ശബ്ദാതിവേഗ ബ്രഹ്മോസ് ക്രൂസ് മിസൈൽ പരീക്ഷിച്ചു

ന്യൂ​ഡ​ൽ​ഹി: ഇ​ന്ത്യ​ൻ നാ​വി​​ക​സേ​ന​യു​ടെ ശ​ക്തി​വി​ളി​ച്ചോ​തി, ബ്ര​ഹ്മോ​സ് ശ​ബ്ദാ​തി​വേ​ഗ ക്രൂ​സ് മി​സൈ​ൽ വി​ജ​യ​ക​ര​മാ​യി പ​രീ​ക്ഷി​ച്ചു. നാ​വി​ക​സേ​ന​യു​ടെ മി​സൈ​ൽ പ്ര​തി​രോ​ധ​ക​പ്പ​ലാ​യ ഐ.​എ​ൻ.​എ​സ് മ​ർ​മ​ഗോ​വ​യി​ൽ​നി​ന്ന് തൊ​ടു​ത്ത ബ്ര​ഹ്മോ​സ് മി​സൈ​ലി​ന്റെ പ​രീ​ക്ഷ​ണം വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​താ​യി സേ​നാ​വൃ​ത്ത​ങ്ങ​ൾ അ​റി​യി​ച്ചു.

ഇ​ന്ത്യ​ൻ നാ​വി​ക​സേ​ന​യു​ടെ ക​ട​ലി​ലെ ശ​ക്തി തെ​ളി​യി​ക്കു​ന്ന​താ​യി​രു​ന്നു പ​രീ​ക്ഷ​ണ​മെ​ന്നും ത​ദ്ദേ​ശീ​യ സാ​​ങ്കേ​തി​ക​വി​ദ്യ​യി​ൽ നി​ർ​മി​ച്ച ഇ​വ ആ​ത്മ​നി​ർ​ഭ​ര​ത​യു​ടെ പ്ര​തീ​ക​മാ​ണെ​ന്നും അ​ധി​കൃ​ത​ർ കൂ​ട്ടി​ച്ചേ​ർ​ത്തു. എ​വി​ടെ​യാ​ണ് പ​രീ​ക്ഷ​ണം ന​ട​ത്തി​യ​തെ​ന്ന് വ്യ​ക്ത​മാ​ക്കി​യി​ട്ടി​ല്ല.

ഇ​ന്ത്യ-​റ​ഷ്യ സം​യു​ക്ത സം​രം​ഭ​മാ​യ ബ്ര​ഹ്മോ​സ് ഏ​റോ​സ്​​പേ​സ് ലി​മി​റ്റ​ഡ് നി​ർ​മി​ക്കു​ന്ന ശ​ബ്ദാ​തി​വേ​ഗ ബ്ര​ഹ്മോ​സ് ക്രൂ​സ് മി​സൈ​ലു​ക​ൾ, മു​ങ്ങി​ക്ക​പ്പ​ലു​ക​ളി​ൽ​നി​ന്നും ക​പ്പ​ലു​ക​ളി​ൽ​നി​ന്നും വി​മാ​ന​ങ്ങ​ളി​ൽ നി​ന്നും ക​ര​യി​ൽ​നി​ന്നു​മെ​ല്ലാം തൊ​ടു​ക്കാ​വു​ന്ന​വ​യാ​ണ്. ശ​ബ്ദ​ത്തേ​ക്കാ​ൾ മൂ​ന്നു​മ​ട​ങ്ങ് വേ​ഗ​ത്തി​ൽ സ​ഞ്ച​രി​ക്കു​ന്ന ഈ ​മി​സൈ​ലു​ക​ൾ ഇ​ന്ത്യ ക​യ​റ്റു​മ​തി ചെ​യ്യാ​റു​ണ്ട്.