ഹാര്‍ദിക് പട്ടേലിന് ആറു മാസത്തേക്ക് ജാമ്യം

അഹ്മദാബാദ്: പട്ടേല്‍ സംവരണ പ്രക്ഷോഭ നേതാവ് ഹാര്‍ദിക് പട്ടേലിന് ആറു മാസത്തേക്ക് സംസ്ഥാനത്തിനു പുറത്തുപോകാന്‍ ഗുജറാത്ത് ഹൈകോടതിയുടെ അനുമതി. ഈ ഉപാധിയോടെ ജാമ്യം നേടി വെള്ളിയാഴ്ച ജയിലില്‍നിന്ന് പുറത്തിറങ്ങിയ പട്ടേല്‍, ഞായറാഴ്ച രാവിലെ രാജസ്ഥാനിലെ ഉദയ്പൂരിലേക്ക് തിരിച്ചു. ഉദയ്പൂരിലെ പ്രാദേശിക പട്ടേല്‍ നേതാവും മുന്‍ കോണ്‍ഗ്രസ് എം.എല്‍.എയുമായ പുഷ്കര്‍ ലാല്‍ പട്ടേലിന്‍െറ ഉടമസ്ഥതയിലുള്ള വീട്ടിലായിരിക്കും ഈ 22കാരന്‍െറ താമസമെന്ന് പാട്ടിധര്‍ അനാമത്ത് ആന്ദോളന്‍ സമിതി (പാസ്) നേതാവും ഹാര്‍ദികിന്‍െറ അടുത്ത അനുയായിയുമായ ദിനേശ് ബംബാനിയ അറിയിച്ചു.