കു​രു​ക്ക്

ഇ​ന്നാ​ട്ടി​ൽ പ​ണി​യൊ​ഴി​ഞ്ഞി​ട്ട് നേ​ര​മി​ല്ലാ​ത്ത ഒ​രൊ​റ്റ വ​ർ​​ഗ​മേ കാ​ണൂ; അ​ത് കേ​ന്ദ്ര​ത്തി​ന്റെ ക​ളി​പ്പാ​വ​ക​ളാ​യ അ​ന്വേ​ഷ​ണ ഏ​ജ​ൻ​സി​ക​ളി​ലെ ഉ​ദ്യോ​ഗ​സ്ഥ​രാ​യി​രി​ക്കും. രാ​ജ്യ​ത്തി​ന്റെ മു​ക്കു​മൂ​ല​ക​ളി​ൽ അ​രി​ച്ചു​പെ​റു​ക്കി​ക്കൊ​ണ്ടി​രി​ക്കു​ക​യാ​ണ​വ​ർ. അ​ഴി​മ​തി​ക്കും ഭീ​ക​ര​ത​ക്കു​മെ​തി​രാ​യ സ​ർ​ജി​ക്ക​ൽ സ്ട്രൈ​ക് എ​ന്നാ​ണ് അ​തി​നെ മോ​ദി​ഭ​ക്ത​രും പ​രി​വാ​ര​ങ്ങ​ളും വി​ശേ​ഷി​പ്പി​ക്കാ​റു​ള്ള​ത്. ഈ ​ക​ലാ​പ​രി​പാ​ടി​യു​ടെ ചൂ​ടും ചൂ​രു​മ​റി​ഞ്ഞ​വ​ർ അ​തി​നെ 'വേ​ട്ട' എ​ന്നാ​ണ് പ​റ​യു​ക. പ്ര​തി​പ​ക്ഷ സം​സ്ഥാ​ന​ങ്ങ​ൾ​ക്കെ​തി​രെ​യും ന്യൂ​ന​പ​ക്ഷ​ങ്ങ​ൾ​ക്കെ​തി​രെ​യു​മു​ള്ള രാ​ഷ്ട്രീ​യ വേ​ട്ട. കാ​വി​പ്പ​ട​യു​ടെ പ​രീ​ക്ഷ​ണ​ശാ​ല​ക​ളി​ൽ തെ​ര​ഞ്ഞെ​ടു​പ്പി​ന് അ​ര​ങ്ങു​തെ​ളി​ഞ്ഞി​രി​ക്കെ, വേ​ട്ട​യു​ടെ ഊ​ക്കും വേ​ഗ​വും വ​ർ​ധി​ച്ചി​രി​ക്കു​ക​യാ​ണി​പ്പോ​ൾ. ക​ഴി​ഞ്ഞ​യാ​ഴ്ച​ത്തെ പി.​എ​ഫ്.​ഐ വേ​ട്ട​യു​ടെ കാ​ര്യ​മ​ല്ല പ​റ​ഞ്ഞു​വ​രു​ന്ന​ത്; അ​തി​നും മു​ന്നേ അ​ങ്ങ് ഇ​ന്ദ്ര​പ്ര​സ്ഥ​ത്തി​ൽ തു​ട​ക്ക​മി​ട്ട 'ആ​പ്പ് വേ​ട്ട'​യെ​ക്കു​റി​ച്ചാ​ണ്. ആ ​വേ​ട്ട​യി​ൽ അ​ക​ത്താ​യി​രി​ക്കു​ന്ന​ത്, കെ​ജ്രി​വാ​ളി​ന്റെ 'കു​റ്റി​ച്ചൂ​ൽ വി​പ്ല​വ'​ത്തി​ന്റെ മു​ന്ന​ണി​പ്പോ​രാ​ളി​ക​ളി​ലൊ​രാ​ളാ​യ അ​മാ​ന​ത്തു​ല്ല ഖാ​ൻ എ​ന്ന എം.​എ​ൽ.​എ​യാ​ണ്. ആ​ന്റി ക​റ​പ്ഷ​ൻ ബ്യൂ​റോ കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ട് പ​രി​ശോ​ധി​ക്കു​മ്പോ​ൾ ക​സ്റ്റ​ഡി​യ​ങ്ങ​നെ നീ​ണ്ടു​പോ​കാ​നാ​ണ് സാ​ധ്യ​ത.

പ്ര​ത്യ​യ​ശാ​സ്ത്ര​പ​ര​മാ​യി ചി​ല അ​ന്ത​ർ​ധാ​ര​ക​ളൊ​ക്കെ ആ​രോ​പി​ക്ക​പ്പെ​ടാ​റു​ണ്ടെ​ങ്കി​ലും പ്രാ​യോ​ഗി​ക രാ​ഷ്ട്രീ​യ​ത്തി​ൽ ആ​പ്പും ബി.​ജെ.​പി​യും പ​ര​സ്പ​രം പ്ര​തി​യോ​ഗി​ക​ളാ​ണ്. അ​തു​കൊ​ണ്ടു​ത​ന്നെ, 'ആ​പ്പ്' സ​ർ​ക്കാ​റി​നെ തൂ​ത്തെ​റി​യു​ക എ​ന്ന അ​ജ​ണ്ട​യി​ൽ അ​ന്വേ​ഷ​ണ ഏ​ജ​ൻ​സി​ക​ൾ ത​ല​സ്ഥാ​ന​ത്തും റോ​ന്തു​ചു​റ്റു​ന്ന​ത് ഇ​താ​ദ്യ​മാ​യൊ​ന്നു​മ​ല്ല. ആ ​ക​റ​ക്ക​ത്തി​ൽ സ​ത്യേ​ന്ദ്ര ജെ​യ്ൻ, മ​നീ​ഷ് സി​സോ​ദി​യ എ​ന്നീ മ​ന്ത്രി​മാ​രെ​യാ​ണ് ആ​ദ്യം കു​ടു​ക്കാ​ൻ നോ​ക്കി​യ​ത്. അ​ത​ത്ര വി​ജ​യി​ച്ചി​ല്ലെ​ന്നു ക​​ണ്ട​പ്പോ​ഴാ​ണ് നേ​രെ അ​മാ​ന​ത്തു​ല്ല ഖാ​നെ​തി​രെ തി​രി​ഞ്ഞ​ത്. ഈ ​റെ​യ്ഡ് അ​മാ​ന​ത്തു​ല്ല ഖാ​നി​ലും അ​വ​സാ​നി​ക്കി​ല്ല എ​ന്നാ​ണ് കെ​ജ്രി​വാ​ളി​ന്റെ നി​രീ​ക്ഷ​ണം. കാ​ര​ണം, ഗു​ജ​റാ​ത്തി​ൽ തെ​ര​ഞ്ഞെ​ടു​പ്പ് ന​ട​ക്കാ​ൻ പോ​വു​ക​യാ​ണ്. പ​ഞ്ചാ​ബി​ൽ ഭ​ഗ​വ​ത് മാ​നി​നെ അ​ധി​കാ​ര​ത്തി​ലെ​ത്തി​ച്ച മി​ന്നും വി​ജ​യ​ത്തി​നു​ശേ​ഷം അ​ടു​ത്ത ല​ക്ഷ്യം ഗു​ജ​റാ​ത്താ​ണെ​ന്ന് അ​ന്നേ ​മാ​സ​ങ്ങ​ൾ​ക്കു​മു​മ്പേ കെ​ജ്രി​വാ​ൾ പ്ര​ഖ്യാ​പി​ച്ച​താ​ണ്. അ​തി​നു​ള്ള പ​ണി​യും ആ​രം​ഭി​ച്ചി​ട്ടു​ണ്ട്. ബി.​ജെ.​പി​യാ​ക​ട്ടെ, ചി​ല്ല​റ പ്ര​തി​സ​ന്ധി​യി​ലു​മാ​ണ്. അ​തി​നാ​ൽ, എ​ന്തു​വി​ല​കൊ​ടു​ത്തും 'ആ​പ്പി'​നൊ​രു ആ​പ്പു​വെ​ച്ചേ മ​തി​യാ​കൂ. ആ ​ചി​ന്ത​യി​ലാ​ണ​ത്രെ ഡ​ൽ​ഹി​യി​ലും പ​ഞ്ചാ​ബി​ലും കേ​ന്ദ്രം പ്ര​ത്യേ​ക വേ​ട്ട​ക്ക് ആ​ഹ്വാ​നം ചെ​യ്ത​ത്.

'ആ​പ്പി​'​ന്റെ മു​സ്‍ലിം മു​ഖ​മെ​ന്നാ​ണ് പ​ല​പ്പോ​ഴും അ​മാ​ന​ത്തു​ല്ല​യെ വി​ശേ​ഷി​പ്പി​ക്കാ​റു​ള്ള​ത്. സം​ഘ്പ​രി​വാ​റി​ന്റെ 'രാ​മ​രാ​ഷ്ട്രീ​യ'​ത്തി​നു ബ​ദ​ലാ​യി കെ​ജ്രി​വാ​ൾ ഹ​നു​മാ​നെ കൂ​ട്ടു​പി​ടി​ച്ച​പ്പോ​ൾ, അ​തി​ൽ​നി​ന്നു മാ​റി ഡ​ൽ​ഹി​യി​ലെ ചേ​രി നി​വാ​സി​ക​ളു​ടെ​യും മു​സ്‍ലിം ന്യൂ​ന​പ​ക്ഷ​ങ്ങ​ളു​ടെ​യും ശ​ബ്ദ​മാ​യി മാ​റി​യ​ത് അ​മാ​ന​ത്തു​ല്ല​യാ​യി​രു​ന്നു. അ​തു​കൊ​ണ്ടാ​ണ്, 2015ലും 20​ലും ഓ​ഖ്‍ല​ക്കാ​ർ ച​രി​ത്ര​ഭൂ​രി​പ​ക്ഷ​ത്തി​ൽ ഡ​ൽ​ഹി നി​യ​മ​സ​ഭ​യി​ലേ​ക്ക​യ​ച്ച​ത്. ര​ണ്ടാം വ​ര​വി​ൽ ഡ​ൽ​ഹി വ​ഖ​ഫ് ബോ​ർ​ഡ് ചെ​യ​ർ​മാ​നാ​യി​രു​ന്നു. ഇ​ക്കാ​ല​ത്ത് ന​ട​ത്തി​യെ​ന്ന് പ​റ​യ​പ്പെ​ടു​ന്ന ചി​ല അ​ഴി​മ​തി​ക​ളാ​ണി​പ്പോ​ൾ പു​കി​ലാ​യി​രി​ക്കു​ന്ന​ത്. വ​ഖ​ഫ് ബോ​ർ​ഡി​ലേ​ക്ക് പ്ര​ത്യേ​ക വി​ജ്ഞാ​പ​ന​ത്തി​ലൂ​ടെ റി​​ക്രൂ​ട്ട് ചെ​യ്ത 32 പേ​രി​ൽ ഒ​രാ​ളൊ​ഴി​കെ ബാ​ക്കി​യെ​ല്ലാ​വ​രും ഓ​ഖ്‍ല​വാ​സി​ക​ളോ ടി​യാ​ന്റെ ബ​ന്ധു​ക്ക​ളോ ആ​ണെ​ന്നാ​ണ് അ​ന്വേ​ഷ​ണ​സം​ഘം ക​​ണ്ടെ​ത്തി​യി​രി​ക്കു​ന്ന​ത്. നി​യ​മ​ലം​ഘ​ന​വും അ​ഴി​മ​തി​യും സ്വ​ജ​ന​പ​ക്ഷ​പാ​ത​വു​മാ​ണ് വ​കു​പ്പു​ക​ൾ; ന​ഗ്ന​മാ​യ സ​ത്യ​പ്ര​തി​ജ്ഞ ലം​ഘ​നം. ഒ​രു സാ​മാ​ജി​ക​നെ ചോ​ദ്യം​ചെ​യ്യാ​ൻ ഇ​തൊ​ക്കെ ധാ​രാ​ളം. സം​ഘം നേ​രെ ജാ​മി​അ ന​ഗ​റി​ലെ വീ​ട്ടി​​ലേ​ക്ക് വെ​ച്ചു​പി​ടി​ച്ചു. ഒ​രു ദി​വ​സം നീ​ണ്ട ചോ​ദ്യം​ചെ​യ്യ​ലി​നൊ​ടു​വി​ൽ അ​റ​സ്റ്റ് രേ​ഖ​പ്പെ​ടു​ത്തി. തൊ​ട്ട​ടു​ത്ത ദി​വ​സം മു​ത​ൽ അ​മാ​ന​ത്തു​ല്ല​യു​ടെ ജോ​ഗാ ബാ​യി​ലെ വീ​ട്ടി​ലും അ​ടു​ത്ത സു​ഹൃ​ത്തു​ക്ക​ളു​ടെ വീ​ട്ടി​ലും റെ​യ്ഡ്. സു​ഹൃ​ത്തി​ന്റെ വീ​ട്ടി​ൽ​നി​ന്ന് പ​ണ​വും ഒ​രു തോ​ക്കും കി​ട്ടി. അ​തോ​ടെ, വ​കു​പ്പു​ക​ളു​ടെ എ​ണ്ണം പി​ന്നെ​യും കൂ​ടി. ഇ​തി​നി​ടെ, നാ​ല് സു​ഹൃ​ത്തു​ക്ക​ളും അ​ക​ത്താ​യി. ര​ണ്ടു ത​വ​ണ കോ​ട​തി​യി​​ലെ​ത്തി​ച്ചെ​ങ്കി​ലും ഇ​തു​വ​രെ​യും ജാ​മ്യ​ത്തി​നു​ള്ള വ​ഴി തെ​ളി​ഞ്ഞി​ട്ടി​ല്ല. നാ​ളെ കോ​ട​തി ചേ​രു​മ്പോ​ഴും ന​ട​പ​ടി​ക്ര​മ​ങ്ങ​ൾ പാ​ലി​ച്ച് ജ​യി​ലി​ലേ​ക്കു​ത​ന്നെ മ​ട​ക്കി​യ​യ​ക്കാ​നാ​ണ് സാ​ധ്യ​ത.

സി​സോ​ദി​യ​ക്കും ജെ​യി​നി​നും മു​ന്നേ കേ​ന്ദ്ര​ത്തി​ന്റെ നോ​ട്ട​പ്പു​ള്ളി​യാ​യി​രു​ന്നു അ​മാ​ന​ത്തു​ല്ല എ​ന്ന് ആ​ർ​ക്കാ​ണ​റി​യാ​ത്ത​ത്? ര​ണ്ടാ​മൂ​ഴ​ത്തി​ൽ ഏ​ക സി​വി​ൽ​കോ​ഡ് അ​ട​ക്ക​മു​ള്ള പ്ര​ത്യ​ക്ഷ ഹി​ന്ദു​ത്വ​യി​ലേ​ക്കാ​ണ് മോ​ദി​യു​ടെ പോ​ക്ക്; 'ഒ​രൊ​റ്റ മു​ഖ​മു​ള്ള ജ​ന​ത'​യെ​ന്ന​താ​ണ് മു​ദ്രാ​വാ​ക്യം. അ​പ്പോ​ൾ പി​ന്നെ രാ​ഷ്ട്രീ​യ പാ​ർ​ട്ടി നേ​താ​ക്ക​ൾ​ക്കി​ട​യി​ൽ മു​സ്‍ലിം മു​ഖം, ദ​ലി​ത് മു​ഖം എ​ന്നി​ങ്ങ​നെ​യു​ള്ള 'വേ​ർ​തി​രി​വു'​ക​ൾ ആ​വ​ശ്യ​മി​ല്ല. വെ​ട്ടി​നി​ര​ത്തി മു​ഖ​മി​ല്ലാ​താ​ക്കേ​ണ്ട​വ​രു​ടെ പ​ട്ടി​ക​യി​ൽ അ​മാ​ന​ത്തു​ല്ല​യു​മു​ണ്ടാ​യി​രു​ന്നു. ഡ​ൽ​ഹി​യി​ൽ പൗ​ര​ത്വ​നി​യ​മ​ത്തി​നെ​തി​രാ​യ സ​മ​രം ക​ത്തി​നി​ൽ​ക്കു​ന്ന സ​മ​യ​മാ​ണ​ത്. ആ ​സ​മ​യ​ത്തു​ത​ന്നെ​യാ​ണ് കെ​ജ്രി​വാ​ളി​ന് ഡ​ൽ​ഹി ജ​ന​ത അ​ധി​കാ​ര​ത്തു​ട​ർ​ച്ച സ​മ്മാ​നി​ച്ച​തും. പ​ക്ഷേ, ആ ​സ​മ​ര​ങ്ങ​ളി​ൽ​നി​ന്നെ​ല്ലാം ഒ​ഴി​ഞ്ഞു​മാ​റി അ​ദ്ദേ​ഹം 'ഹ​നു​മാ​ൻ സേ​വ'​ക്ക് തു​നി​ഞ്ഞ​പ്പോ​ൾ അ​മാ​ന​ത്തു​ല്ല തൊ​ട്ട​പ്പു​റ​ത്ത് ശാ​ഹീ​ൻ ബാ​ഗി​ൽ മു​ദ്രാ​വാ​ക്യം വി​ളി​ക്കു​ക​യാ​യി​രു​ന്നു. അ​വി​ടെ സ​മ​ര​പ്പ​ന്ത​ൽ ഉ​യ​ർ​ത്താ​നും കൂ​ടി. സ​മ​ര​ക്കാ​രു​മാ​യി ആ​ഭ്യ​ന്ത​ര​മ​ന്ത്രി അ​മി​ത് ഷാ ​ച​ർ​ച്ച​ക്കു ത​യാ​റാ​ക​ണ​മെ​ന്ന് നി​ര​ന്ത​ര​മാ​യി ആ​വ​ശ്യ​പ്പെ​ട്ടു. പാ​ർ​ട്ടി ന​യ​ത്തി​ൽ​നി​ന്ന് ഏ​റെ അ​ക​ലെ മാ​റി സ​മ​ര​ക്കാ​ർ​ക്കൊ​പ്പം ന​ട​ന്ന​പ്പോ​ഴാ​ണ് ഓ​ഖ്‍ല​യി​ൽ​നി​ന്ന് മു​ക്കാ​ൽ ല​ക്ഷ​ത്തോ​ളം വോ​ട്ടി​ന്റെ ഭൂ​രി​പ​ക്ഷ​ത്തി​ൽ അ​ദ്ദേ​ഹം ജ​യി​ച്ചു​ക​യ​റി​യ​ത്. ആ ​വി​ജ​യം ശാ​ഹീ​ൻ​ബാ​ഗു​കാ​ർ വ​ലി​യ ആ​ഘോ​ഷ​മാ​ക്കി.

മോ​ദി​യു​ടെ ബു​ൾ​ഡോ​സ​ർ രാ​ജി​ൽ കെ​ജ്രി​വാ​ളും പാ​ർ​ട്ടി​യും അ​ഴ​കൊ​ഴ​മ്പ​ൻ നി​ല​പാ​ടെ​ടു​ത്തു​നി​ന്ന സ​ന്ദ​ർ​ഭ​ത്തി​ൽ ക​ള​ത്തി​ലി​റ​ങ്ങി​ക്ക​ളി​ച്ച​തും അ​മാ​ന​ത്തു​ല്ല​യാ​യി​രു​ന്നു. ക​ഴി​ഞ്ഞ മേ​യി​ലാ​ണ​ത്. സ്വ​ന്തം മ​ണ്ഡ​ല​ത്തി​ലു​ള്ള മ​ദ​ൻ​പു​ർ ഖാ​ദ​റി​ലെ ചേ​രി​യൊ​ഴി​പ്പി​ക്കാ​ൻ ​ബു​ൾ​ഡോ​സ​റു​ക​ളു​മാ​യി എ​ത്തി​യി​രി​ക്കു​ക​യാ​ണ് അ​ധി​കൃ​ത​ർ. നി​യ​മ​വി​രു​ദ്ധ​മാ​യി കെ​ട്ടി​പ്പൊ​ക്കി​യ കെ​ട്ടി​ട​ങ്ങ​ൾ പൊ​ളി​ച്ച് അ​ന​ധി​കൃ​ത താ​മ​സ​ക്കാ​രെ ഒ​ഴി​പ്പി​ക്കു​ക​യാ​ണ് ഓ​പ​റേ​ഷ​ൻ ബു​ൾ​ഡോ​സ​റി​ന്റെ ല​ക്ഷ്യ​മെ​ന്നാ​ണ് സ​ർ​ക്കാ​ർ ഭാ​ഷ്യം. അ​ന​ധി​കൃ​ത താ​മ​സ​ക്കാ​ർ എ​ന്നാ​ൽ, മു​സ്‍ലിം ചേ​രി നി​വാ​സി​ക​ൾ എ​ന്നു​കൂ​ടി അ​ർ​ഥ​മു​ണ്ട്. അ​രി​കു​വ​ത്ക​രി​ക്ക​പ്പെ​ട്ട് പു​റം​പോ​ക്കി​ൽ ക​ഴി​യു​ന്ന​വ​രെ പി​ന്നെ​യും അ​ഭ​യാ​ർ​ഥി​ക​ളാ​ക്കി മാ​റ്റാ​നു​ള്ള പ​രി​പാ​ടി​യാ​ണ്. ബു​ൾ​ഡോ​സ​റു​ക​ളെ​ത്തും മു​മ്പേ അ​മാ​ന​ത്തു​ല്ല​യും സം​ഘ​വും അ​വി​ടെ​യെ​ത്തി. പ​ക്ഷേ, കേ​ന്ദ്ര​ത്തി​ന്റെ അ​ധി​കാ​ര​ശ​ക്തി​ക്കു​മു​ന്നി​ൽ അ​വ​ർ​ക്ക് കീ​ഴ​ട​ങ്ങേ​ണ്ടി​വ​ന്നു. അ​വ​ർ അ​റ​സ്റ്റ് ചെ​യ്യ​പ്പെ​ട്ടു. ​പൊ​തു​സേ​വ​ക​ന്റെ ഔ​ദ്യോ​ഗി​ക കൃ​ത്യ​ങ്ങ​ൾ ത​ട​സ്സ​പ്പെ​ടു​ത്തി​യ​തി​നും ക​ലാ​പ​ത്തി​ന് ആ​ഹ്വാ​നം ചെ​യ്ത​തി​നു​മാ​യി 18 കേ​സു​ക​ൾ ത​ല​യി​ൽ​വെ​ച്ചു​കൊ​ടു​ത്തു. ഒ​രാ​ഴ്ച​ക്കു​ള്ളി​ൽ ജാ​മ്യം കി​ട്ടി​യെ​ങ്കി​ലും ആ ​കേ​സും കൂ​ട്ട​വും ഇ​പ്പോ​ഴും ഒ​ഴി​ഞ്ഞി​ട്ടി​ല്ല. എ​ങ്ങ​നെ​യാ​ണ് അ​മാ​ന​ത്തു​ല്ല ഖാ​ൻ ആ​പ്പി​ന്റെ മു​സ്‍ലിം മു​ഖ​മാ​​യ​തെ​ന്ന് ഈ ​സം​ഭ​വ​ങ്ങ​ളൊ​ക്കെ പ​റ​ഞ്ഞു​ത​രു​ന്നു​ണ്ട്. അ​ങ്ങ​നെ​യൊ​രു 'മു​ഖം' കേ​ന്ദ്ര​ത്തി​നെ​തി​രെ തു​റി​ച്ചു​നോ​ക്കു​ന്ന​തി​ന്റെ അ​പ​ക​ടം കാ​വി​പ്പ​ട​യും തി​രി​ച്ച​റി​യു​ന്നു​ണ്ട്. അ​താ​യി​രി​ക്കു​മോ പു​തി​യ അ​റ​സ്റ്റ് നാ​ട​ക​ത്തി​നു​പി​ന്നി​ൽ?

1974 ജ​നു​വ​രി പ​ത്തി​ന് യു.​പി​യി​ലെ മീ​റ​റ്റി​ൽ ജ​ന​നം. അ​ഗ്‍വാ​ൻ​പു​ർ ഗ്രാ​മ​ത്തി​ലെ ഒ​രു ക​ർ​ഷ​ക കു​ടും​ബ​മാ​യി​രു​ന്നു അ​മാ​ന​ത്തു​ല്ല​യു​ടേ​ത്. അ​വ​ർ പി​ന്നീ​ട് ഡ​ൽ​ഹി​യി​ലേ​ക്ക് മാ​റി. പ്ല​സ് ടു ​വാ​ണ് വി​ദ്യാ​ഭ്യാ​സ യോ​ഗ്യ​ത. ഡി​ഗ്രി​ക്ക് ജാ​മി​അ മി​ല്ലി​യ​യി​ൽ ചേ​ർ​ന്നി​രു​ന്നു​വെ​ങ്കി​ലും പൂ​ർ​ത്തി​യാ​ക്കാ​നാ​യി​ല്ല. പൂ​ർ​വാ​ശ്ര​മ​ത്തി​ൽ ബി​സി​ന​സാ​യി​രു​ന്നു. 2008ൽ, ​പാ​സ്വാ​ന്റെ ലോ​ക് ജ​ന​ശ​ക്തി പാ​ർ​ട്ടി​യി​ലൂ​ടെ​യാ​ണ് രാ​ഷ്ട്രീ​യ​പ്ര​വേ​ശ​നം. 2008ലും 13​ലും പാ​ർ​ട്ടി ബാ​ന​റി​ൽ നി​യ​മ​സ​ഭ​യി​ലേ​ക്ക് മ​ത്സ​രി​ച്ചു​വെ​ങ്കി​ലും ദ​യ​നീ​യ​മാ​യി പ​രാ​ജ​യ​പ്പെ​ട്ടു. അ​തി​ൽ​പി​ന്നെ​യാ​ണ് കെ​ജ്രി​വാ​ളി​ന്റെ 'പ​രി​വ​ർ​ത്ത​ൻ' മു​ദ്രാ​വാ​ക്യ​ത്തി​ൽ ആ​കൃ​ഷ്ട​നാ​യി ആം ​ആ​ദ്മി പാ​ർ​ട്ടി​യി​​​ൽ ചേ​ർ​ന്ന​ത്. പ​ല​ത​വ​ണ പാ​ർ​ട്ടി​നേ​താ​ക്ക​​ളോ​ട് ഇ​ട​ഞ്ഞി​ട്ടു​ണ്ട്; അ​തി​ന്റെ പേ​രി​ൽ ത​രം​താ​ഴ്ത്ത​ൽ ന​ട​പ​ടി​ക്കൊ​ക്കെ വി​ധേ​യ​നാ​യി​ട്ടു​മു​ണ്ട്. അ​പ്പോ​ഴും കെ​ജ്രി​വാ​ളി​നൊ​പ്പം ഉ​റ​ച്ചു​നി​ൽ​ക്കു​ക​യാ​യി​രു​ന്നു. ആ ​സ​മ​വാ​ക്യ​ത്തി​ന്റെ ര​സ​ത​ന്ത്രം ഇ​പ്പോ​ഴും പി​ടി​കി​ട്ടി​യി​ട്ടി​ല്ല. ശ​ഫി​യ ഖാ​ൻ ആ​ണ് ഭാ​ര്യ. ര​ണ്ട് മ​ക്ക​ൾ.