​ണേ​ന്ത്യ​യി​ൽ ആ​ദ്യ​മാ​യി ബി.​ജെ.​പി ക​ർ​ണാ​ട​ക​യി​ൽ അ​ധി​കാ​ര​ത്തി​ലേ​റി​യ​പ്പോ​ൾ അ​ന്ന് ജ​നാ​ർ​ദ​ന റെ​ഡ്ഡി​യു​ടെ പി​ൻ​ബ​ല​ത്തി​ലാ​ണ് ഓ​പ​റേ​ഷ​ൻ താ​മ​ര അ​ര​ങ്ങേ​റി​യ​ത്. കേ​സി​ലും ജ​യി​ലി​ലും​പെ​ട്ട ജ​നാ​ർ​ദ​ന റെ​ഡ്ഡി​യെ ക​ഴി​ഞ്ഞ തെ​ര​ഞ്ഞെ​ടു​പ്പാ​യ​പ്പോ​ഴേ​ക്കും പാ​ർ​ട്ടി പാ​ടെ ത​ഴ​ഞ്ഞു.

2018ലെ ​തെ​ര​ഞ്ഞെ​ടു​പ്പി​ൽ ബെ​ള്ളാ​രി​യി​ലും പു​റ​ത്തു​മാ​യി റെ​ഡ്ഡി വ​ല​യ​ത്തി​ലെ ആ​റു​പേ​ർ​ മ​ത്സ​രി​ച്ചി​രു​ന്നു. ജ​നാ​ർ​ദ​ന റെ​ഡ്ഡി​യു​ടെ സ​ഹോ​ദ​ര​ന്മാ​രാ​യ സോ​മ​ശേ​ഖ​ര റെ​ഡ്ഡി (ബെ​ള്ളാ​രി സി​റ്റി), ക​രു​ണാ​ക​ര റെ​ഡ്ഡി (ഹാ​ര​പ്പ​ന​ഹ​ള്ളി), റെ​ഡ്ഡി​യു​ടെ വ​ലം​കൈ​യാ​യ ബി. ​ശ്രീ​രാ​മു​ലു (മു​ള​കാ​ൽ​മു​രു, ബ​ദാ​മി), ​ശ്രീ​രാ​മു​ലു​വി​​ന്റെ ബ​ന്ധു​ക്ക​ളാ​യ സ​ണ്ണ ഫ​ക്കീ​ര​പ്പ (ബെ​ള്ളാ​രി റൂ​റ​ൽ), സു​രേ​ഷ്​ ബാ​ബു (കാം​പ്ലി), ജ​നാ​ർ​ദ​ന റെ​ഡ്ഡി​യു​ടെ ബ​ന്ധു ല​ല്ലേ​ഷ്​ റെ​ഡ്ഡി (ബി.​ടി.​എം ലേ​ഔ​ട്ട്) എ​ന്നി​വി​ട​ങ്ങ​ളി​ലാ​ണ്​ മ​ത്സ​രി​ച്ച​ത്. ഇ​തി​ൽ സോ​മ​ശേ​ഖ​ര റെ​ഡ്ഡി​യും ക​രു​ണാ​ക​ര റെ​ഡ്ഡി​യും ശ്രീ​രാ​മു​ലു​വും വി​ജ​യി​ച്ചു.

ഇ​ത്ത​വ​ണ ബി.​ജെ.​പി​ക്കെ​തി​രെ ജ​നാ​ർ​ദ​ന റെ​ഡ്ഡി സ്വ​ന്തം പാ​ർ​ട്ടി​യു​മാ​യി മ​ത്സ​രി​ക്കാ​നെ​ത്തു​മ്പോ​ൾ ബെ​ള്ളാ​രി​യി​ലും സ​മീ​പ ജി​ല്ല​ക​ളാ​യ റാ​യ്​​ച്ചൂ​രി​ലും ചി​ത്ര​ദു​ർ​ഗ​യി​ലു​മ​ട​ക്കം പ​ത്തി​ലേ​റെ സീ​റ്റു​ക​ളി​ൽ ബി.​ജെ.​പി തോ​ൽ​വി നേ​രി​ടേ​ണ്ടി​വ​രു​മെ​ന്നാ​ണ് വി​ല​യി​രു​ത്ത​ൽ.