‘തീ​തി​ന്ന നാ​ളു​കൾ; അ​നു​ഭ​വി​ച്ചുതീ​ർ​ത്ത​തൊ​ന്നും പ​റ​ഞ്ഞു ഫ​ലി​പ്പി​ക്കാ​ൻ ക​ഴി​യി​ല്ല’

2021 ആഗസ്റ്റിൽ ‘മാധ്യമം കുടുംബ’ത്തിനു വേണ്ടി സിദ്ദീഖ് കാപ്പന്റെ ഭാര്യ റൈഹാനയുമായി സംസാരിച്ച് കെ.പി.എം. റിയാസ്​ തയാറാക്കിയ കുറിപ്പ്

10 മാ​സം മു​മ്പ് ഒ​രു ഒ​ക്ടോ​ബ​ർ അ​ഞ്ചി​നാ​ണ് സി​ദ്ദീ​ഖ് കാ​പ്പ​ൻ അ​റ​സ്​​റ്റി​ലാ​വു​ന്ന​ത്. അ​റ​സ്​​റ്റി​ലാ​യി എ​ന്ന് പി​ന്നീ​ടാ​ണ് അ​റി​യു​ന്ന​ത്. കാ​ണാ​താ​യി എ​ന്നു പ​റ​യു​ന്ന​താ​ണ് ശ​രി. ഒ​രു പ​ക​ലും രാ​ത്രി​യും ആ​ളു​ടെ ഒ​രു വി​വ​ര​വും ഇ​ല്ല. പി​റ്റേ​ന്നാ​ണ് ഹാ​ഥ​റ​സി​ലേ​ക്കു​ള്ള യാ​ത്രാ​മ​ധ്യേ അ​ദ്ദേ​ഹ​ത്തെ ഉ​ത്ത​ർ​പ്ര​ദേ​ശ് പൊ​ലീ​സ് അ​റ​സ്​​റ്റ്​ ചെ​യ്തെ​ന്ന വാ​ർ​ത്ത പു​റ​ത്തു​വ​രു​ന്ന​ത്. ര​ണ്ടു ദി​വ​സ​ത്തി​നു​ള്ളി​ൽ ക​രി​നി​യ​മ​മാ​യ യു.​എ.​പി.​എ സി​ദ്ദീ​ഖി​​ന്റെ മേ​ൽ ചു​മ​ത്തി. രാ​ജ്യ​ദ്രോ​ഹ​പ്ര​വ​ർ​ത്ത​ന​ങ്ങ​ൾ​ക്കുവേ​ണ്ടി​യാ​ണ് വാ​ർ​ത്ത​കൊ​ടു​ക്കാ​നെ​ന്ന പേ​രി​ൽ പോ​യ​തെ​ന്ന് പൊ​ലീ​സ് ക​ഥ​യു​ണ്ടാ​ക്കി.

മ​ക്ക​ളെ​യും ഭ​ർ​ത്താ​വി​നെ​യും പ്രാ​യ​മാ​യ ഭ​ർ​തൃ​മാ​താ​വി​നെ​യും നോ​ക്കി ഒ​തു​ങ്ങി​ക്ക​ഴി​ഞ്ഞി​രു​ന്ന സാ​ധാ​ര​ണ വീ​ട്ട​മ്മ​യാ​യി​രു​ന്നു ഞാ​ൻ. പ​ക്ഷേ, ഇ​പ്പോ​ൾ സ​ങ്ക​ട​ങ്ങ​ളും പ്ര​യാ​സ​ങ്ങ​ളും ദു​രി​ത​ങ്ങ​ളു​മാ​യി അ​നു​ഭ​വ​ങ്ങ​ൾ​ക്കു​മേ​ലെ അ​നു​ഭ​വ​ങ്ങ​ളു​മാ​യി ദി​വ​സ​ങ്ങ​ൾ ത​ള്ളി​നീ​ക്കു​ന്നു. എ​ത്ര ത​വ​ണ​യാ​ണ് ജാ​മ്യ​ത്തി​നു​വേ​ണ്ടി നീ​തി​പീ​ഠ​ത്തോ​ട് യാ​ചി​ച്ച​ത്. അ​ക​ത്തി​ടാ​ൻ ഒ​രു തെ​ളി​വു​മി​ല്ല. കു​റെ ആ​രോ​പ​ണ​ങ്ങ​ൾ മാ​ത്രം. ഒ​ന്നു​പോ​ലും തെ​ളി​യി​ക്കാ​ൻ പൊ​ലീ​സി​ന് ക​ഴി​യു​ന്നി​ല്ല. ആ​ദ്യ​ത്തെ ഒ​ന്ന​ര​മാ​സ​ത്തോ​ളം ഇ​ക്ക​യു​ടെ അ​വ​സ്ഥ​യെ​ക്കു​റി​ച്ച് ഒ​ന്നും അ​റി​യി​ല്ലാ​യി​രു​ന്നു ഞ​ങ്ങ​ൾ​ക്ക്. ജീ​വി​ച്ചി​രി​ക്കു​ന്നു​ണ്ടോ​യെ​ന്നുപോ​ലും. ഞാ​നും മ​ക്ക​ളും അ​ദ്ദേ​ഹ​ത്തി​​ന്റെ മ​റ്റു കു​ടും​ബാം​ഗ​ങ്ങ​ളും തീ​തി​ന്ന നാ​ളു​ക​ളാ​യി​രു​ന്നു. അ​നു​ഭ​വി​ച്ചുതീ​ർ​ത്ത​തൊ​ന്നും പ​റ​ഞ്ഞു ഫ​ലി​പ്പി​ക്കാ​ൻ ക​ഴി​യി​ല്ല.

45 ദി​വ​സ​ങ്ങ​ൾ​ക്കു​ശേ​ഷ​മാ​ണ് ക​ടു​ത്ത വേ​ന​ലി​ലൊ​രു മ​ഴ കി​ട്ടി​യ​പോ​ലെ മ​ഥു​ര ജ‍യി​ലി​ൽ​നി​ന്ന് ഇ​ക്ക​യു​ടെ ഫോ​ൺ കാ​ൾ വ​രു​ന്ന​ത്. ആ ​ഒ​രു നി​മി​ഷ​ത്തി​നു​വേ​ണ്ടി​യാ​യി​രു​ന്നു ഞാ​ൻ അ​ത്ര​യും നാ​ൾ ജീ​വി​ച്ച​ത് എ​ന്നു​വ​രെ തോ​ന്നി. സ്വാ​ത​ന്ത്ര്യ​മാ​ണ​ല്ലോ ച​ർ​ച്ച. 2020 ഒ​ക്ടോ​ബ​റി​ൽനി​ന്ന് 2021 ആ​ഗ​സ്​​റ്റി​ലെ​ത്തു​മ്പോ​ൾ എ​ന്താ​ണ് സ്വാ​ത​ന്ത്ര്യം എ​ന്ന വാ​ക്കി​ന്റെ അ​ർ​ഥ​മെ​ന്നു​പോ​ലും മ​ന​സ്സി​ലാ​വു​ന്നി​ല്ല.

അ​നീ​തി റി​പ്പോ​ർ​ട്ട്​ ചെ​യ്യാ​ൻ, സ്വ​ന്തം ജോ​ലി​യാ​വ​ശ്യാ​ർ​ഥം പോ​യ മ​നു​ഷ്യ​നെ​യാ​ണ് 300 ദി​വ​സ​ത്തോ​ള​മാ​യി മു​ഴു​വ​ൻ സ്വാ​ത​ന്ത്ര്യ​വും ഇ​ല്ലാ​താ​ക്കി ഇ​രു​ട്ട​റ​യി​ൽ കെ​ട്ടി​യി​ട്ടി​രി​ക്കു​ന്ന​ത്. ചി​രി​ക്ക​ണ്ട, ചി​ന്തി​ക്ക​ണ്ട, ജോ​ലി ചെ​യ്യ​ണ്ട, കു​ടും​ബ​ത്തെ കാ​ണ​ണ്ട. ആ ​ആ​ളു​ടെ മാ​ന​സി​കാ​വ​സ്ഥ, കു​ടും​ബം അ​നു​ഭ​വി​ച്ചു​കൊ​ണ്ടി​രി​ക്കു​ന്ന യാ​ത​ന​ക​ൾ ആ​ർ​ക്കാ​ണ് മ​ന​സ്സി​ലാ​വു​ക? 90 ക​ഴി​ഞ്ഞ ഒ​രു മാ​താ​വ് മ​ക​നെ ചോ​ദി​ച്ച് ചോ​ദി​ച്ച് ഹൃ​ദ​യം നീ​റി നീ​റി ഖ​ബ​റി​ലേ​ക്ക് മ​ട​ങ്ങി. എ​​​ന്റെ​യും മ​ക്ക​ളു​ടെ​യും സ്വാ​ത​ന്ത്ര്യ​മെ​വി​ടെ? മ​ന​സ്സ​റി​ഞ്ഞ് ചി​രി​ച്ചി​ട്ടു​പോ​ലും മാ​സ​ങ്ങ​ളാ​യി.

പ്ല​സ് ടു​വി​നും എ​ട്ടാം ക്ലാ​സി​ലും പ​ഠി​ക്കു​ന്ന ര​ണ്ട് ആ​ൺമ​ക്ക​ൾ, മൂ​ന്നാം ക്ലാ​സു​കാ​രി മ​ക​ൾ... ​എ​ന്റെ കു​ഞ്ഞു​ങ്ങ​ൾ​ക്കും വേ​ണ്ടേ സ്വാ​ത​ന്ത്ര്യം. ഈ ​സ​മൂ​ഹ​ത്തി​ൽ പാ​റി​ന​ട​ക്കേ​ണ്ട പ്രാ​യ​മ​ല്ലേ അ​വ​രു​ടേ​ത്. ക​ളി​യി​ല്ല, ചി​രി​യി​ല്ല... ​മൂ​ന്നു​പേ​രു​ടെ​യും മു​ഖ​ത്തെ തി​ള​ക്കം എ​ങ്ങോ പോ​യി. ഇ​ന്ന​ല്ലെ​ങ്കി​ൽ നാ​ളെ തി​രി​ച്ചു​വ​രും എ​ന്ന പ്ര​തീ​ക്ഷ മാ​ത്ര​മാ​ണ് ജീ​വി​ക്കാ​ൻ പ്രേ​രി​പ്പി​ക്കു​ന്ന​ത്. എ​ങ്കി​ലും പ​ല​രു​ടെ​യും അ​നു​ഭ​വ​ങ്ങ​ൾ കേ​ൾ​ക്കു​മ്പോ​ൾ പേ​ടി​യു​ണ്ട്.

തെ​റ്റു ചെ​യ്തി​രു​ന്നെ​ങ്കി​ൽ ഇ​ത്ര വേ​ദ​ന ഉ​ണ്ടാ​വു​മാ​യി​രു​ന്നി​ല്ല. ക​ര​ഞ്ഞി​രു​ന്നി​ട്ട് കാ​ര്യ​മി​ല്ലെ​ന്ന​റി​യാം. പി​ന്നാ​ലെ ഓ​ടാ​ൻ ശ്ര​മി​ക്കു​ക​യാ​ണ് ഞാ​ൻ. എ​ത്ര ആ​ഞ്ഞു​പി​ടി​ച്ചി​ട്ടും ല​ക്ഷ്യ​സ്ഥാ​ന​ത്ത് എ​ത്തു​ന്നി​ല്ല. പ​ല​പ്പോ​ഴും നി​രാ​ശ തോ​ന്നും. മ​ക്ക​ൾ​ക്കും സി​ദ്ദീ​ഖ് ഇ​ക്ക​ക്കും ധൈ​ര്യം കൊ​ടു​ക്കാ​നു​ള്ള​ത് ഞാ​ൻ മാ​ത്ര​മാ​ണ്. ഞാ​ൻ ത​ള​രാ​ൻ പാ​ടി​ല്ല. സ്വാ​ത​ന്ത്ര്യം വേ​ണം, എ​നി​ക്കു മാ​ത്ര​മ​ല്ല ഒ​രു തെ​റ്റും ചെ​യ്യാ​തെ ജ​യി​ല​ഴി​ക​ൾ​ക്ക​ക​ത്ത് ക​ഴി​യു​ന്ന മു​ഴു​വ​ൻ നി​ര​പ​രാ​ധി​ക​ൾ​ക്കും അ​വ​രു​ടെ കു​ടും​ബ​ത്തി​നും.