ജഗദീഷ് ഷെട്ടാർ കോൺ​ഗ്രസിൽ ചേർന്നു

ബം​ഗ​ളൂ​രു: മു​ൻ മു​ഖ്യ​മ​ന്ത്രി​യും ക​ർ​ണാ​ട​ക ബി.​ജെ.​പി മു​ൻ അ​ധ്യ​ക്ഷ​നു​മാ​യ ജ​ഗ​ദീ​ഷ് ഷെ​ട്ടാ​ർ കോ​ൺ​​ഗ്ര​സി​ൽ ചേ​ർ​ന്നു. തി​ങ്ക​ളാ​ഴ്ച ബം​ഗ​ളൂ​രു​വി​ലെ കെ.​പി.​സി.​സി ഓ​ഫി​സി​ൽ ന​ട​ന്ന ച​ട​ങ്ങി​ൽ എ.​ഐ.​സി.​സി അ​ധ്യ​ക്ഷ​ൻ മ​ല്ലി​കാ​ർ​ജു​ന ഖാ​ർ​ഗെ അ​ദ്ദേ​ഹ​ത്തി​ന് പാ​ർ​ട്ടി പ​താ​ക കൈ​മാ​റി വ​ര​വേ​റ്റു.

ലിം​ഗാ​യ​ത്ത് നേ​താ​വാ​യ​തു​കൊ​ണ്ടാ​ണ് ത​ന്നെ ബി.​ജെ.​പി ത​ഴ​ഞ്ഞ​തെ​ന്നും സം​സ്ഥാ​ന​ത്തെ ചി​ല ബി.​ജെ.​പി നേ​താ​ക്ക​ൾ സ്വാ​ർ​ഥ​താ​ൽ​പ​ര്യ​ത്തി​ന് പ്ര​വ​ർ​ത്തി​ക്കു​ക​യാ​ണെ​ന്നും ജ​ഗ​ദീ​ഷ് ഷെ​ട്ടാ​ർ ആ​രോ​പി​ച്ചു.

എം.​എ​ൽ.​എ സ്ഥാ​നം രാ​ജി​​വെ​ച്ച് ഞാ​യ​റാ​ഴ്ച സ്‍പീ​ക്ക​ർ​ക്ക് ക​ത്തു​ന​ൽ​കി​യ അ​ദ്ദേ​ഹം രാ​ത്രി​യോ​ടെ ബി.​ജെ.​പി അം​ഗ​ത്വ​വും ഒ​ഴി​ഞ്ഞി​രു​ന്നു. തു​ട​ർ​ന്ന് കോ​ൺ​ഗ്ര​സി​ലെ ലിം​ഗാ​യ​ത്ത് നേ​താ​ക്ക​ളാ​യ ഷാ​മ​ന്നൂ​ർ ശി​വ​ശ​ങ്ക​ര​പ്പ, എം.​ബി. പാ​ട്ടീ​ൽ എ​ന്നി​വ​രെ കൂ​ടാ​തെ പ്ര​തി​പ​ക്ഷ നേ​താ​വ് സി​ദ്ധ​രാ​മ​യ്യ, ര​ൺ​ദീ​പ് സി​ങ് സു​ർ​ജേ​വാ​ല എ​ന്നി​വ​ർ​ക്കൊ​പ്പം ഷാ​മ​ന്നൂ​രി​ന്റെ ബം​ഗ​ളൂ​രു​വി​ലെ വ​സ​തി​യി​ലും ഏ​റെ​നേ​രം കൂ​ടി​ക്കാ​ഴ്ച ന​ട​ത്തി.

ഹു​ബ്ബ​ള്ളി-​ധാ​ർ​വാ​ഡ് സെ​ൻ​ട്ര​ൽ മ​ണ്ഡ​ല​ത്തി​ൽ​നി​ന്ന് മ​ത്സ​രി​ക്കാ​ൻ നാ​മ​നി​ർ​ദേ​ശ​പ​ത്രി​ക​ക്കാ​യു​ള്ള ബി ​ഫോം കെ.​പി.​സി.​സി അ​ധ്യ​ക്ഷ​ൻ ഡി.​കെ. ശി​വ​കു​മാ​ർ ഷെ​ട്ടാ​റി​ന് കൈ​മാ​റി. ക​ർ​ണാ​ട​ക രാ​ഷ്ട്രീ​യ​ത്തി​ലെ ച​രി​ത്ര​പ​ര​മാ​യ ദി​ന​മാ​ണി​തെ​ന്നാ​യി​രു​ന്നു ശി​വ​കു​മാ​റി​ന്റെ പ്ര​തി​ക​ര​ണം. തെ​ര​ഞ്ഞെ​ടു​പ്പി​ൽ ഒ​രു തോ​ൽ​വി പോ​ലും വ​ഴ​ങ്ങാ​ത്ത ഷെ​ട്ടാ​റി​ന്റെ രാ​ഷ്ട്രീ​യ ജീ​വി​ത​ത്തി​ൽ ക​റു​ത്ത പാ​ടു​ക​ളി​ല്ലെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. കെ.​സി. വേ​ണു​ഗോ​പാ​ൽ, സി​ദ്ധ​രാ​മ​യ്യ, ര​ൺ​ദീ​പ് സി​ങ് സു​ർ​​ജേ​വാ​ല തു​ട​ങ്ങി​യ നേ​താ​ക്ക​ളും പ​​ങ്കെ​ടു​ത്തു.