ദി ന്യൂ ഇന്ത്യൻ എക്സ്പ്രസ് മുൻ ഫൊട്ടോഗ്രാഫർ കെ. രാജേഷ് കുമാർ നിര്യാതനായി

കൊച്ചി: തൃശൂർ വയലത്തൂർ കടമന ഹൗസിൽ കെ. രാജേഷ് കുമാർ (49) ചെന്നൈയിൽ നിര്യാതനായി. ദി ന്യൂ ഇന്ത്യൻ എക്സ്പ്രസ് മുൻ ഡെപ്യൂട്ടി ചീഫ് ന്യൂസ് ഫോട്ടോഗ്രാഫറായിരുന്നു.

കാൻസർ ബാധിതനായി ചികിത്സയിൽ കഴിയുകയായിരുന്നു. 1992 മുതൽ 2016 വരെ ദി ന്യൂ ഇന്ത്യൻ എക്സ്പ്രസിൻെറ കൊച്ചി ബ്യൂറോയിൽ സേവനമനുഷ്ഠിച്ച രാജേഷ് കുമാർ നിരവധി മികച്ച ചിത്രങ്ങൾ പകർത്തിയിട്ടുണ്ട്.

സിംനയാണ് ഭാര്യ. മകൻ: ഭരത് വ്യാസ്. സംസ്കാരം ഞായറാഴ്ച രാവിലെ ചെന്നൈയിൽ നടക്കും.