പു​തി​യ ബ​സു​ക​ളി​റ​ക്കി കെ.​എ​സ്.​ആ​ർ.​ടി.​സി; മാ​റ്റ​മി​ല്ലാ​തെ മെ​ട്രോ

ബം​​ഗ​ളൂ​രു: 2024ൽ ​കൂ​ടു​ത​ൽ പു​തി​യ ബ​സു​ക​ൾ നി​ര​ത്തി​ലി​റ​ക്കി ക​ർ​ണാ​ട​ക ആ​ർ.​ടി.​സി. സം​സ്ഥാ​ന​ത്തെ സ്ത്രീ​ക​ൾ​ക്ക് സൗ​ജ​ന്യ യാ​ത്ര​യ​നു​വ​ദി​ക്കു​ന്ന ശ​ക്തി പ​ദ്ധ​തി ന​ട​പ്പാ​ക്കി​യ​തി​നു ശേ​ഷം ബ​സു​ക​ളി​ൽ യാ​ത്ര​ക്കാ​ർ വ​ർ​ധി​ച്ച​തു​കൂ​ടി ക​ണ​ക്കി​ലെ​ടു​ത്താ​യി​രു​ന്നു കൂ​ടു​ത​ൽ ബ​സു​ക​ളി​റ​ക്കി​യ​ത്.

പ​ദ്ധ​തി ന​ട​പ്പാ​ക്കു​ന്ന​തി​ന് മു​മ്പ് പ്ര​തി​ദി​നം ശ​രാ​ശ​രി 93.64 ല​ക്ഷം യാ​ത്ര​ക്കാ​രാ​ണു​ണ്ടാ​യി​രു​ന്ന​തെ​ങ്കി​ൽ ശ​ക്തി സ്കീം ​ന​ട​പ്പാ​ക്കി​യ​തി​നു ശേ​ഷം 116.63 ല​ക്ഷം യാ​ത്ര​ക്കാ​ർ പ്ര​തി​ദി​നം യാ​ത്ര​ക്കാ​യി ബ​സു​പ​യോ​​ഗി​ക്കു​ന്നു​ണ്ട്.

ശ​രാ​ശ​രി 23.17 ല​ക്ഷ​മാ​ണ് പ്ര​തി​ദി​ന യാ​ത്ര​ക്കാ​രു​ടെ എ​ണ്ണ​ത്തി​ലു​ണ്ടാ​യ വ​ർ​ധ​ന. 2023 ജൂ​ൺ 11നാ​യി​രു​ന്നു സി​ദ്ധ​രാ​മ​യ്യ സ​ർ​ക്കാ​റി​​ന്റെ അ​ഞ്ചി​ന ​ഗാ​ര​ന്റി പ​ദ്ധ​തി​ക​ളു​ടെ ഭാ​​ഗ​മാ​യി സ്ത്രീ​ക​ൾ​ക്ക് സൗ​ജ​ന്യ യാ​ത്ര​യ​നു​വ​ദി​ക്കു​ന്ന ശ​ക്തി സ്കീം ​ന​ട​പ്പി​ലാ​ക്കി​യ​ത്. ഇ​തേ​തു​ട​ർ​ന്ന് ക​ർ​ണാ​ട​ക റോ​ഡ് ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ൻ, ക​ല്യാ​ണ ക​ർ​ണാ​ട​ക റോ​ഡ് ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ൻ, നോ​ർ​ത്ത് വെ​സ്റ്റ് ക​ർ​ണാ​ട​ക ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ൻ, ബം​​ഗ​ളൂ​രു മെ​ട്രോ​പൊ​ളി​റ്റ​ൻ ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ൻ എ​ന്നീ നാ​ല് കോ​ർ​പ​റേ​ഷ​നു​ക​ൾ​ക്കു​മാ​യി സ്ത്രീ​ക​ൾ​ക്ക് സൗ​ജ​ന്യ യാ​ത്ര അ​നു​വ​ദി​ച്ച വ​ക​യി​ൽ സം​സ്ഥാ​ന സ​ർ​ക്കാ​ർ വ​ലി​യ സം​ഖ്യ ന​ൽ​കാ​നു​ണ്ട്. കെ.​എ​സ്.​ആ​ർ.​ടി.​സി പ്രീ​മി​യം കാ​റ്റ​​ഗ​റി​യി​ൽ 20 സ്ലീ​പ്പ​ർ ബ​സു​ക​ളും ബം​​ഗ​ളൂ​രു​വി​നെ ജി​ല്ല കേ​ന്ദ്ര​ങ്ങ​ളു​മാ​യും വി​വി​ധ ന​​ഗ​ര​ങ്ങ​ളു​മാ​യും ബ​ന്ധി​പ്പി​ക്കു​ന്ന പോ​യ​​ന്റ് ടു ​പോ​യ​​ന്റ് സ​ർ​വി​സാ​യ അ​ശ്വ​മേ​ധ കാ​റ്റ​​ഗ​റി​യി​ൽ 750 പു​തി​യ ബ​സു​ക​ളു​മാ​ണ് ഈ ​വ​ർ​ഷം നി​ര​ത്തി​ലി​റ​ക്കി​യ​ത്.

ബി.​എം.​ടി.​സി പു​തി​യ 400 ഇ​ല​ക്ട്രി​ക് ബ​സു​ക​ളി​റ​ക്കി​യ​തോ​ടെ ആ​കെ ഇ​ല​ക്ട്രി​ക് ബ​സു​ക​ളു​ടെ എ​ണ്ണം 1000 തൊ​ട്ടു. അ​ടു​ത്ത വ​ർ​ഷ​മി​ത് 2000 ആ​കു​മെ​ന്നാ​ണ് ബി.​എം.​ടി.​സി പ​റ​യു​ന്ന​ത്. കൂ​ടാ​തെ ബി.​എ​സ് 6 കാ​റ്റ​​ഗ​റി​യി​ൽ​പ്പെ​ട്ട 100 ബ​സു​ക​ൾ കൂ​ടി നി​ര​ത്തി​ലി​റ​ക്കി. 336 കോ​ടി രൂ​പ ചെ​ല​വി​ൽ 840 ബ​സു​ക​ൾ നി​ര​ത്തി​ലി​റ​ക്കു​ന്ന​തി​​ന്റെ ആ​ദ്യ ഘ​ട്ട​മാ​യി​രു​ന്നു ഇ​ത്. എ​ൻ.​ഡ​ബ്ല്യു.​കെ.​ആ​ർ.​ടി.​സി​യും കെ.​കെ.​ആ​ർ.​ടി.​സി​യും ഈ ​വ​ർ​ഷം പു​തി​യ ബ​സു​ക​ൾ നി​ര​ത്തി​ലി​റ​ക്കി​യി​ട്ടു​ണ്ട്.

മെ​ല്ലെ​പ്പോ​ക്കി​ൽ മെ​ട്രോ

ഗ്രീ​ൻ ലൈ​നി​ലെ നാ​​ഗ​സാ​ന്ദ്ര-​മാ​ധ​വാ​ര ഭാ​​ഗം തു​റ​ന്ന​ത​ല്ലാ​തെ കാ​ര്യ​മാ​യ സൗ​ക​ര്യ​ങ്ങ​ളൊ​ന്നും ന​മ്മ മെ​ട്രോ​ക്ക് ഈ ​വ​ർ​ഷം യാ​ത്ര​ക്കാ​ർ​ക്ക് ന​ൽ​കാ​നാ​യി​ല്ല. ഇ​തി​ൽ ഏ​റ്റ​വും പ്ര​ധാ​നം യെ​ല്ലോ ലൈ​നി​ൽ സ​ർ​വി​സു​ക​ൾ ആ​രം​ഭി​ക്കു​ന്ന​താ​യി​രു​ന്നു. ആ​ദ്യം സെ​പ്റ്റം​ബ​റി​ലും പി​ന്നീ​ട് ഒ​ക്ടോ​ബ​റി​ലും ഒ​ടു​വി​ൽ ഡി​സം​ബ​റി​ലും സ​ർ​വി​സ് തു​ട​ങ്ങു​മെ​ന്ന് പ്ര​തീ​ക്ഷി​ച്ച യെ​ല്ലോ ലൈ​നി​ൽ മെ​ട്രോ ഓ​ട്ടം തു​ട​ങ്ങാ​ൻ മാ​ർ​ച്ച് ക​ഴി​യു​മെ​ന്നാ​ണ് ഇ​പ്പോ​ൾ ല​ഭി​ക്കു​ന്ന സൂ​ച​ന.

ട്രെ​യി​ൻ കോ​ച്ചു​ക​ൾ എ​ത്താ​ത്ത​താ​ണ് സ​ർ​വി​സു​ക​ൾ ആ​രം​ഭി​ക്കു​ന്ന​തി​നു​ള്ള നി​ല​വി​ലെ ത​ട​സ്സം. യെ​ല്ലോ ലൈ​ൻ ആ​ർ.​വി റോ​സ് സ്റ്റേ​ഷ​നി​ൽ വെ​ച്ച് ​ഗ്രീ​ൻ ലൈ​നു​മാ​യും ജ​യ​ദേ​വ ഹോ​സ്പി​റ്റ​ൽ സ്റ്റേ​ഷ​നി​ൽ വെ​ച്ച് പി​ങ്ക് ലൈ​നു​മാ​യും ക​ണ​ക്ഷ​നു​ണ്ട്. 18.82 കി​ലോ​മീ​റ്റ​ർ ദൈ​ർ​ഘ്യം വ​രു​ന്ന ലൈ​നി​ൽ 16 സ്റ്റേ​ഷ​നു​ക​ളാ​ണു​ള്ള​ത്. ട്രെ​യി​ൻ കോ​ച്ചു​ക​ൾ നി​ർ​മി​ക്കു​ന്ന​തി​നാ​യി 2019 ചൈ​ന റെ​യി​ൽ​വേ റോ​ളി​ങ് സ്റ്റോ​ക്ക് കോ​ർ​പ​റേ​ഷ​ൻ 1578 കോ​ടി രൂ​പ​ക്ക് ക​രാ​ർ നേ​ടി​യെ​ങ്കി​ലും കോ​ച്ചു​ക​ൾ ഇ​ന്ത്യ​യി​ൽ വെ​ച്ചു​ത​ന്നെ നി​ർ​മി​ക്ക​ണ​മെ​ന്ന ക​രാ​ർ വ്യ​വ​സ്ഥ​മൂ​ലം നി​ർ​മാ​ണ പ്ലാ​​ന്റി​നാ​യി ക​മ്പ​നി​ക്ക് സ്ഥ​ലം ല​ഭി​ക്കാ​ത്ത​ത് ട്രെ​യി​ൻ കോ​ച്ചു​ക​ൾ നി​ർ​മി​ക്കു​ന്ന​ത് വൈ​കു​ന്ന​തി​ലേ​ക്ക് ന​യി​ച്ചു. ഒ​ടു​വി​ൽ കൊ​ൽ​ക്ക​ത്ത ആ​സ്ഥാ​ന​മാ​യു​ള്ള ടി​റ്റ​​ഗ​ർ​ഹ് റെ​യി​ൽ സി​സ്റ്റ​വു​മാ​യി ചേ​ർ​ന്ന് അ​വ​രു​ടെ പ്ലാ​​ന്റി​ൽ​നി​ന്നാ​ണ് ഇ​പ്പോ​ൾ കോ​ച്ചു​ക​ൾ നി​ർ​മി​ക്കു​ന്ന​ത്.

അ​തേ​സ​മ​യം, സ​ർ​ജാ​പു​ര മു​ത​ൽ ഹെ​ബ്ബാ​ൾ വ​രെ​യു​ള്ള റെ​ഡ് ലൈ​നി​ന് മ​ന്ത്രി​സ​ഭ ഈ ​മാ​സം തു​ട​ക്ക​ത്തി​ൽ അം​​ഗീ​കാ​രം ന​ൽ​കി. പി​ങ്ക് ലൈ​നി​ലെ ആ​ദ്യ ഘ​ട്ട​ത്തി​ൽ അ​ടു​ത്ത വ​ർ​ഷം അ​വ​സാ​നം സ​ർ​വി​സു​ക​ളാ​രം​ഭി​ക്കാ​നാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.