മൂ​ന്നാം ഭാ​ര്യ​യെ കൊ​ന്ന പ്ര​തി 23 വ​ർ​ഷ​ത്തി​നുശേ​ഷം അ​റ​സ്റ്റി​ൽ

ബം​ഗ​ളൂ​രു: മൂ​ന്നാം ഭാ​ര്യ​യെ കൊ​ല​പ്പെ​ടു​ത്തി​യ കേ​സി​ൽ 23 വ​ർ​ഷ​മാ​യി ഒ​ളി​വി​ൽ ക​ഴി​ഞ്ഞ പ്ര​തി​യെ കൊ​പ്പ​ൽ ജി​ല്ല​യി​ലെ ഗം​ഗാ​വ​തി ടൗ​ൺ പൊ​ലീ​സ് ഒ​ടു​വി​ൽ അ​റ​സ്റ്റ് ചെ​യ്തു. റാ​യ്ച്ചൂ​ർ ജി​ല്ല​യി​ൽ മാ​ൻ​വി താ​ലൂ​ക്കി​ലെ ഹ​ല​ധാ​ൽ ഗ്രാ​മ​ത്തി​ൽ നി​ന്നു​ള്ള ഹ​നു​മ​ന്ത് ഹു​സെ​ന​പ്പ​യാ​ണ്(75) അ​റ​സ്റ്റി​ലാ​യ​ത്.

പ്ര​തി കു​റ്റ​കൃ​ത്യം ന​ട​ന്ന സ​മ​യ​ത്ത് ബ​ദ​ർ​ലി​യി​ലെ സ​ർ​ക്കാ​ർ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ൽ ജൂ​നി​യ​ർ അ​സി​സ്റ്റ​ന്റാ​യി ജോ​ലി ചെ​യ്യു​ക​യാ​യി​രു​ന്നു. ആ​ദ്യ ഭാ​ര്യ​യു​ടെ മ​ര​ണ​ത്തി​നും ര​ണ്ടാം വി​വാ​ഹശേ​ഷം കൊ​പ്പ​ൽ താ​ലൂ​ക്കി​ലെ ഇ​ന്ദ​ർ​ഗി ഗ്രാ​മ​ത്തി​ലെ രേ​ണു​ക​മ്മയെ വി​വാ​ഹം ക​ഴി​ച്ചു. പി​ന്നീ​ട് ഗം​ഗാ​വ​തി​യി​ലെ ല​ക്ഷ്മി ക്യാ​മ്പ് പ്ര​ദേ​ശ​ത്താ​ണ് താ​മ​സി​ച്ചി​രു​ന്ന​ത്.

2002ൽ ​കു​ടും​ബ ത​ർ​ക്ക​ത്തെ​ത്തു​ട​ർ​ന്ന് ഹ​നു​മ​ന്ത് രേ​ണു​ക​മ്മ​യെ കു​ത്തി​ക്കൊ​ല​പ്പെ​ടു​ത്തി. മൃ​ത​ദേ​ഹം ചാ​ക്കി​ൽ നി​റ​ച്ച് ഉ​പേ​ക്ഷി​ക്കാ​ൻ ശ്ര​മി​ച്ചു. കണാ​ട​ക ആ​ർ.​ടി.​സി ബ​സി​ൽ ചാ​ക്കിൽ മൃ​ത​ദേ​ഹം ക​ണ്ടെ​ത്തി​യ ക​ണ്ട​ക്ട​ർ ബ​സ് പൊ​ലീ​സ് സ്റ്റേ​ഷ​നി​ലേ​ക്ക് തി​രി​ച്ചു​വി​ടു​ക​യും പ​രാ​തി ന​ൽ​കു​ക​യും ചെ​യ്തു.

പൊ​ലീ​സി​ന് പി​ടി​കൂ​ടാ​ൻ ക​ഴി​യു​ന്ന​തി​നു​മു​മ്പ് ഹ​നു​മ​ന്ത് ഒ​ളി​ച്ചോ​ടി. ര​ണ്ട് പ​തി​റ്റാ​ണ്ടി​ലേ​റെ​യാ​യി അ​ല​ഞ്ഞു​തി​രി​ഞ്ഞ് സ്ഥ​ല​ങ്ങ​ൾ മാ​റി​മാ​റി ജീ​വി​ച്ചു. ഈ​യി​ടെ ത​ന്റെ ജ​ന്മ​ഗ്രാ​മ​മാ​യ ഹ​ലാ​ധ​ലി​ലേ​ക്ക് മ​ട​ങ്ങി. ര​ഹ​സ്യ വി​വ​രത്തിന്റെ അ​ടി​സ്ഥാ​ന​ത്തി​ൽ ഗം​ഗാ​വ​തി പൊ​ലീ​സ് പി​ന്തു​ട​ർ​ന്ന് അ​റ​സ്റ്റ് ചെ​യ്തു. ഗം​ഗാ​വ​തി ഡി​വൈ.​എ​സ്.​പി സി​ദ്ധ​ലിം​ഗ​പ്പ പാ​ട്ടീ​ലി​ന്റെ​യും ടൗ​ൺ എ​സ്.​ഐ പ്ര​കാ​ശ് മാ​ലി​യു​ടെ​യും നേ​തൃ​ത്വ​ത്തി​ലാ​ണ് അ​റ​സ്റ്റ് ന​ട​ന്ന​ത്.