കൊടും തണുപ്പിൽ വലഞ്ഞ് ഊട്ടി

ഊട്ടി: നീലഗിരി ജില്ലയിൽ മഞ്ഞുവീഴ്ച ശക്തിപ്രാപിച്ചതോടെ ഊട്ടിയിലെ കുറഞ്ഞ താപനില 0.8 ഡിഗ്രി സെൽഷ്യസായി കുറഞ്ഞു. ചൊവ്വാഴ്ചത്തെ ഏറ്റവും ഉയർന്ന താപനില 23.2 ഡിഗ്രി സെൽഷ്യസും കുറഞ്ഞ താപനില 0.8 ഡിഗ്രി സെൽഷ്യസുമാണ്.

ജില്ലയിൽ നവംബർ അവസാനം തുടങ്ങിയ മഞ്ഞുവീഴ്ച ഡിസംബറിലെ ന്യൂനമർദം മൂലമുണ്ടായ മഴമൂലം കുറഞ്ഞിരുന്നു. മഴ മാറിയതോടെ മഞ്ഞുവീഴ്ച വീണ്ടും തുടങ്ങി.