ആടിനെ മേയ്ക്കാൻ പോയ സ്ത്രീ കടുവയുടെ ആക്രമണത്തിൽ മരിച്ചു

ബംഗളൂരു: ആടിനെ മേയ്ക്കാൻ വനാതിര്‍ത്തിയില്‍ പോയ സ്ത്രീ കടുവയുടെ ആക്രമണത്തിൽ മരിച്ചു. മൂര്‍ബന്ദ് സ്വദേശി ചിക്കിയാണ് (48) മരിച്ചത്. ശനിയാഴ്ച വൈകീട്ടോടെ ഇവരെ കാണാതാവുകയായിരുന്നു. ഞായറാഴ്ച പുലര്‍ച്ചെയാണ് മൃതദേഹം കണ്ടെത്തിയത്. വനം അധികൃതരും നാട്ടുകാരും ബന്ധുക്കളും നടത്തിയ തിരച്ചിലിനൊടുവിലാണ് പുലര്‍ച്ചെ ഫോറസ്റ്റ് റേഞ്ച് ഓഫിസിന് സമീപത്തായി മൃതദേഹം കണ്ടെത്തിയത്.