ശാ​സ്​​ത്ര​വാ​ദി

ശാ​സ്ത്രീ​യമ​നോ​ഭാ​വ​ത്തോ​ടെ വേ​ണം കാ​ര്യ​ങ്ങ​ളെ സ​മീ​പി​ക്കാ​നെ​ന്ന് ന​മ്മെ പ​ഠി​പ്പി​ച്ച​ത് സാ​ക്ഷാ​ൽ നെ​ഹ്റു​വാ​ണ്. ശാ​സ്ത്രാ​വ​ബോ​ധം വ​ള​ർ​ത്ത​ണ​മെ​ന്ന് ഭ​ര​ണ​ഘ​ട​ന അ​തി​ന്റെ 11 പൗ​ര​ബാ​ധ്യ​ത​ക​ളി​ലൊ​ന്നാ​യി ഓ​രോ ഇ​ന്ത്യ​ക്കാ​ര​നെ​യും ഓ​ർ​​മ​പ്പെ​ടു​ത്തു​ക​യും ചെ​യ്യു​ന്നു. ഇ​താ​ണ് അ​ടി​സ്ഥാ​ന​പ​ര​മാ​യി ശാ​സ്ത്ര​ത്തോ​ടു​ള്ള ന​മ്മു​ടെ നാ​ടി​ന്റെ സ​മീ​പ​നം. നെ​ഹ്റു​വി​നെ​യും ഭ​ര​ണ​ഘ​ട​ന​യെ​യു​മൊ​ക്കെ ന​മ്മു​ടെ ഭ​ര​ണ​കൂ​ടം ത​ന്നെ മ​റ​ന്നു​പോ​യ ഈ ​നാ​ളു​ക​ളി​ൽ അ​ക്കാ​ര്യം ആ​രെ​ങ്കി​ലും ഓ​ർ​മ​പ്പെ​ടു​ത്തി​യാ​ൽ അ​ദ്ദേ​ഹ​ത്തെ അ​ഭി​ന​ന്ദി​ക്കു​ക​യ​ല്ലേ വേ​ണ്ട​ത്?

പ​ക്ഷേ, ശാ​സ്ത്രീ​യ മ​നോ​വൃ​ത്തി​യെ​ക്കു​റി​ച്ച് വി​ദ്യാ​ർ​ഥി​ക​ളോ​ട് സം​വ​ദി​ച്ച സ​ഖാ​വ് എ.എൻ. ഷം​സീ​റി​ന് പൂ​ച്ചെ​ണ്ട​ല്ല, ക​ല്ലേ​റാ​ണ് കി​ട്ടി​ക്കൊ​ണ്ടി​രി​ക്കു​ന്ന​ത്. മി​ത്തി​നുപ​ക​രം നി​ങ്ങ​ൾ ശാ​സ്ത്ര​ത്തെ പ്ര​തി​ഷ്ഠി​ക്കൂവെ​ന്ന് ഉ​പ​ദേ​ശി​ച്ച അദ്ദേഹത്തിനു​നേ​രെ കാ​വി​പ്പ​ട ത​ല​ങ്ങും വി​ല​ങ്ങും പാ​ഞ്ഞ​ടു​ത്തുകൊ​ണ്ടി​രി​ക്കു​ക​യാ​ണ്; ചി​ല​ർ തൊ​ടു​​പു​ഴ​യി​ലെ ജോ​സ​ഫ് മാ​ഷി​ന്റെ കാ​ര്യ​മൊ​ക്കെ പ​ര​സ്യ​മാ​യി​ത്ത​ന്നെ ‘ഓ​ർ​മി​പ്പി​ക്കു’​ന്നു​ണ്ട്; തെ​രു​വി​ല​വ​ർ കൊ​ല​വി​ളി മു​ദ്രാ​വാ​ക്യ​ങ്ങ​ളു​മാ​യി ന​ട​ക്കു​മ്പോ​ഴും പാ​ർ​ട്ടി​ക്കും പൊ​ലീ​സി​നു​മൊ​ന്നും കാ​ര്യ​മാ​യ കു​ലു​ക്ക​മി​ല്ലാ​ത്ത​തെ​ന്തു​കൊ​ണ്ടാ​കും?

കേ​വ​ല​മൊ​രു സ​ഖാ​വ് മാ​ത്ര​മ​ല്ല, സ​ഭ​യു​ടെ നാ​ഥ​ൻ കൂ​ടി​യാ​ണ് ഷം​സീ​ർ. ആ നി​ല​യി​ൽ സ​ർ​ക്കാ​റി​ന്റെ ന​യ​ങ്ങ​ളു​ടെ​യും നി​ല​പാ​ടു​ക​ളു​ടെ​യും പ്ര​ചാ​ര​ക​ൻകൂ​ടി​യാ​ക​ണം സ്പീ​ക്ക​ർ. ഓ​ർ​മ​യി​ല്ലേ, ര​ണ്ടാം പി​ണ​റാ​യിസ​ർ​ക്കാ​റി​ന്റെ സ​ത്യ​പ്ര​തി​ജ്ഞാ​ന​ന്ത​രം ര​ണ്ട് കാ​ര്യ​ങ്ങ​ളാ​ണ് മു​ഖ്യ​ൻ വാ​ഗ്ദാ​നംചെ​യ്ത​ത്. സം​സ്ഥാ​ന​ത്ത് അ​തി​ദാ​രി​ദ്ര്യം തു​ട​ച്ചു​നീ​ക്കു​മെ​ന്നാ​യി​രു​ന്നു അ​തി​ലാ​ദ്യ​ത്തേ​ത്. അ​തി​ദ​രി​ദ്ര​രെ ഇ​തി​ന​കം ക​ണ്ടെ​ത്തി​ക്ക​ഴി​ഞ്ഞി​രി​ക്കു​ന്നു; അ​വ​ർ​ക്കാ​യു​ള്ള ചി​ല പ​ദ്ധ​തി​ക​ളും പ്ര​ഖ്യാ​പി​ച്ചി​ട്ടു​ണ്ട്.

കേ​ര​ളീ​യ​രി​ൽ ശാ​സ്ത്രാ​വ​ബോ​ധം വ​ള​ർ​ത്തുമെ​ന്നാ​യി​രു​ന്നു ര​ണ്ടാ​മ​ത്തെ വാ​ഗ്ദാ​നം. അ​തു​പ​ക്ഷേ, പ്ര​ഖ്യാ​പി​ച്ച പി​ണ​റാ​യി​പോ​ലും മ​റ​ന്നു​പോ​യി. അ​ന്താ​രാ​ഷ്ട്ര യോ​ഗദി​ന​ത്തി​ൽ വി​വി​ധ ആ​സ​ന​ങ്ങ​ളി​ൽ ഫോ​ട്ടോ​ക്ക് പോ​സ് ചേ​യ്ത് സോ​ഷ്യ​ൽ മീ​ഡി​യ​യി​ൽ മ​ത്സ​രി​ക്കു​ന്ന കാ​ബി​ന​റ്റ് അം​ഗ​ങ്ങ​ളെ​യൊ​ക്കെ ജ​ന​ങ്ങ​ൾ​ക്ക് കാ​ണേ​ണ്ടി​വ​രു​ന്ന​ത് അതുകൊണ്ടാണ്. പ​ല​പ്പോ​ഴും മി​ത്തു​ക​ൾ​ക്കും പാ​ര​മ്പ​ര്യ​ങ്ങ​ൾ​ക്കും ശാ​സ്ത്രം കീ​ഴ്പ്പെ​ടു​ന്ന കാ​ഴ്ച. പൊ​തു​മ​രാ​മ​ത്ത് വ​കു​പ്പി​ന്റെ കീ​ഴി​ൽ പാ​ലം പ​ണി​വ​രെ തു​ട​ങ്ങു​ന്ന​ത് പൂ​ജാ​വി​ധി​ക​ളോ​ടെ​യാ​ണ്. ഇ​ങ്ങ​നെ സ്വ​ന്തം സ​ഖാ​ക്ക​ൾപോ​ലും നി​ല​വി​ട്ട് പ്ര​വ​ർ​ത്തി​ച്ചു​കൊ​ണ്ടി​രി​ക്കെ​യാ​ണ് ഷം​സീ​റി​ന്റെ ശാ​സ്ത്ര​പ്ര​ഭാ​ഷ​ണം.

കു​ന്ന​ത്തു​നാ​ട് മ​ണ്ഡ​ല​ത്തി​ൽ ന​ട​പ്പാ​ക്കു​ന്ന സ​മ​ഗ്ര​ വി​ദ്യാ​ഭ്യാ​സപ​ദ്ധ​തി​യു​ടെ ഉ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം. പ​തി​വു​പോ​ലെ, നി​ല​വി​ള​ക്ക് കൊ​ളു​ത്തി ആ​രം​ഭി​ച്ച ച​ട​ങ്ങാ​ണ്​; പ​ക്ഷേ, സ​ഖാ​വി​ന്റെ പ്ര​സം​ഗം അ​ടി​മു​ടി ശാ​സ്ത്രം മാ​ത്ര​മാ​യി​രു​ന്നു. ‘‘പാ​​ഠ​​പു​​സ്‌​​ത​​ക​​ങ്ങ​​ളി​​ൽ ശാ​​സ്‌​​ത്ര​​ത്തി​​നുപ​​ക​​രം മി​​ത്തു​​ക​​ളെ പ്രോ​​ത്സാ​​ഹി​​പ്പി​​ക്കു​​ക​​യാ​​ണ്‌. എ​​ന്തൊ​​ക്കെ​​യാ​​ണി​​പ്പോ​​ൾ പ​​ഠി​​പ്പി​​ക്കാ​​ൻ ശ്ര​​മി​​ക്കു​​ന്ന​​ത്‌. വി​​മാ​​നം ക​​ണ്ടു​​പി​​ടി​​ച്ച​​തി​​ന്റെ ഉ​​ത്ത​​രം എ​​ന്റെ കാ​​ല​​ത്ത്‌ റൈ​​റ്റ്‌ ബ്ര​​ദേ​​ഴ്‌​​സ്‌ ആ​​ണ്‌.

പു​​രാ​​ണ​​കാ​​ല​​ത്തേ വി​​മാ​​ന​​മു​​ണ്ടെ​​ന്നും ലോ​​ക​​ത്തി​​ലെ ആ​​ദ്യ​​ത്തെ വി​​മാ​​നം പു​​ഷ്‌​​പ​​ക വി​​മാ​​ന​​മാ​​ണെ​​ന്നും ഇ​​പ്പോ​​ൾ പ​​റ​​യു​​ന്നു. ശാ​​സ്‌​​ത്ര സാ​​ങ്കേ​​തി​​ക​​രം​​ഗം വി​​കസി​​ക്കു​​മ്പോ​​ൾ സ​​യ​​ൻ​​സി​​ന്റെ സ്ഥാ​​ന​​ത്ത്‌ മി​​ത്തു​​ക​​ളെ അ​​വ​​ത​​രി​​പ്പി​​ക്കു​​ന്നു. അ​​തി​​ന്റെ ഭാ​​ഗ​​മാ​​ണ്‌ വി​​മാ​​നം ക​​ണ്ടു​​പി​​ടി​​ച്ച​​ത്‌ ആ​​രെ​​ന്ന ചോ​​ദ്യ​​ത്തി​​ന്‌ റൈ​​റ്റ്‌ സ​​ഹോ​​ദ​​ര​​ന്മാ​​ർ എ​​ന്നെ​​ഴു​​തി​​യാ​​ൽ തെ​​റ്റാ​​കു​​ന്ന​​തും പു​​ഷ്‌​​പ​​കവി​​മാ​​നം ശ​​രി​​യാ​​കു​​ന്ന​​തും. ക​​ല്യാ​​ണം ക​​ഴി​​ച്ചാ​​ൽ കു​​ട്ടി​​ക​​ളു​​ണ്ടാ​​കാ​​ത്ത​​വ​​ർ ഐ.​​വി​​.എ​​ഫ്‌ ട്രീ​​റ്റ്‌​​മെ​​ന്റി​​ന്‌ പോ​​കാ​​റു​​ണ്ട്‌. ട്രീ​​റ്റ്‌​​മെ​​ന്റി​​ൽ ചി​​ല​​ർ​​ക്ക്‌ ഒ​​ന്നി​​ലേ​​റെ കു​​ട്ടി​​ക​​ളു​​ണ്ടാ​​കും. ഐ​​.വി​​.എ​​ഫ്‌ ട്രീ​​റ്റ്‌​​മെ​​ന്റ്‌ പ​​ണ്ടേ​​യു​​ണ്ടെ​​ന്നും അ​​ങ്ങ​​നെ​​യാ​​ണ്‌ കൗ​​ര​​വ​​ർ ഉ​​ണ്ടാ​​യ​​തെ​​ന്നും പ​​റ​​യു​​ന്നു. പ്ലാ​​സ്‌​​റ്റി​​ക്‌ സ​​ർ​​ജ​​റി മെ​​ഡി​​ക്ക​​ൽ സ​​യ​​ൻ​​സി​​ലെ പു​​തി​​യ ക​​ണ്ടു​​പി​​ടി​​ത്ത​​മാ​​ണ്‌.

പ്ലാ​​സ്‌​​റ്റി​​ക്‌ സ​​ർ​​ജ​​റി​​യും പു​​രാ​​ണ​​കാ​​ല​​ത്തേ​​യു​​ള്ള​​താ​​ണെ​​ന്നും മ​​നു​​ഷ്യ​​ന്റെ ശ​​രീ​​ര​​വും ആ​​ന​​യു​​ടെ മു​​ഖ​​വു​​മു​​ള്ള ഭ​​ഗ​​വാ​​ൻ ഗ​​ണ​​പ​​തി ഇ​​തി​​ന്റെ ഉ​​ദാ​​ഹ​​ര​​ണ​​മാ​​ണെ​​ന്നും പ​​റ​​യു​​ന്നു.’’ ഈ ​ഭാ​ഗ​മാ​ണ് സം​ഘ്പ​രി​വാ​റി​നെ ചൊ​ടി​പ്പി​ച്ച​ത്. ‘സ്പീ​ക്ക​ർ ഞ​ങ്ങ​ളു​ടെ മ​ത​ത്തെ​യും ദൈ​വ​ങ്ങ​ളെ​യും പ​രി​ഹ​സി​ച്ചു​വെ’​ന്നാ​ണ് കൊ​ല​വി​ളി​യു​ടെ ആ​കെ​ത്തു​ക.

ന​മ്മു​ടെ നാ​ട്ടി​ൽ ഇ​തി​നു​മു​മ്പും പ​ല​രും പ​ല​വ​ട്ടം ഉ​ന്ന​യി​ച്ചി​ട്ടു​ള്ള വി​മ​ർ​ശ​നംകൂ​ടി​യാ​ണി​ത്. കേ​ന്ദ്ര​ത്തി​ൽ മോ​ദി വ​ന്ന​തോ​ടെ പു​രാ​ണ​ങ്ങ​ളെ​യും ഇ​തി​വൃ​ത്ത​ങ്ങ​ളെ​യും അ​ടി​സ്ഥാ​ന​മാ​ക്കി​യു​ള്ള പു​തി​യ ‘​ശാ​സ്ത്രപ​ദ്ധ​തി’​ക​ൾ​ക്ക് വേ​ഗം കൂ​ടി​യ​തോ​ടെ ഈ ​വി​മ​ർ​ശ​ന​വും അ​ൽ​പം ക​ട്ടി​യാ​യി​ട്ടു​ണ്ട്. 2015 മു​ത​ൽ ഇ​ന്ത്യ​ൻ ശാ​സ്ത്ര കോ​ൺ​ഗ്ര​സി​ൽ ഈ ‘​ശാ​സ്ത്ര’​ത്തി​ന് പ്ര​ത്യേ​കം സെ​ഷ​ൻത​ന്നെ അ​നു​വ​ദി​ക്കാ​റു​മു​ണ്ട്. 2015ലെ ​ശാ​സ്ത്ര​ കോ​ൺ​ഗ്ര​സി​ൽ ക്യാ​പ്റ്റ​ൻ ആ​ന​ന്ദ് ജെ. ​ബോ​ധാ​സ് എ​ന്ന ഹി​ന്ദു​ത്വ​വാ​ദി​യാ​ണ് പു​രാ​ണ വി​മാ​ന സാ​​ങ്കേ​തി​കവി​ദ്യ​​യെ​ക്കു​റി​ച്ച് പ്ര​ബ​ന്ധ​മ​വ​ത​രി​പ്പി​ച്ച​ത്.

അ​തി​ന് ഏ​താ​നും ദി​വ​സ​ങ്ങ​ൾ​ക്കു​മു​മ്പ് സാ​ക്ഷാ​ൽ മോ​ദി​ത​ന്നെ ‘പൗ​രാ​ണി​ക പ്ലാ​സ്റ്റി​ക് സ​ർ​ജ​റി’​യെ​ക്കു​റി​ച്ചും വാ​ചാ​ല​നാ​യി. വൈ​​​ക്കോ​​​ലി​​​ൽനി​​​ന്നും സ്വ​​​ർ​​​ണം, മു​​​ടി​​​നാ​​​രി​​​നെ​​​പ്പോ​​​ലും പി​​​ള​​​ർ​​​ത്താ​​​ൻ ക​​​ഴി​​​യു​​​ന്ന ശ​​​സ്​​​​ത്ര​​​ക്രി​​​യ ഉ​​​പ​​​ക​​​ര​​​ണ​​​ങ്ങ​​​ൾ, പ​​​തി​​​നാ​​​യി​​​രം വ​​​ർ​​​ഷ​​​ങ്ങ​​​ൾ​​​ക്കുമു​​​മ്പ് ഗ്ര​​​ഹാ​​​ന്ത​​​രയാ​​​ത്ര ന​​​ട​​​ത്തി​​​യ​​​തിന്റെ ച​​​രി​​​ത്രം, റ​​​ഡാ​​​ർ സാ​​​ങ്കേ​​​തി​​​കവി​​​ദ്യ​​​യു​​​ടെ ര​​​ഹ​​​സ്യം തു​​​ട​​​ങ്ങി ന​​​മ്മു​​​ടെ ‘ശാ​​​സ്​​​​ത്ര നേ​​​ട്ട’​​​ങ്ങ​​​ളു​​​ടെ നീ​​​ണ്ട പ​​​ട്ടി​​​ക ത​​​ന്നെ ഇ​ക്കൂ​ട്ട​ർ ഔ​ദ്യോ​ഗി​ക ശാ​സ്ത്ര​വേ​ദി​ക​ളി​ൽ ത​​​ട്ടി​​​വി​​​ട്ടി​ട്ടു​ണ്ട്. അ​മ​ർ​ത്യ​ സെ​ന്നി​നെ​പ്പോ​ലു​ള്ള​വ​ർ അ​ന്നു​ത​ന്നെ അ​തി​നെ​തി​രെ രം​ഗ​ത്തു​വ​രുക​യും ചെ​യ്തി​ട്ടു​ണ്ട്. അ​ന്നൊ​ന്നു​മി​ല്ലാ​ത്ത പ്ര​ത്യേ​ക പ്ര​തി​ഷേ​ധം ഷം​സീ​റി​ന്റെ കാ​ര്യ​ത്തി​ൽ മാ​ത്ര​മാ​യി എ​ന്തു​കൊ​ണ്ടാ​യി​രി​ക്കും?

ഈ ​ചോ​ദ്യ​ത്തി​ന് മ​റു​പ​ടി പ​റ​ഞ്ഞ​ത് സ​ഖാ​വ് ഇ.​പി​യാ​ണ്. പാ​ർ​ട്ടി​യു​മാ​യും സ​ർ​ക്കാ​റു​മാ​യും ടി​യാ​ൻ ഇ​ട​ഞ്ഞു​നി​ൽ​ക്കു​ക​യാ​ണെ​ങ്കി​ലം സ​ന്ദി​ഗ്ധ​ഘ​ട്ട​ത്തി​ൽ സംസാരിക്കാൻ സ​ഖാ​വ് ധൈ​ര്യം കാ​ണി​ച്ചു. ഷം​സീ​ർ മു​സ്‍ലി​മാ​യ​തു​കൊ​ണ്ടാ​ണ് ഈ ​പു​കി​ലെ​ന്ന ഇ.​പി​യു​ടെ നി​രീ​ക്ഷ​ണ​ത്തി​ൽ ശ​രി​യു​ണ്ട്. അ​ത​ല്ലെ​ങ്കി​ൽ, ഷം​സീ​റി​ന്റെ ‘സു​ന്ന​ത്ത്’ വ​രെ ഇ​ക്കാ​ര്യ​ത്തി​ൽ യു​വ​മോ​ർ​ച്ച​ക്കാ​ർ എ​ടു​ത്തി​ടു​മാ​യി​രു​ന്നോ? പ്ര​സം​ഗ​ങ്ങ​ൾ വി​വാ​ദ​മാ​കു​​ന്ന​ത് ഷം​സീ​റി​ന് പു​തി​യകാ​ര്യ​മ​ല്ല.

നി​യ​മ​സ​ഭ​ക്ക​ക​ത്തും പു​റ​ത്തും പ​ല​വ​ട്ടം അ​ത് സം​ഭ​വി​ച്ചി​ട്ടു​ണ്ട്. സ്പീ​ക്ക​റാ​യി​രി​ക്കെ, ഷാ​ഫി പ​റ​മ്പി​ൽ അ​ധി​കപ്ര​സം​ഗം ന​ട​ത്തി​യ​പ്പോ​ൾ ‘അ​ടു​ത്ത തെ​ര​ഞ്ഞെ​ടു​പ്പി​ൽ തോ​ൽ​ക്കു’​മെ​ന്ന് ശ​പി​ച്ച​ത് സ്വ​ന്തം റൂ​ളി​ങ്ങി​ലൂ​ടെ തി​രു​ത്തി​യ ക​ക്ഷി​യാ​ണ് ഷം​സീ​ർ. ചാ​ന​ൽ ച​ർ​ച്ച​ക​ളി​ലും മ​റ്റും ന​ട​ത്തി​യ സം​സാ​ര​ങ്ങ​ൾ പ​ല​കു​റി ട്രോ​ള​ന്മാ​ർ​ക്ക് ചാക​ര​യാ​യി. പ​ക്ഷേ, ഇ​ക്കു​റി ന​ട​ത്തി​യ​ത് അ​തി​ൽ​നി​ന്നെ​ല്ലാം വേ​റി​ട്ട ഒ​ന്നാ​യി​രു​ന്നു. അ​തു​കൊ​ണ്ടു​ത​ന്നെ, ശാ​സ്ത്ര​പ്ര​ഭാ​ഷ​ണ​ത്തി​ന്റെ കാ​ര്യ​ത്തി​ൽ ഒ​രു തി​രു​ത്തു​ണ്ടാ​വി​ല്ലെ​ന്ന് പ്ര​തീ​ക്ഷി​ക്കാം. സാ​ഹ​ച​ര്യ​ങ്ങ​ളാ​ണ​ല്ലോ, പ​ല​പ്പോ​ഴും പാ​ർ​ട്ടിന​യ​ങ്ങ​ളു​ടെ അ​ടി​സ്ഥാ​നം. പു​തി​യ സാ​ഹ​ച​ര്യ​ത്തി​ൽ, വി​ശേ​ഷി​ച്ചും പാ​ർ​ട്ടി​യി​ൽ​നി​ന്നും സ​ർ​ക്കാ​റി​ൽ​നി​ന്നും പ​ര​സ്യ​മാ​യ പി​ന്തു​ണ ഇ​നി​യും കി​ട്ടി​യി​ട്ടില്ലാ​ത്ത സ്ഥി​തി​ക്ക് മ​റി​ച്ചൊ​രു ന​യ​സ​മീ​പ​ന​മു​ണ്ടാ​കു​മോ എ​ന്നും ക​ണ്ട​റി​യ​ണം.

1977 മേ​യ് 24ന്, ​ത​ല​ശ്ശേ​രി​യി​ൽ ജ​ന​നം. കോ​​​ടി​​​യേ​​​രി പാ​​​റാ​​​ൽ ‘ആ​​​മി​​​നാ​​​സി’​​​ൽ റി​​​ട്ട. മ​​​ർ​​​ച്ച​​​ന്‍റ്​ നേ​​​വി ഉ​​​ദ്യോ​​​ഗ​​​സ്ഥ​​​ൻ പ​​​രേ​​​ത​​​നാ​​​യ കോ​​​മ​​​ത്ത് ഉ​​​സ്മാ​​​ന്റെ​​​യും എ.​​​എ​​​ൻ. സ​​​റീ​​​ന​​​യു​​​ടെ​​​യും മൂ​​​ന്നു​ മ​​​ക്ക​​​ളി​​​ൽ ര​​​ണ്ടാ​​​മ​​​ൻ. ക​ണ്ണൂ​ർ സ​ർ​വ​ക​ലാ​ശാ​ല​ വിദ്യാർഥി യൂനിയന്റെ പ്ര​ഥ​മ ചെ​യ​ർ​മാ​നാ​യ​തോ​ടെ​യാ​ണ് സം​സ്ഥാ​നരാ​ഷ്ട്രീ​യ​ത്തി​ൽ ശ്ര​ദ്ധി​ക്ക​പ്പെ​ട്ടുതു​ട​ങ്ങി​യ​ത്. ഡി.​വൈ.​എ​ഫ്.​ഐ​യു​ടെ സം​സ്ഥാ​ന പ്ര​സി​ഡ​ന്റാ​യി​രുന്നു. നിയമത്തിൽ ബിരുദാനന്തര ബിരുദമുണ്ട്.

2014ൽ, ​വ​ട​ക​ര​യി​ൽ​നി​ന്ന് ലോ​ക്സ​ഭ​യി​ലേ​ക്ക് മ​ത്സ​രി​ച്ചാ​ണ് പാ​ർ​ല​മെ​ന്റ​റി രാ​ഷ്ട്രീ​യ​ത്തി​ന് തു​ട​ക്കംകു​റി​ച്ച​ത്. അ​ക്കു​റി മു​ല്ല​പ്പ​ള്ളി​യോ​ട് മൂ​വാ​യി​രം വോ​ട്ടി​ന് തോ​റ്റു. ര​ണ്ട് വ​ർ​ഷം ക​ഴി​ഞ്ഞ് നി​യ​മ​സ​ഭ തെ​ര​ഞ്ഞെ​ടു​പ്പ് വ​ന്ന​പ്പോ​ൾ കോ​ടി​യേ​രി​യു​ടെ പി​ൻ​ഗാ​മി​യാ​യി ത​ല​​ശ്ശേ​രി​യി​ൽ​നി​ന്ന് തെ​ര​ഞ്ഞെ​ടു​ക്ക​പ്പെ​ട്ടു. സ​ഭ​യി​ൽ ​ഭ​ര​ണ​പ​ക്ഷ​ത്തി​ന്റെ പ്ര​തി​രോ​ധനി​ര​യി​ലെ മി​ന്നുംതാ​ര​മാ​യി ഉ​യ​ർ​ന്ന​ത് അ​തി​​നു​ശേ​ഷ​മാ​ണ്. 2021ൽ ​ര​ണ്ടാ​മൂ​ഴം ല​ഭി​ച്ച​പ്പോ​ൾ എ​ല്ലാ​വ​രും മ​ന്ത്രി​സ്ഥാ​നം പ്ര​തീ​ക്ഷി​ച്ചു. പ​ക്ഷേ, സ​ഭ​യി​ൽ പ്ര​തി​രോ​ധം തീ​ർ​ക്കാ​നാ​യി​രു​ന്നു നി​യോ​ഗം. പി​ന്നീ​ട്, ഗോ​വി​ന്ദ​ൻ മാ​സ്റ്റ​ർ മ​ന്ത്രിപ​ദ​വി​യൊ​ഴി​ഞ്ഞ് സെ​ക്ര​ട്ട​റി​യാ​യ​പ്പോ​ഴാ​ണ് സ​ഭാ​നാ​ഥ​നാ​യി സ്ഥാ​ന​ക്ക​യ​റ്റം കി​ട്ടി​യ​ത്. ഡോ.​ പി.​എം. സ​ഹ​ല​യാ​ണ് ഭാ​ര്യ. ഏ​ക​മ​ക​ൻ: ഇ​സാ​ൻ.