ക​രു​ത്തു​കാ​ട്ടി മൈ​സൂ​രു​വി​ൽ ജ​നാ​ന്ദോ​ള​ന റാ​ലി

ബം​ഗ​ളൂ​രു: ജ​ന​ങ്ങ​ൾ മ​നു​വാ​ദി​ക​ളെ പു​റ​ന്ത​ള്ള​ണ​മെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ. മൈ​സൂ​രു മ​ഹാ​രാ​ജാ​സ് കോ​ള​ജ് മൈ​താ​ന​ത്ത് കോ​ൺ​ഗ്ര​സ് സം​ഘ​ടി​പ്പി​ച്ച ജ​നാ​ന്ദോ​ള​ന ക​ൺ​വെ​ൻ​ഷ​നി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ആ​ഗ​സ്റ്റ് ഒ​മ്പ​ത് എ​ന്ന തീ​യ​തി ച​രി​ത്ര​ത്തി​ൽ ക്വി​റ്റ് ഇ​ന്ത്യ പ്ര​സ്ഥാ​ന​ത്തി​ന്റെ വാ​ർ​ഷി​ക​മാ​ണ്. ന​മ്മു​ടെ രാ​ജ്യ​ത്തു​നി​ന്ന് ബ്രി​ട്ടീ​ഷു​കാ​രെ പു​റ​ന്ത​ള്ളാ​നു​ള്ള പ്ര​സ്ഥാ​ന​ത്തി​ന്റെ ഓ​ർ​മ​യാ​ണ​തു പ​ക​രു​ന്ന​ത്. രാ​ജ്യ​ത്ത് വ​ർ​ഗീ​യ​ത​യു​ടെ​യും ജാ​തീ​യ​ത​യു​ടെ​യും പേ​രി​ൽ ജ​ന​ങ്ങ​ളെ ഭി​ന്നി​പ്പി​ക്കു​ന്ന​വ​രെ​യാ​ണ് ഇ​ന്ന് നാം ​പു​റ​ന്ത​ള്ളേ​ണ്ട​ത്. പി​ന്നാ​ക്ക വി​ഭാ​ഗ​ക്കാ​രെ സ​ഹി​ക്കാ​ത്ത, അ​വ​രെ ചൂ​ഷ​ണ​ത്തി​ന് വി​ധേ​യ​മാ​ക്കു​ന്ന മ​നു​വാ​ദി​ക​ളെ​യും ജാ​തീ​യ​വാ​ദി​ക​ളെ​യും പ്ര​മാ​ണി​ക​ളെ​യു​മാ​ണ് നാം ​എ​തി​ർ​ക്കേ​ണ്ട​ത്.

കോ​ൺ​ഗ്ര​സി​ന്റെ മു​ൻ മു​ഖ്യ​മ​ന്ത്രി​മാ​രാ​യ ദേ​വ​രാ​ജ് അ​ര​ശ്, എ​സ്. ബം​ഗാ​ര​പ്പ, എം. ​വീ​ര​പ്പ മൊ​യ്‍ലി എ​ന്നി​വ​ർ പി​ന്നാ​ക്ക സ​മു​ദാ​യ​ത്തി​ൽ​നി​ന്നു​ള്ള​വ​രാ​യ​തി​നാ​ലാ​ണ് അ​വ​രെ നി​ർ​ബ​ന്ധി​ച്ച് അ​ധി​കാ​ര​ത്തി​ൽ നി​ന്നി​റ​ക്കി​യ​തെ​ന്ന് അ​ദ്ദേ​ഹം ആ​രോ​പി​ച്ചു. മു​ൻ മു​ഖ്യ​മ​ന്ത്രി ധ​രം സി​ങ്ങി​നെ പി​റ​കി​ൽ​നി​ന്ന് കു​ത്തി​യ​വ​രാ​ണ് ദ​ൾ നേ​താ​ക്ക​ളാ​യ ദേ​വ​ഗൗ​ഡ​യും കു​മാ​ര​സ്വാ​മി​യും. അ​ഴി​മ​തി​യി​ൽ മു​ങ്ങി​ക്കു​ളി​ച്ച ബി.​ജെ.​പി, ജെ.​ഡി-​എ​സ് നേ​താ​ക്ക​ൾ​ക്ക് ത​ന്നെ ചോ​ദ്യം ചെ​യ്യാ​നോ ത​ന്റെ രാ​ജി ആ​വ​ശ്യ​പ്പെ​ടാ​നോ ധാ​ർ​മി​ക അ​വ​കാ​ശ​മി​ല്ലെ​ന്നും സി​ദ്ധ​രാ​മ​യ്യ കൂ​ട്ടി​ച്ചേ​ർ​ത്തു.

പ്ര​തി​പ​ക്ഷ നേ​താ​വ് ആ​ർ. അ​ശോ​ക, മു​ൻ മു​ഖ്യ​മ​ന്ത്രി ബി.​എ​സ്. യെ​ദി​യൂ​ര​പ്പ, മ​ക​ൻ ബി.​വൈ. വി​ജ​യേ​ന്ദ്ര എ​ന്നി​വ​ർ​ക്ക് ത​ന്റെ രാ​ജി ആ​വ​ശ്യ​പ്പെ​ടാ​ൻ എ​ന്ത് ധാ​ർ​മി​ക അ​വ​കാ​ശ​മാ​ണു​ള്ള​ത്? യെ​ദി​യൂ​ര​പ്പ​ക്ക് ല​ജ്ജ​യു​ണ്ടെ​ങ്കി​ൽ അ​ദ്ദേ​ഹം രാ​ഷ്ട്രീ​യ​ത്തി​ൽ​നി​ന്ന് വി​ര​മി​ക്ക​ണം. 82 വ​യ​സ്സാ​യി. പോ​ക്സോ കേ​സി​ൽ പ്ര​തി​യാ​യ അ​ദ്ദേ​ഹ​ത്തി​നെ​തി​രെ കു​റ്റ​പ​ത്രം സ​മ​ർ​പ്പി​ച്ചു​ക​ഴി​ഞ്ഞു. ആ​ഗ​സ്റ്റ് 10ന് ​ഞാ​ൻ രാ​ജി​വെ​ക്ക​ണ​മെ​ന്നാ​ണ് യെ​ദി​യൂ​ര​പ്പ ആ​വ​ശ്യ​പ്പെ​ടു​ന്ന​ത്. എ​ന്ത് ധാ​ർ​മി​ക​ത​യാ​ണ് അ​ദ്ദേ​ഹ​ത്തി​നു​ള്ള​ത്? ഒ​ന്നോ ര​ണ്ടോ അ​ല്ല ഇ​രു​പ​തോ​ളം അ​ഴി​മ​തി​ക​ളാ​ണ് യെ​ദി​യൂ​ര​പ്പ ന​ട​ത്തി​യ​ത്. നി​ര​വ​ധി അ​ഴി​മ​തി​ക​ളി​ൽ വി​ജ​യേ​ന്ദ്ര​യും ഉ​ൾ​പ്പെ​ട്ടി​ട്ടു​ണ്ട്. വി​ജ​യേ​ന്ദ്ര കോ​ടി​ക​ളു​ടെ അ​ഴി​മ​തി ന​ട​ത്തി​യെ​ന്ന് ബി.​ജെ.​പി നേ​താ​വ് ബ​സ​ന​ഗൗ​ഡ പാ​ട്ടീ​ൽ യ​ത്നാ​ൽ ത​ന്നെ​യാ​ണ് ചൂ​ണ്ടി​ക്കാ​ട്ടി​യ​ത്. കു​മാ​ര​സ്വാ​മി​യു​ടെ കാ​ര്യ​ത്തി​ലാ​ണെ​ങ്കി​ൽ, അ​ദ്ദേ​ഹം ജ​ണ്ട​ക​ൽ ഖ​ന​ന കേ​സ് മ​റ​ന്നോ? 20 ക​മ്പ​നി​ക​ൾ​ക്കാ​ണ് അ​ദ്ദേ​ഹം ഖ​ന​നം പു​ന​രാ​രം​ഭി​ക്കാ​ൻ അ​നു​മ​തി ന​ൽ​കി​യ​ത്. രാ​ജി ആ​വ​ശ്യ​പ്പെ​ടാ​ൻ കു​മാ​ര​സ്വാ​മി​ക്ക് നാ​ണ​മി​ല്ലേ​യെ​ന്നും സി​ദ്ധ​രാ​മ​യ്യ ചോ​ദി​ച്ചു.

മൈ​സൂ​രു വി​ക​സ​ന അ​തോ​റി​റ്റി (മു​ഡ) അ​ഴി​മ​തി കേ​സി​ൽ ത​നി​ക്കെ​തി​രെ ഹ​ര​ജി ന​ൽ​കി​യ മ​ല​യാ​ളി​യാ​യ ടി.​ജെ. അ​ബ്ര​ഹാ​മി​നെ​തി​രെ​യും മു​ഖ്യ​മ​ന്ത്രി വി​മ​ർ​ശ​ന​മു​ന്ന​യി​ച്ചു. ആ​രാ​ണ് ടി.​ജെ. അ​ബ്ര​ഹാം? സു​പ്രീം​കോ​ട​തി 25 ല​ക്ഷം രൂ​പ പി​ഴ​യ​ട​പ്പി​ച്ച​യാ​ളാ​ണ് അ​ബ്ര​ഹാം. കെ.​എ.​എ​സ് ഉ​ദ്യോ​ഗ​സ്ഥ ഡോ. ​സു​ധ​യെ ബ്ലാ​ക്ക്മെ​യി​ൽ ചെ​യ്ത കേ​സി​ൽ കു​റ്റ​പ​ത്രം നേ​രി​ടേ​ണ്ടി വ​ന്ന​യാ​ളാ​ണ് അ​ദ്ദേ​ഹ​മെ​ന്നും സി​ദ്ധ​രാ​മ​യ്യ പ​റ​ഞ്ഞു.

സി​ദ്ധ​രാ​മ​യ്യ​യു​ടെ രാ​ജി ആ​വ​ശ്യ​പ്പെ​ട്ട് പ്ര​തി​പ​ക്ഷ പാ​ർ​ട്ടി​ക​ളാ​യ ബി.​ജെ.​പി​യും ജെ.​ഡി-​എ​സും ചേ​ർ​ന്ന് ന​ട​ത്തു​ന്ന ‘മൈ​സൂ​രു ച​ലോ’ പ​ദ​യാ​ത്ര ശ​നി​യാ​ഴ്ച സ​മാ​പി​ക്കാ​നി​രി​ക്കെ മൈ​സൂ​രു​വി​ൽ വെ​ള്ളി​യാ​ഴ്ച ന​ട​ന്ന ജ​നാ​ന്ദോ​ള​ന റാ​ലി കോ​ൺ​ഗ്ര​സി​ന്റെ ശ​ക്തി​പ്ര​ക​ട​ന​മാ​യി മാ​റി. ക​ർ​ണാ​ട​ക​യു​ടെ ചു​മ​ത​ല​യു​ള്ള എ.​ഐ.​സി.​സി ജ​ന​റ​ൽ സെ​ക്ര​ട്ട​റി ര​ൺ​ദീ​പ് സി​ങ് സു​ർ​ജെ വാ​ല, ഉ​പ​മു​ഖ്യ​മ​ന്ത്രി​യും കെ.​പി.​സി.​സി അ​ധ്യ​ക്ഷ​നു​മാ​യ ഡി.​കെ. ശി​വ​കു​മാ​ർ എ​ന്നി​വ​രെ കൂ​ടാ​തെ മ​ന്ത്രി​മാ​രും എം.​എ​ൽ.​എ​മാ​രും എം.​എ​ൽ.​സി​മാ​രും മ​റ്റു നേ​താ​ക്ക​ളും റാ​ലി​യി​ൽ പ​​ങ്കെ​ടു​ത്തു.

പോ​ക്സോ കേ​സ്: സ​ത്യം കോ​ട​തി​യി​ൽ തെ​ളി​യും -യെ​ദി​യൂ​ര​പ്പ

ബം​ഗ​ളൂ​രു: ത​നി​ക്കെ​തി​രാ​യ പോ​ക്സോ കേ​സി​ലെ സ​ത്യാ​വ​സ്ഥ കോ​ട​തി​യി​ൽ തെ​ളി​യു​മെ​ന്നും സി​ദ്ധ​രാ​മ​യ്യ​ക്ക് ഉ​ചി​ത​മാ​യ മ​റു​പ​ടി ല​ഭി​ക്കു​മെ​ന്നും മു​ൻ മു​ഖ്യ​മ​ന്ത്രി​യും ബി.​ജെ.​പി നേ​താ​വു​മാ​യ ബി.​എ​സ്. യെ​ദി​യൂ​ര​പ്പ. പോ​ക്സോ കേ​സി​ൽ പ്ര​തി​യാ​യ യെ​ദി​യൂ​ര​പ്പ രാ​ഷ്ട്രീ​യ ജീ​വി​തം അ​വ​സാ​നി​പ്പി​ക്ക​ണ​മെ​ന്ന മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ പ്ര​സ്താ​വ​ന​യോ​ട് പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. സി​ദ്ധ​രാ​മ​യ്യ വി​ര​മി​ച്ച് വീ​ട്ടി​ലി​രി​ക്കാ​നു​ള്ള സ​മ​യ​മാ​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സി​ദ്ധ​രാ​മ​യ്യ​ക്കെ​തി​രാ​യ മൈ​സൂ​രു വി​ക​സ​ന അ​തോ​റി​റ്റി​യു​മാ​യി ബ​ന്ധ​പ്പെ​ട്ട അ​ഴി​മ​തി ആ​രോ​പ​ണം ചൂ​ണ്ടി​ക്കാ​ട്ടി​യാ​യി​രു​ന്നു യെ​ദി​യൂ​ര​പ്പ​യു​ടെ മ​റു​പ​ടി. അ​ധി​കം വൈ​കാ​തെ കേ​സ് തീ​രു​മാ​ന​മാ​കും. ആ​രാ​ണ് വി​ര​മി​ക്കു​ക​യെ​ന്ന് അ​പ്പോ​ൾ കാ​ണാം. അ​തു​വ​രെ ഞാ​നൊ​ന്നും പ​റ​യി​ല്ല. കോ​ട​തി വി​ധി​ക്കു​ശേ​ഷം സി​ദ്ധ​രാ​മ​യ്യ​ക്ക് ഉ​ചി​ത​മാ​യ മ​റു​പ​ടി ല​ഭി​ക്കും -യെ​ദി​യൂ​ര​പ്പ പ​റ​ഞ്ഞു.