ഡൽഹി ‘ആം ആദ്മി’യുടേതാക്കി കെജ്രിവാളിന്റെ പടിയിറക്കം

സൗ​ജ​ന്യ ബ​സ് യാ​ത്ര​യി​ലൂ​ടെ അ​ര​വി​ന്ദ് കെ​ജ്രി​വാ​ൾ സ്ത്രീ​ക​ൾ​ക്കേ​കി​യ ആ​ത്മ വി​ശ്വാ​സ​വും ക​രു​ത്തും എ​ത്ര​ത്തോ​ള​മെ​ന്ന​റി​യാ​ൻ ഡി.​ടി.​സി ബ​സി​ലെ ഒ​രു യാ​ത്ര മ​തി. പു​രു​ഷ​ന്മാ​ർ ജോ​ലി​ക്കു​പോ​കു​ന്ന വീ​ടു​ക​ളി​ൽ​നി​ന്ന് ആ​ശു​പ​ത്രി അ​ട​ക്ക​മു​ള്ള വീ​ട്ടു​കാ​ര്യ​ങ്ങ​ൾ​ക്കും കു​ടും​ബ​കാ​ര്യ​ങ്ങ​ൾ​ക്കും സ്ത്രീ​ക​ളെ വി​ടു​ന്ന പ്ര​വ​ണ​ത രൂ​പ​പ്പെ​ട്ടു. വീ​ട്ടു​ജോ​ലി​ക്ക് വ​രു​ന്ന സ്ത്രീ​ക​ൾ ഒ​രു ദി​വ​സം അ​ഞ്ചും എ​ട്ടും വീ​ടു​ക​ളി​ൽ മാ​റി​മാ​റി പോ​യി മാ​സം തോ​റും ആ​യി​ര​ങ്ങ​ൾ അ​ധി​ക​മാ​യി സ​മ്പാ​ദി​ച്ചു​തു​ട​ങ്ങി

മു​റാ​ദാ​ബാ​ദി​ൽ​നി​ന്ന്​ ഹ​സ്ര​ത്ത് നി​സാ​മു​ദ്ദീ​നി​ലേ​ക്ക് ബ​സ് മാ​ർ​ഗം തി​രി​ച്ച ആ​തി​ക് ഡ​ൽ​ഹി അ​തി​ർ​ത്തി​യി​ലെ കാ​ളി​ന്ദി കു​ഞ്ചി​ലെ​ത്തി​യ​പ്പോ​ൾ ഡ​ൽ​ഹി ട്രാ​ൻ​സ്പോ​ർ​ട്ട് കോ​ർ​പ​റേ​ഷ​ന്റെ (ഡി.​ടി.​സി) എ​യ​ർ​ക​ണ്ടീ​ഷ​ൻ ചെ​യ്ത മു​ന്തി​യ ഇ​ല​ക്ട്രി​ക് ബ​സ് കി​ട​ക്കു​ന്ന​തു​ക​ണ്ട് ഒ​ന്ന് ക​യ​റി നോ​ക്കി​യ​താ​ണ്. കേ​വ​ലം 20 രൂ​പ​ക്ക് ഇ​ല​ക്ട്രി​ക് എ.​സി ബ​സി​ൽ നി​സാ​മു​ദ്ദീ​നി​ലെ​ത്താ​മെ​ന്ന​റി​ഞ്ഞ​പ്പോ​ൾ അ​വി​ശ്വാ​സം. കൂ​ടെ​യു​ള്ള സ്ത്രീ​ക​ൾ​ക്കും പെ​ൺ​കു​ട്ടി​ക​ൾ​ക്കു​മെ​ല്ലാം ബ​സി​ൽ സൗ​ജ​ന്യ യാ​ത്ര​യാ​ണെ​ന്ന​റി​ഞ്ഞ​പ്പോ​ൾ അ​മ്പ​ര​പ്പ്. ഇ​തെ​ങ്ങ​നെ ഒ​ത്തു​പോ​കു​മെ​ന്ന് ചോ​ദി​ച്ച​പ്പോ​ൾ ഒ​ത്തി​ട്ട​ല്ല​ല്ലോ പൊ​തു ഗ​താ​ഗ​തം ന​ട​ത്തേ​ണ്ട​തെ​ന്ന മ​റു​പ​ടി ആ​തി​കി​ന് ബോ​ധി​ച്ചു. അ​തി​നോ​ടു​ള്ള പ്ര​തി​ക​ര​ണ​മെ​ന്നോ​ണ​മാ​ണ്, സ്ത്രീ​ക​ൾ​ക്ക് സൗ​ജ​ന്യ​മാ​ക്കി​യ​പ്പോ​ൾ പു​രു​ഷ​ന്മാ​ർ​ക്ക് യാ​ത്ര ചെ​യ്യാ​ൻ വ​യ്യാ​താ​യെ​ന്നും കെ​ജ്രി​വാ​ളാ​ണ് എ​ല്ലാ​റ്റി​നും കാ​ര​ണ​ക്കാ​ര​നെ​ന്നു​മു​ള്ള വേ​വ​ലാ​തി തൊ​ട്ട​ടു​ത്തി​രി​ക്കു​ന്ന ഒ​രു കെ​ജ്രി​വാ​ൾ വി​രു​ദ്ധ​ന്റേ​താ​യി വ​ന്ന​ത്.

എ​യിം​സ് (ഓ​ൾ ഇ​ന്ത്യ ഇ​ൻ​സ്റ്റി​റ്റ്യു​ട്ട് ഓ​ഫ് മെ​ഡി​ക്ക​ൽ സ​യ​ൻ​സ​സ്) വ​ഴി ക​ട​ന്നു​പോ​കു​ന്ന തൊ​ട്ട​പ്പു​റ​ത്ത ബ​സി​ലു​ള്ള സ്ത്രീ​ക​ളു​ടെ​യും കു​ട്ടി​ക​ളു​ടെ​യും തി​ര​ക്ക് കാ​ണി​ച്ചു കൊ​ടു​ത്ത​തോ​ടെ ആ ​വേ​വ​ലാ​തി​യ​ട​ങ്ങി. എ​യിം​സി​ലേ​ക്ക് പോ​കു​ന്ന വ​ള​രെ സാ​ധാ​ര​ണ​ക്കാ​രാ​യ രോ​ഗി​ക​ളും സ​ഹാ​യി​ക​ളു​മാ​യി​രു​ന്നു അ​തി​ലേ​റെ​യും. ആ ​സ്ത്രീ​ക​ളി​ലേ​റെ​യും യോ​ഗി ഭ​രി​ക്കു​ന്ന യു.​പി​യി​ൽ നി​ന്നു​ള്ള​വ​രു​മാ​യി​രു​ന്നു. ഡ​ൽ​ഹി അ​തി​ർ​ത്തി ക​ട​ന്നാ​ൽ അ​വ​ർ​ക്കും യാ​ത്രാ​ക്കൂ​ലി വേ​ണ്ടാ. നോ​യ്ഡ​യി​ലെ​ത്തി​യാ​ൽ പി​ന്നെ അ​വ​രു​ടെ യാ​ത്ര ഡി.​ടി.​സി ബ​സു​ക​ളി​ലാ​ണ്.

സൗ​ജ​ന്യ ബ​സ് യാ​ത്ര​യി​ലൂ​ടെ അ​ര​വി​ന്ദ് കെ​ജ്രി​വാ​ൾ സ്ത്രീ​ക​ൾ​ക്കേ​കി​യ ആ​ത്മ വി​ശ്വാ​സ​വും ക​രു​ത്തും എ​ത്ര​ത്തോ​ള​മെ​ന്ന​റി​യാ​ൻ ഡി.​ടി.​സി ബ​സി​ലെ ഒ​രു യാ​ത്ര മ​തി. പു​രു​ഷ​ന്മാ​ർ ജോ​ലി​ക്കു​പോ​കു​ന്ന വീ​ടു​ക​ളി​ൽ​നി​ന്ന് ആ​ശു​പ​ത്രി അ​ട​ക്ക​മു​ള്ള വീ​ട്ടു​കാ​ര്യ​ങ്ങ​ൾ​ക്കും കു​ടും​ബ​കാ​ര്യ​ങ്ങ​ൾ​ക്കും സ്ത്രീ​ക​ളെ വി​ടു​ന്ന പ്ര​വ​ണ​ത രൂ​പ​പ്പെ​ട്ടു. വീ​ട്ടു​ജോ​ലി​ക്ക് വ​രു​ന്ന സ്ത്രീ​ക​ൾ ഒ​രു ദി​വ​സം അ​ഞ്ചും എ​ട്ടും വീ​ടു​ക​ളി​ൽ മാ​റി​മാ​റി പോ​യി മാ​സം തോ​റും ആ​യി​ര​ങ്ങ​ൾ അ​ധി​ക​മാ​യി സ​മ്പാ​ദി​ച്ചു​തു​ട​ങ്ങി. സാ​ധാ​ര​ണ കു​ടും​ബ​ങ്ങ​ളി​ലെ സ്ത്രീ​ക​ൾ​ക്കും പെ​ൺ​മ​ക്ക​ൾ​ക്കും കു​ടും​ബ- ബ​ന്ധു സ​ന്ദ​ർ​ശ​ന​ങ്ങ​ൾ​ക്ക് ഗൃ​ഹ​നാ​ഥ​ന്മാ​രോ​ട് വാ​ഹ​ന​ക്കൂ​ലി​ക്ക് കൈ​നീ​ട്ടേ​ണ്ട സാ​ഹ​ച​ര്യ​മി​ല്ലാ​താ​യി. സു​ര​ക്ഷ​ക്കാ​യി ബ​സു​ക​ളി​ൽ ഗാ​ർ​ഡു​ക​ളെ കൂ​ടി വെ​ച്ച​തോ​ടെ ഓ​ഫി​സു​ക​ളി​ൽ പ​തി​വാ​യി വാ​ഹ​ന​മോ​ടി​ച്ചു​വ​ന്നി​രു​ന്ന ഉ​പ​രി മ​ധ്യ​വ​ർ​ഗ സ്ത്രീ​ക​ൾ സ്വ​ന്തം കാ​റു​ക​ൾ വീ​ട്ടി​ൽ​വെ​ച്ച് സ​ർ​ക്കാ​ർ ബ​സ്​ യാ​ത്ര​യു​ടെ സ്ഥി​രം ഗു​ണ​ഭോ​ക്താ​ക്ക​ളാ​യി. മാ​സം തോ​റും ഇ​ന്ധ​ന​മ​ടി​ക്കാ​നും ഡ​ൽ​ഹി മെ​ട്രോ​ക്കും ന​ൽ​കി​ക്കൊ​ണ്ടി​രു​ന്ന പ​ണ​മി​വ​ർ​ക്കും മി​ച്ചം.

ഇ​ത്ര​യും പേ​ർ ഒ​റ്റ​ക്ക് അ​വ​ര​വ​രു​ടെ വാ​ഹ​ന​ങ്ങ​ളി​ൽ വ​ന്നാ​ലു​ണ്ടാ​കാ​വു​ന്ന പ​രി​സ്ഥി​തി മ​ലി​നീ​ക​ര​ണം ത​ട​യു​ന്ന​തി​ന്റെ ആ​ശ്വാ​സം കൂ​ടി കി​ട്ടു​ന്നു​ണ്ട് ഡ​ൽ​ഹി​ക്ക്. സ്ത്രീ​ക​ളെ പോ​ലെ പു​രു​ഷ​ന്മാ​ർ​ക്ക് സൗ​ജ​ന്യ​മി​ല്ലെ​ന്നേ​യു​ള്ളൂ. ഡ​ൽ​ഹി​യു​ടെ ഒ​ര​റ്റം മു​ത​ൽ മ​റ്റേ അ​റ്റം വ​രെ പോ​കാ​ൻ 15ന്റെ​യും 25ന്റെ​യും ടി​ക്ക​റ്റ് മ​തി. ഒ​രു ദി​വ​സം മു​ഴു​വ​നും ഡ​ൽ​ഹി​യി​ൽ യാ​ത്ര ചെ​യ്യാ​നു​ള്ള ബ​സ് പാ​സ്​ കേ​വ​ലം 50 രൂ​പ​ക്ക് കി​ട്ടും. 1000 രൂ​പ​ക്ക് ഒ​രു മാ​സ​ത്തേ​ക്കു​ള്ള പാ​സും കി​ട്ടും. പൊ​തു ഗ​താ​ഗ​ത​മെ​ന്ന​ത് ലാ​ഭ​ന​ഷ്ടം നോ​ക്കി ന​ട​ത്തേ​ണ്ട ഒ​ന്ന​ല്ലെ​ന്നും സ​ർ​ക്കാ​ർ ജ​ന​ങ്ങ​ൾ​ക്ക് ന​ൽ​കേ​ണ്ട സേ​വ​ന​മാ​ണെ​ന്നും കെ​ജ്രി​വാ​ളി​നോ​ളം ബോ​ധ്യ​പ്പെ​ടു​ത്തി​യ മ​റ്റൊ​രു മു​ഖ്യ​മ​ന്ത്രി​യു​ണ്ടാ​വി​ല്ല.

ഒ​രു സാ​ധാ​ര​ണ കു​ടും​ബ​ത്തി​ന് ആ​വ​ശ്യ​മാ​യ അ​ള​വി​ൽ വൈ​ദ്യു​തി​യും വെ​ള്ള​വും സൗ​ജ​ന്യ​മാ​ക്കി​യ​ത് ഇ​റ​ങ്ങു​ന്ന​തു​വ​രെ അ​തു​പോ​ലെ തു​ട​രാ​ൻ കെ​ജ്രി​വാ​ളി​ന് ക​ഴി​ഞ്ഞു. വൈ​ദ്യു​തി മീ​റ്റ​റി​ൽ ഉ​പ​യോ​ഗി​ച്ച​താ​യി കാ​ണി​ക്കു​ന്ന യൂ​നി​റ്റ് 199 ആ​ണെ​ങ്കി​ൽ ഇ​പ്പോ​ഴും ഒ​രു രൂ​പ പോ​ലും ഉ​പ​ഭോ​ക്താ​വ് അ​ട​ക്കേ​ണ്ട​തി​ല്ല. കെ​ജ്രി​വാ​ളി​ന്റെ ഇ​ട​പെ​ട​ലോ​ടെ ത​ന്നെ​യാ​ണ് ഡ​ൽ​ഹി​യു​ടെ പൊ​തു വി​ദ്യാ​ഭ്യാ​സ​വും പൊ​തു​ആ​രോ​ഗ്യ​വും സ്വ​കാ​ര്യ മേ​ഖ​ല​യോ​ട് കി​ട​പി​ടി​ക്കു​ന്ന ത​ര​ത്തി​ലേ​ക്കു​യ​ർ​ന്ന​ത്. ഇ​തേ​ക്കു​റി​ച്ചെ​ല്ലാം വേ​ണ്ടു​വോ​ളം വി​ല​യി​രു​ത്ത​ലു​ക​ൾ വ​ന്നു​ക​ഴി​ഞ്ഞ​താ​ണ്. നി​ല​പാ​ടു​ക​ളി​ൽ അ​രാ​ഷ്ട്രീ​യ​ക്കാ​ര​നാ​യ, അ​ണ്ണാ ഹ​സാ​രെ​യു​ടെ ഈ ​പ​ഴ​യ ശി​ഷ്യ​നെ​ക്കു​റി​ച്ച്​ പ​റ​യാ​ൻ ആ​യി​രം ആ​ക്ഷേ​പ​ങ്ങ​ളു​ണ്ടെ​ങ്കി​ലും അ​ര​വി​ന്ദ് കെ​ജ്രി​വാ​ൾ എ​ന്ന മു​ഖ്യ​മ​ന്ത്രി ഡ​ൽ​ഹി​യു​ടെ സാ​മൂ​ഹി​ക ജീ​വി​ത​ത്തി​ൽ സൃ​ഷ്ടി​ച്ച മാ​റ്റ​ങ്ങ​ൾ കാ​ണാ​തി​രു​ന്നു​കൂ​ടാ. അ​ഴി​മ​തി​ക്കേ​സി​ൽ കു​ടു​ക്കി പ​ടി​യി​റ​ക്കു​മ്പോ​ഴും ആം ​ആ​ദ്മി (സാ​ധാ​ര​ണ​ക്കാ​ര​ന്റെ) പാ​ർ​ട്ടി​യു​മാ​യി വ​ന്ന ആ ​കു​റി​യ മ​നു​ഷ്യ​നാ​ണ് ഡ​ൽ​ഹി ആം ​ആ​ദ്മി​യു​ടേ​ത് (സാ​ധാ​ര​ണ​ക്കാ​ര​ന്റേ​ത്) കൂ​ടി​യാ​ക്കി മാ​റ്റി​യ​തെ​ന്ന് പ​റ​യാ​തി​രി​ക്കാ​നാ​വി​ല്ല. അ​ര​വി​ന്ദ് കെ​ജ്രി​വാ​ൾ ഡ​ൽ​ഹി​യി​ലെ​ന്തു ചെ​യ്തു​വെ​ന്ന മ​ധ്യ​വ​ർ​ഗ​ത്തി​ന്റെ ചോ​ദ്യ​ത്തി​നു​ള്ള ഉ​ത്ത​രം കൂ​ടി​യാ​ണി​ത്.