ബിൽക്കീസിന്റെ ഇ​ച്ഛാ​ശ​ക്തി​യു​ടെ വി​ജ​യം

ബി​ൽ​ക്കീ​സ് ബാ​നു കേ​സി​ലെ കു​റ്റ​വാ​ളി​ക​ളെ വി​ട്ട​യ​ച്ച​തി​നെ​തി​രെ പൊ​തു​താ​ൽ​പ​ര്യ ഹ​ര​ജി ന​ൽ​കി​യ മ​ഹു​വ മൊ​യ്ത്ര​ക്ക് വേ​ണ്ടി സു​പ്രീം​കോ​ട​തി​യി​ൽ ഹാ​ജ​രാ​യ ഇ​ന്ത്യ​യു​ടെ മു​ൻ അ​ഡീ​ഷ​ന​ൽ സോ​ളി​സി​റ്റ​ർ ജ​ന​റ​ൽ ഇ​ന്ദി​ര ജ​യ്സി​ങ് എ​ഴു​തു​ന്നു

അ​സാ​ധാ​ര​ണ​മാ​യ പ​രി​ഹാ​ര​ങ്ങ​ൾ ക​ണ്ടെ​ത്തേ​ണ്ട അ​സാ​ധാ​ര​ണ​മാ​യ ഒ​രു കാ​ല​ത്താ​ണ് നാം ​ജീ​വി​ക്കു​ന്ന​ത്. ആ​ക​യാ​ൽ, ബി​ൽ​ക്കീ​സ് ബാ​നു കേ​സി​ൽ ഇ​ന്ത്യ​യു​ടെ പ​ര​മോ​ന്ന​ത നീ​തി​പീ​ഠം മു​ൻ തീ​രു​മാ​നം അ​സാ​ധു​വാ​യി പ്ര​ഖ്യാ​പി​ച്ചു​കൊ​ണ്ട് അ​സാ​ധാ​ര​ണ​മാ​യ ഒ​രു വി​ധി പു​റ​പ്പെ​ടു​വി​ച്ചു. വ​ർ​ഗീ​യ ക​ലാ​പ​ത്തി​ന്റെ കാ​ല​ത്ത് ബി​ൽ​ക്കീ​സ് ബാ​നു​വി​നെ ബ​ലാ​ത്സം​ഗം ചെ​യ്ത കേ​സി​ൽ ശി​ക്ഷി​ക്ക​പ്പെ​ട്ട 11 പേ​ർ​ക്ക് ശി​ക്ഷ ഇ​ള​വ് ന​ൽ​കാ​നാ​യി ഗു​ജ​റാ​ത്ത് ഭ​ര​ണ​കൂ​ടം ത​ങ്ങ​ൾ​ക്ക് അ​വ​കാ​ശ​മി​ല്ലാ​ത്ത അ​ധി​കാ​രം ‘പി​ടി​ച്ചു​പ​റി​ച്ചെ​ടു​ത്തു’​വെ​ന്ന് കോ​ട​തി പ്ര​സ്താ​വി​ച്ചു.

ഈ ​പ്ര​തി​ക​ളെ​ല്ലാം ജീ​വ​പ​ര്യ​ന്ത​ത്തി​ന്, അ​താ​യ​ത് സ്വാ​ഭാ​വി​ക ജീ​വി​ത​കാ​ലം മു​ഴു​വ​ൻ ത​ട​വി​ന് ശി​ക്ഷി​ക്ക​പ്പെ​ട്ട​വ​രാ​ണ്. എ​ന്നി​രു​ന്നാ​ലും, ന​ല്ല പെ​രു​മാ​റ്റ​മോ മ​റ്റെ​ന്തെ​ങ്കി​ലും ന​ല്ല കാ​ര​ണ​ങ്ങ​ളോ ഉ​ണ്ടെ​ങ്കി​ൽ 14 വ​ർ​ഷ​ത്തെ ശി​ക്ഷ പൂ​ർ​ത്തി​യാ​ക്കി​യ ശേ​ഷം ഇ​ള​വ് അ​നു​വ​ദി​ക്കാ​ൻ വി​ചാ​ര​ണ ന​ട​ത്തി​യ സം​സ്ഥാ​ന​ത്തെ സ​ർ​ക്കാ​റി​ന് അ​ധി​കാ​ര​മു​ണ്ട്. ഈ ​കേ​സി​ന്റെ വി​ചാ​ര​ണ ന​ട​ന്ന​ത് മ​ഹാ​രാ​ഷ്ട്ര​യി​ൽ ആ​യി​രു​ന്ന​തി​നാ​ൽ, അ​ത്ത​ര​മൊ​രു ഇ​ള​വ് ന​ൽ​ക​ണ​മെ​ങ്കി​ൽ, അ​തി​നു​ള്ള അ​ധി​കാ​രം മ​ഹാ​രാ​ഷ്ട്ര സ​ർ​ക്കാ​റി​ന് മാ​ത്ര​മാ​യി​രു​ന്നു.

ഗു​ജ​റാ​ത്താ​ണ് അ​തി​ന് ഉ​ചി​ത​മെ​ന്ന കാ​ഴ്ച​പ്പാ​ട് കൈ​ക്കൊ​ണ്ട സു​പ്രീം​കോ​ട​തി​യി​ലെ​ത​ന്നെ ര​ണ്ട് ജ​ഡ്ജി​മാ​രു​ടെ മു​ൻ തീ​രു​മാ​ന​മാ​ണ് കേ​സി​ൽ വി​ധി പ​റ​യു​ന്ന​തി​ൽ ത​ട​സ്സം നി​ന്ന​ത്. വി​ചാ​ര​ണ ന​ട​ന്ന സം​സ്ഥാ​ന​ത്തി​ന് മാ​ത്ര​മേ ഇ​ള​വ് അ​നു​വ​ദി​ക്കാ​ൻ ക​ഴി​യൂ എ​ന്ന് സു​പ്രീം​കോ​ട​തി​യു​ടെ ഒ​രു വി​ശാ​ല ബെ​ഞ്ച് അ​ഭി​പ്രാ​യ​പ്പെ​ട്ട​തി​നാ​ൽ ഈ ​വി​ധി വ്യ​ക്ത​മാ​യും ഒ​രു പി​ഴ​വാ​യി​രു​ന്നു. ഹ​ര​ജി​ക്കാ​രു​ടെ ഭാ​ഗ​ത്തു​നി​ന്ന് വ​ഞ്ച​ന ഉ​ണ്ടാ​യ​തി​നാ​ൽ വി​ധി റ​ദ്ദാ​ക്കു​ന്ന​താ​യി കോ​ട​തി പ്ര​ഖ്യാ​പി​ച്ച​ത് അ​തി​നാ​ലാ​ണ്. മു​ൻ ഹ​ര​ജി​യി​ൽ ബി​ൽ​ക്കീ​സ് ബാ​നു​വി​നെ ക​ക്ഷി ചേ​ർ​ത്തി​രു​ന്നി​ല്ല.

വി​ധി പു​റ​പ്പെ​ടു​വി​ക്കു​ന്ന​തി​ന് മു​മ്പ്, തീ​രു​മാ​ന​മെ​ടു​ക്കാ​ൻ ഉ​ചി​തം മ​ഹാ​രാ​ഷ്ട്ര സം​സ്ഥാ​ന സ​ർ​ക്കാ​റാ​ണെ​ന്ന് ഗു​ജ​റാ​ത്ത് ഹൈ​കോ​ട​തി ബെ​ഞ്ച് വി​ധി​ച്ചി​രു​ന്നു എ​ന്ന വ​സ്തു​ത ഹ​ര​ജി​ക്കാ​ർ കോ​ട​തി​യി​ൽ​നി​ന്ന് മ​റ​ച്ചു​പി​ടി​ച്ചു. ഇ​ള​വി​നാ​യി മ​ഹാ​രാ​ഷ്ട്ര സ​ർ​ക്കാ​റി​ന് അ​പേ​ക്ഷ ന​ൽ​കി​യി​രു​ന്നു​വെ​ന്നും, അ​വ​ർ ചെ​യ്ത​ത് മാ​ന​വ​രാ​ശി​ക്കെ​തി​രാ​യ കു​റ്റ​കൃ​ത്യ​മാ​ക​യാ​ൽ, ഇ​ള​വ് അ​പേ​ക്ഷ നി​ര​സി​ക്കാ​ൻ വി​ചാ​ര​ണ കോ​ട​തി ശി​പാ​ർ​ശ ചെ​യ്തി​രു​ന്നു​വെ​ന്ന വ​സ്തു​ത​യും ഹ​ര​ജി​ക്കാ​ർ മ​റ​ച്ചു​വെ​ച്ചു.

അ​ഭി​പ്രാ​യ​മാ​രാ​ഞ്ഞ​പ്പോ​ൾ കു​റ്റം അ​ന്വേ​ഷി​ച്ച ഏ​ജ​ൻ​സി​യാ​യ സി.​ബി.​ഐ​യും ഇ​ള​വ​നു​വ​ദി​ക്ക​രു​ത് എ​ന്നാ​ണ് ശി​പാ​ർ​ശ ചെ​യ്ത​ത്.

കൂ​ട്ട​ബ​ലാ​ത്സം​ഗം മാ​ന​വി​ക​ത​ക്കെ​തി​രാ​യ കു​റ്റ​കൃ​ത്യ​മാ​ണ്. 2002ൽ ​ഗു​ജ​റാ​ത്തി​ലെ മു​സ്‍ലിം സ​മു​ദാ​യ​ത്തെ ഉ​ന്ന​മി​ട്ട് വ്യാ​പ​ക അ​തി​ക്ര​മ​ങ്ങ​ൾ ന​ട​ന്ന വേ​ള​യി​ൽ ഒ​രു കു​ടും​ബ​ത്തി​ന് നേ​രെ​യാ​ണ് ഈ ​കു​റ്റ​കൃ​ത്യം ന​ട​ന്ന​ത്. അ​ന്താ​രാ​ഷ്ട്ര ക്രി​മി​ന​ൽ കോ​ട​തി​യു​ടെ ച​ട്ട​പ്ര​കാ​രം ഇ​ത്ത​രം കു​റ്റ​കൃ​ത്യ​ങ്ങ​ൾ​ക്ക് ഒ​രു ഇ​ള​വു​മി​ല്ലാ​തെ 30 വ​ർ​ഷ​ത്തെ ത​ട​വു​ശി​ക്ഷ​യാ​ണ് വി​ധി​ക്കു​ന്ന​ത്.

വാ​ദ​ങ്ങ​ളു​ടെ ഒ​ടു​വി​ൽ, സ്വാ​ത​ന്ത്ര്യം വി​ല​പ്പെ​ട്ട​താ​യ​തി​നാ​ൽ ജ​യി​ലി​ലേ​ക്ക് തി​രി​ച്ച​യ​ക്ക​രു​തെ​ന്ന കു​റ്റ​വാ​ളി​ക​ളു​ടെ അ​പേ​ക്ഷ കോ​ട​തി പ​രി​ശോ​ധി​ച്ച ജ​ഡ്ജി​മാ​ർ നി​യ​മ​ത്തി​ന്റെ ന​ട​പ​ടി​ക്ര​മ​ങ്ങ​ൾ കൃ​ത്യ​മാ​യി പാ​ലി​ച്ചു​കൊ​ണ്ട് ല​ഭി​ക്കു​മ്പോ​ഴാ​ണ് സ്വാ​ത​ന്ത്ര്യം വി​ല​പ്പെ​ട്ട​താ​വു​ക​യെ​ന്ന് പ്ര​തി​ക​രി​ച്ചു. ഇ​ക്കാ​ല​ത്ത് പ​ല​പ്പോ​ഴും സം​ഭ​വി​ക്കു​ന്ന​തു​പോ​ലെ, നി​യ​മാ​നു​സൃ​ത​മാ​യ ന​ട​പ​ടി​ക്ര​മ​ങ്ങ​ളി​ല്ലാ​തെ നി​ഷേ​ധി​ക്ക​പ്പെ​ടു​മ്പോ​ഴും അ​ത് വി​ല​പ്പെ​ട്ട​താ​ണെ​ന്ന് ഞാ​ൻ കൂ​ട്ടി​ച്ചേ​ർ​ക്ക​ട്ടെ.

ആ​ർ​ട്ടി​ക്കി​ൾ 142 പ്ര​കാ​രം കോ​ട​തി അ​തി​ന്റെ അ​സാ​ധാ​ര​ണ​മാ​യ അ​ധി​കാ​രം വി​നി​യോ​ഗി​ക്ക​ണ​മെ​ന്ന ഹ​ര​ജി​യി​ൽ, നീ​തി ന​ട​പ്പാ​ക്കാ​നു​ള്ള അ​ധി​കാ​ര​മാ​ണ് നീ​തി​യെ​ന്നും നീ​തി​യാ​ണ് നി​യ​മ​വാ​ഴ്ച​യെ​ന്നും ആ​ക​യാ​ൽ, കു​റ്റ​വാ​ളി​ക​ളെ ജ​യി​ലി​ന് പു​റ​ത്ത് തു​ട​രാ​ൻ അ​നു​വ​ദി​ക്കു​ന്ന പ്ര​ശ്ന​മി​ല്ലെ​ന്നും കോ​ട​തി പ​റ​ഞ്ഞു. നീ​തി പു​ല​ര​ണ​മെ​ങ്കി​ൽ പ​ഴ​യ സ്ഥി​തി പു​നഃ​സ്ഥാ​പി​ക്കേ​ണ്ട​തു​ണ്ട്.

കോ​ട​തി​യു​ടെ സ​മീ​പ​കാ​ല വി​ധി​ക​ളി​ൽ നി​യ​മ​ത്തി​ന്റെ പ്ര​ഖ്യാ​പ​നം ഹ​ര​ജി​ക്കാ​ർ​ക്ക് അ​നു​കൂ​ല​മാ​ണെ​ങ്കി​ലും അ​ന്തി​മ വി​ധി അ​ങ്ങ​നെ​യ​ല്ലാ​താ​വു​ന്ന പ്ര​വ​ണ​ത നാം ​കാ​ണു​ന്നു​ണ്ട്. ഉ​ദാ​ഹ​ര​ണ​ത്തി​ന്, മ​ഹാ​രാ​ഷ്ട്ര​യി​ലെ ഒ​രു എം.​എ​ൽ.​എ​യെ അ​യോ​ഗ്യ​നാ​ക്കി​യ​തു​മാ​യി ബ​ന്ധ​പ്പെ​ട്ട കേ​സി​ലും അ​നു​ച്ഛേ​ദം 370 കേ​സി​ലും ഇ​ത് സം​ഭ​വി​ച്ചു. ആ ​കേ​സു​ക​ളു​ടെ മെ​റി​റ്റ് ഇ​വി​ടെ ച​ർ​ച്ച ചെ​യ്യാ​ൻ ഞാ​ൻ ഉ​ദ്ദേ​ശി​ക്കു​ന്നി​ല്ല, മ​റി​ച്ച് കോ​ട​തി സ്വ​ന്തം തീ​രു​മാ​ന​ങ്ങ​ളെ മാ​നി​ക്ക​ണ​മെ​ന്ന് ഊ​ന്നി​പ്പ​റ​യു​ക​യാ​ണ്. സു​പ്രീം​കോ​ട​തി തീ​രു​മാ​ന​ത്തി​ന്റെ ഫ​ല​ത്തെ​ക്കു​റി​ച്ച് വി​ധി പ​റ​യാ​ൻ ഞാ​ൻ ആ​ഗ്ര​ഹി​ക്കു​ന്നി​ല്ല, അ​തി​ന് അ​തി​ന്റേ​താ​യ സ​മ​യ​വും സ്ഥ​ല​വു​മു​ണ്ട്.

എ​ന്നി​രു​ന്നാ​ലും സു​പ്രീം​കോ​ട​തി​യു​ടെ ജു​ഡീ​ഷ്യ​ൽ റി​വ്യൂ അ​ധി​കാ​രം കൈ​വി​ട്ടു​പോ​കു​ന്ന​താ​ണ് സ​മീ​പ​കാ​ല​ത്ത് നാം ​കാ​ണു​ന്ന​ത്. അ​തി​നു വി​പ​രീ​ത​മാ​യി, ജ​സ്റ്റി​സു​മാ​രാ​യ ബി.​വി. നാ​ഗ​ര​ത്ന​യു​ടെ​യും ഉ​ജ്ജ്വ​ൽ ഭു​യ്യാ​ന്റെ​യും ഈ ​വി​ധി, സു​​പ്രീം​കോ​ട​തി​യു​ടെ ന​ഷ്ട​പ്പെ​ട്ട അ​ധി​കാ​ര​ത്തി​ന്റെ പു​നഃ​സ്ഥാ​പ​ന​മാ​ണ്. നീ​തി​ബോ​ധ​മു​ള്ള എ​ല്ലാ പൗ​ര​ജ​ന​ങ്ങ​ളും കോ​ട​തി​യു​ടെ ഈ ​തി​രി​ച്ചു​വ​ര​വി​നെ വ​ര​വേ​ൽ​ക്ക​ണം.

നാം ​ജീ​വി​ക്കു​ന്ന​ത് അ​സാ​ധാ​ര​ണ കാ​ല​ത്താ​ണ് എ​ന്ന് പ​റ​ഞ്ഞു​കൊ​ണ്ടാ​ണ് ഞാ​നീ കു​റി​പ്പ് തു​ട​ങ്ങി​യ​ത്. തീ​രു​മാ​ന​ങ്ങ​ൾ എ​ടു​ക്കു​ന്ന​വ​ർ അ​ധി​കാ​രം ‘ത​ട്ടി​പ്പ​റി​ക്കു​ന്ന’ സ​മ​യ​മാ​ണി​ത്. ന​മ്മെ സം​ബ​ന്ധി​ച്ചി​ട​ത്തോ​ളം ഇ​ത് അ​ർ​ഥ​മാ​ക്കു​ന്ന​തെ​ന്താ​ണ്? നി​യ​മ​ത്തെ നി​യ​മ​ത്തി​ന്റെ വ​ഴി​ക്ക് വി​ടു​ന്ന​തി​ന്റെ മ​റ​വി​ൽ ന​മ്മെ ഭ​രി​ക്കു​ന്ന​വ​ർ ഭ​ര​ണ​ഘ​ട​ന വി​രു​ദ്ധ​മാ​യി അ​ധി​കാ​രം പ്ര​യോ​ഗി​ക്കു​ന്നു എ​ന്നാ​ണ് ഇ​തി​ന​ർ​ഥം.

നീ​തി​ക്കു​വേ​ണ്ടി പൊ​രു​തി​യ ബി​ൽ​ക്കീ​സ് ബാ​നു​വി​ന്റെ ഇ​ച്ഛാ​ശ​ക്തി​യു​ടെ വി​ജ​യ​മാ​ണി​ത് എ​ന്നു പ​റ​യാം, ഒ​പ്പം അ​വ​ർ​ക്ക് പി​ന്തു​ണ​യേ​കാ​നും നീ​തി​യെ​ക്കു​റി​ച്ചു​ള്ള കാ​ഴ്ച​പ്പാ​ട് വ്യ​ക്ത​മാ​ക്കാ​നും അ​ക്ഷീ​ണം യ​ത്നി​ച്ച വ​നി​ത മു​ന്നേ​റ്റ​ത്തി​ന്റെ സം​ഘ​ടി​ത സം​ഭാ​വ​ന​യു​മാ​ണി​ത്.

(​ന​ന്ദി: ഇ​ന്ത്യ​ൻ എ​ക്സ്പ്ര​സ്)