തൃശൂരിലുണ്ടായ വാഹനാപകടത്തിൽ മരട് സ്വദേശിനി മരിച്ചു

മരട്: തൃശൂർ വാടാനപ്പള്ളിയിലുണ്ടായ അപകടത്തിൽ കൊച്ചി മരട് സ്വദേശിനി മരിച്ചു. മരട് കുന്നലക്കാട് ഷിജുവിൻ്റെ ഭാര്യ ജാമിയ (42) ആണ് മരിച്ചത്. ശനിയാഴ്ച കോഴിക്കോട് പോയി തിരിച്ചു വരുന്ന വഴി വാടാനപ്പള്ളിയിൽ വച്ച് സഞ്ചരിച്ചിരുന്ന കാർ അപകടത്തിൽപ്പെടുകയായിരുന്നു.

ഉടനെ ആശുപത്രിയിലെത്തിച്ചെങ്കിലും മരിച്ചു. കാറിൽ മകളും സഹോദരിയും വാഹനം ഓടിച്ചിരുന്ന അടുത്ത ബന്ധുവുമാണുണ്ടായിരുന്നത്. ഇവർക്ക് പരിക്കേറ്റു.

പോസ്റ്റുമോർട്ടത്തിന് ശേഷം മൃതദേഹം മരടിലെ വീട്ടിലേക്ക് കൊണ്ടുപോയി. ജാമിയയുടെ മകൾ: മിയ.