അനധികൃത സ്വത്ത് സമ്പാദനം; നാ​ല് ഉ​ന്ന​ത ഉ​ദ്യോ​ഗ​സ്ഥ​രു​ടെ സ​ങ്കേ​ത​ങ്ങ​ളി​ൽ ലോ​കാ​യു​ക്ത റെ​യ്ഡ്

ബം​ഗ​ളൂ​രു: വ​രു​മാ​ന​ത്തി​ന് അ​നു​സൃ​ത​മ​ല്ലാ​ത്ത സ്വ​ത്ത് സ​മ്പാ​ദി​ച്ചു​വെ​ന്ന ആ​രോ​പ​ണം നേ​രി​ടു​ന്ന നാ​ലു സ​ർ​ക്കാ​ർ ഉ​ദ്യോ​ഗ​സ്ഥ​രു​ടെ വി​വി​ധ സ്ഥ​ല​ങ്ങ​ളി​ൽ ക​ർ​ണാ​ട​ക ലോ​കാ​യു​ക്ത ഉ​ദ്യോ​ഗ​സ്ഥ​ർ വ്യാ​ഴാ​ഴ്ച റെ​യ്ഡ് ന​ട​ത്തി.

കോ​ലാ​ർ ജി​ല്ല​യി​ൽ കോ​ലാ​ർ താ​ലൂ​ക്കി​ലെ അ​ഡീ​ഷ​ന​ൽ ഡ​യ​റ​ക്ട​ർ ലാ​ൻ​ഡ് റെ​ക്കോ​ഡ്‌​സ് ഓ​ഫി​സി​ലെ സ​ർ​വേ സൂ​പ്പ​ർ​വൈ​സ​ർ ജി. ​സു​രേ​ഷ് ബാ​ബു, യാ​ദ്ഗി​ർ ജി​ല്ല​യി​ൽ സു​ർ​പു​ർ താ​ലൂ​ക്ക് ഹെ​ൽ​ത്ത് ഓ​ഫി​സ​ർ രാ​ജ വെ​ങ്ക​ട​പ്പ നാ​യ​ക്, ദാ​വ​ൻ​ഗ​രെ​യി​ലെ ക​ർ​ണാ​ട​ക അ​ർ​ബ​ൻ വാ​ട്ട​ർ സ​പ്ലൈ ആ​ൻ​ഡ് ഡ്രെ​യ്നേ​ജ് ബോ​ർ​ഡി​ലെ അ​സി. എ​ക്‌​സി. എ​ൻ​ജി​നീ​യ​ർ എം.​ബി. ര​വി, മ​ഹാ​ദേ​വ​പു​ര​യി​ലെ ജ​ല​വി​ഭ​വ വ​കു​പ്പ് അ​സി. എ​ക്‌​സി. എ​ൻ​ജി​നീ​യ​ർ ജി. ​ശ്രീ​നി​വാ​സ് മൂ​ർ​ത്തി എ​ന്നി​വ​രു​മാ​യി ബ​ന്ധ​പ്പെ​ട്ട സ്ഥ​ല​ങ്ങ​ളാ​ണ് റെ​യ്ഡ് ചെ​യ്ത​ത്.

നാ​ലു​പേ​രു​ടെ​യും ഓ​ഫി​സു​ക​ളി​ലും താ​മ​സ​സ്ഥ​ല​ങ്ങ​ളി​ലും ഒ​രേ സ​മ​യ​ത്താ​ണ് റെ​യ്ഡു​ക​ൾ ന​ട​ത്തി​യ​ത്. നി​ര​വ​ധി കു​റ്റ​ക​ര​മാ​യ രേ​ഖ​ക​ളും ക​ണ​ക്കി​ൽ​പെ​ടാ​ത്ത പ​ണ​വും വി​ല​പി​ടി​പ്പു​ള്ള വ​സ്തു​ക്ക​ളും ക​ണ്ടെ​ത്തി​യ​താ​യി ലോ​കാ​യു​ക്ത പൊ​ലീ​സ് പ​റ​ഞ്ഞു.