മധ്യവയസ്​ക വീടിനുള്ളിൽ മരിച്ച നിലയിൽ

നേമം: മധ്യവയസ്കയെ വീടിനുള്ളിൽ മരിച്ച നിലയിൽ കണ്ടെത്തി. മലയിൻകീഴ് സ്റ്റേഷൻ പരിധിയിൽ മലയം ചൂഴാറ്റുകോട്ട വിപിൻ നിവാസിൽ ശ്രീലത (55) ആണ് മരിച്ചത്.

ചൊവ്വാഴ്ച ഉച്ചക്ക്​ ശേഷം 2.30 നായിരുന്നു സംഭവം. രണ്ടുദിവസം മുമ്പ് പനി ബാധിച്ചതിനെ തുടർന്ന് വീട്ടിൽ വിശ്രമത്തിൽ കഴിഞ്ഞുവരികയായിരുന്നു. ഇന്നലെ ഉച്ചക്ക്​ ഭർത്താവ് ജോലി കഴിഞ്ഞ് വീട്ടിൽ എത്തുമ്പോഴാണ് ഇവരെ ബോധരഹിതയായി കണ്ടെത്തുന്നത്.

നേമം ശാന്തിവിള താലൂക്ക് ആശുപത്രിയിലെത്തിച്ച ശേഷമാണ്​ മരണം സ്ഥിരീകരിച്ചത്. ഓട്ടോ ഡ്രൈവറായ വിജയകുമാറാണ് ഭർത്താവ്. മക്കൾ: വിപിൻ, വിജിത്ത്. മരുമകൾ: ശ്രീഭദ്ര. മൃതദേഹം തിരുവനന്തപുരം മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിട്ടുണ്ട്. അസ്വാഭാവിക മരണത്തിന് മലയിൻകീഴ് പൊലീസ് കേസെടുത്തു.