ത​ല​ക്കു​മീതേ ശു​ഭാ​ൻ​ഷു; വിണ്ണിലെ താരത്തെ ഇന്ന് മണ്ണിൽനിന്ന് കാണാം

കോ​ഴി​ക്കോ​ട്: അ​ടു​ത്തി​ടെ ആ​കാ​ശ​ത്തി​ലെ താ​ര​മാ​യി​മാ​റി​യ ഇ​ന്ത്യ​ൻ ഗ​ഗ​ന​ചാ​രി ശു​ഭാ​ൻ​ഷു ശു​ക്ല​യ​ട​ക്കം 11 പേ​രു​മാ​യി ഭൂ​മി​യെ ചു​റ്റു​ന്ന അ​ന്താ​രാ​ഷ്ട്ര ബ​ഹി​രാ​കാ​ശ​നി​ല​യ​ത്തെ (ഐ.​എ​സ്.​എ​സ്) വെ​റും ക​ണ്ണു​കൊ​ണ്ട് കാ​ണാ​ൻ സു​വ​ർ​ണാ​വ​സ​രം. വാ​ന​കു​തു​കി​ക​ളെ​ല്ലാം ത​യാ​റെ​ടു​ത്തു​ക​ഴി​ഞ്ഞ അ​പൂ​ർ​വ കാ​ഴ്ച​യി​ൽ പ​ങ്കാ​ളി​ക​ളാ​കാ​ൻ മ​ല​യാ​ളി​ക​ളും ഒ​രു​ങ്ങി. ഒ​രു ദി​വ​സം പ​ല​ത​വ​ണ ഭൂ​മി​യെ ചു​റ്റു​മെ​ങ്കി​ലും ഈ ​നി​ല​യം ഒ​രു നി​ശ്ചി​ത​സ്ഥ​ല​ത്തു​നി​ന്ന് വ്യ​ക്ത​മാ​യി കാ​ണാ​നു​ള്ള അ​വ​സ​രം അ​പൂ​ർ​വ​മാ​യേ ഒ​ത്തു​വ​രാ​റു​ള്ളൂ.

മാ​ത്ര​വു​മ​ല്ല, ഒ​രു ഇ​ന്ത്യ​ക്കാ​ര​നു​മാ​യി ത​ല​ക്കു മു​ക​ളി​ലൂ​ടെ പ​റ​ക്കു​ന്ന പേ​ട​ക​ത്തെ കാ​ണു​ക എ​ന്ന അ​പൂ​ർ​വാ​വ​സ​ര​ത്തി​നും സാ​ക്ഷ്യം വ​ഹി​ക്കാ​നാ​കും. ജൂ​ലൈ ആ​റു മു​ത​ൽ 10 വ​രെ ഇ​തി​ന് ഏ​റ്റ​വും ന​ല്ല സ​മ​യ​മാ​ണ്. ജൂ​ലൈ ആ​റി​ന് രാ​ത്രി 7.56ഓ​ടെ തെ​ക്കു​പ​ടി​ഞ്ഞാ​റ​ൻ മാ​ന​ത്ത് പ്ര​ത്യ​ക്ഷ​പ്പെ​ടു​ന്ന ഐ.​എ​സ്.​എ​സ് ഏ​താ​ണ്ട് 7.59ഓ​ടെ ത​ല​ക്കു മു​ക​ളി​ലൂ​ടെ പ​റ​ക്കും. 8.03 ആ​വു​മ്പോ​ഴേ​ക്കും വ​ട​ക്കു​കി​ഴ​ക്ക​ൻ മാ​ന​ത്ത് അ​പ്ര​ത്യ​ക്ഷ​മാ​വും. മ​ഴ​ക്കാ​റി​ല്ലാ​ത്ത ആ​കാ​ശ​മാ​ണെ​ങ്കി​ൽ ഏ​താ​ണ്ട് 6.30 മി​നി​റ്റ് പൊ​ൻ താ​ര​ക​മാ​യി ഈ ​നി​ല​യം സ​ഞ്ച​രി​ക്കു​ന്ന​ത് കാ​ണാം. തു​ട​ർ​ന്ന് ജൂ​ലൈ ഏ​ഴി​ന് രാ​ത്രി 7.10ഓ​ടെ തെ​ക്കു- കി​ഴ​ക്ക​ൻ മാ​ന​ത്ത് ഐ.​എ​സ്.​എ​സി​നെ കാ​ണാ​മെ​ങ്കി​ലും അ​ത്ര മെ​ച്ച​പ്പെ​ട്ട കാ​ഴ്ച​യാ​കി​ല്ലെ​ന്നാ​ണ് അ​മ​ച്വ​ർ വാ​ന​നി​രീ​ക്ഷ​ക​നും അ​സ്ട്രോ കോ​ള​മി​സ്റ്റു​മാ​യ സു​രേ​ന്ദ്ര​ൻ പു​ന്ന​ശ്ശേ​രി പ​റ​യു​ന്ന​ത്.

എ​ന്നാ​ൽ, ജൂ​ലൈ ഒ​മ്പ​തി​ന് പു​ല​ർ​കാ​ല​ത്ത് 5.50ഓ​ടെ വ​ട​ക്കു​പ​ടി​ഞ്ഞാ​റ​ൻ മാ​ന​ത്ത് പ്ര​ത്യ​ക്ഷ​പ്പെ​ടു​ന്ന ഐ.​എ​സ്.​എ​സ് 5.53ഓ​ടെ ത​ല​ക്കു മു​ക​ളി​ലൂ​ടെ പ​റ​ന്ന് 5.57ന് ​തെ​ക്കു​കി​ഴ​ക്ക​ൽ മാ​ന​ത്ത് അ​പ്ര​ത്യ​ക്ഷ​മാ​കു​മ്പോ​ൾ അ​ത് ഏ​റെ തി​ള​ക്ക​ത്തി​ലു​ള്ള കാ​ഴ്ച​യു​മാ​കും. ഏ​താ​ണ്ട് കാ​ൽ നൂ​റ്റാ​ണ്ടി​ല​ധി​ക​മാ​യി ബ​ഹി​രാ​കാ​ശ​ത്ത് ഭൂ​മി​യെ​ച്ചു​റ്റു​ന്ന ഐ.​എ​സ്.​എ​സി​ന് ഏ​താ​ണ്ട് ഒ​രു ഫു​ട്ബാ​ൾ സ്റ്റേ​ഡി​യ​ത്തി​ന്റെ അ​ത്ര​യും വ​ലു​പ്പ​മു​ണ്ട്.

അ​മേ​രി​ക്ക, റ​ഷ്യ, ജ​പ്പാ​ൻ തു​ട​ങ്ങി 15ഓ​ളം രാ​ജ്യ​ങ്ങ​ളു​ടെ ഒ​രു സം​യു​ക്ത സം​രം​ഭ​മാ​ണി​ത്. മ​ണി​ക്കൂ​റി​ൽ 27,500ഓ​ളം കി.​മീ വേ​ഗ​ത്തി​ൽ സ​ഞ്ച​രി​ക്കു​ന്ന ഈ ​ആ​കാ​ശ​ക്കൊ​ട്ടാ​രം ഭൂ​മി​യി​ൽ​നി​ന്ന് ഏ​താ​ണ്ട് 400 കി.​മീ ഉ​യ​ര​ത്തി​ലാ​ണ്. സാ​ധാ​ര​ണ​യാ​യി സ​ന്ധ്യ​ക്കും പു​ല​ർ​കാ​ല​ത്തു​മാ​ണ് ഐ.​എ​സ്.​എ​സി​നെ കാ​ണാ​ൻ ക​ഴി​യാ​റെ​ന്നും സൂ​ര്യ​ര​ശ്മി ത​ട്ടി പ്ര​തി​ഫ​ലി​ച്ചാ​ണ് കാ​ഴ്ച സാ​ധ്യ​മാ​കു​ന്ന​തെ​ന്നും സു​രേ​ന്ദ്ര​ൻ പു​ന്ന​ശ്ശേ​രി പ​റ​ഞ്ഞു.