'വാരിക്കുഴിയിലെ കൊലപാതകം'; ഇംഗ്ലണ്ടിനെ കറക്കി വീഴ്​ത്തി ഇന്ത്യ

ചെന്നൈ: മുഈൻ അലിയുടെ പന്തിൽ കുറ്റിതെറിച്ചപ്പോൾ ഇന്ത്യൻ നായകൻ വിരാട്​ കോഹ്​ലിയേക്കാൾ ഞെട്ടിയത്​ ഇംഗ്ലണ്ട്​ താരങ്ങളായിരുന്നു എന്നാണ്​ സമൂഹമാധ്യമങ്ങളിൽ പറന്നുനടന്ന ഒരു കമൻറ്​. ഇന്ത്യയൊരുക്കിയ ഈ സ്​പിൻ വാരിക്കുഴിയിൽ തങ്ങളെങ്ങനെ പിടിച്ചുനിൽക്കും എന്നതായിരുന്നു ഇംഗ്ലണ്ടിനെ ആശങ്കപ്പെടുത്തിയത്​. ഇംഗ്ലണ്ട്​ ഭയന്നത്​​ തന്നെ സംഭവിച്ചു. വെറും 134 റൺസിന് മുഴുവൻ ഇംഗ്ലീഷ്​ ബാറ്റ്​സ്​മാൻമാരും കൂടാരം കയറി. രണ്ടാം ഇന്നിങ്​സിൽ ബാറ്റിങ്ങിനിറങ്ങിയ ഇന്ത്യ ശുഭ്​മാൻ ഗില്ലിന്‍റെ വിക്കറ്റ്​ നഷ്​ടപ്പെടുത്തി ഒരുവിക്കറ്റിന്​ 54 എന്ന നിലയിലാണ്​. 249 റൺസിന്‍റെ ലീഡ്​ നിലവിൽ ഇന്ത്യക്കുണ്ട്​.

അഞ്ച്​ വിക്കറ്റുമായി നിറഞ്ഞാടിയ രവിചന്ദ്രൻ അശ്വിനാണ്​ ഇംഗ്ലണ്ടിനെ സ്​പിൻ വാരിക്കുഴിൽ വീഴ്​ത്തുന്നതിൽ മുൻകൈയ്യെടുത്തത്​. അക്​സർ പ​േട്ടൽ രണ്ട്​ വിക്കറ്റെടുത്തപ്പോൾ കുൽദീപ്​ യാദവിന്​ വിക്കറ്റൊന്നും ലഭിച്ചില്ല. മുഹമ്മദ്​ സിറാജും ഇശാന്ത്​ ശർമയും ഓരോ വിക്കറ്റ്​ വീതം വീഴ്​ത്തി. കൃത്യമായ ഇടവേളകളിൽ ബൗളിങ്​ ചേഞ്ചുകൾ കൊണ്ടുവന്ന വിരാട്​ കോഹ്​ലിയുടെ തീരുമാനങ്ങളെല്ലാം ശരിയായി. 42 റൺസെടുത്ത്​ പുറത്താകാതെ നിന്ന ബെൻഫോക്​സ്​ മാത്രമാണ്​ ഇംഗ്ലീഷ്​ നിരയിൽ പിടിച്ചുനിന്നത്​. ഉജ്ജ്വല ഫോമിലുള്ള ഇംഗ്ലീഷ്​ നായകൻ ജോറൂട്ട്​ ആറ്​ റൺസെടുത്ത്​ പുറത്തായി. 59.5 ഓവർ മാത്രമാണ്​ ഇംഗ്ലണ്ട്​ ആകെ ബാറ്റ്​ ചെയ്​തത്​.

മൂന്നാംദിനം പരമാവധി ലീഡുയർത്തി സമ്മർദ്ദത്തിലാക്കിയ ശേഷം ഇംഗ്ലണ്ടിനെ ബാറ്റിങ്ങിനയക്കാനാകും ഇന്ത്യൻ ശ്രമം. ആറിന്​ 300 റൺസ്​ എന്നനിലയിൽ രണ്ടാം ദിനം ബാറ്റിങ്​ തുടങ്ങിയ ഇന്ത്യ 329 റൺസിന്​ പുറത്തായിരുന്നു. വാലറ്റക്കാർ അ​േമ്പ പരാജയമായ​താണ്​ ഇന്ത്യക്ക്​ തിരിച്ചടിയായത്​. 58റൺസുമായി ഋഷഭ്​ പന്ത്​ ഒരറ്റത്ത്​ പുറത്താകാതെ നിന്നു. ഇംഗ്ലണ്ടിനായി മുഈൻ അലി നാലും ഒലി സ്​റ്റോൺ മൂന്നും വിക്കറ്റുകൾ വീഴ്​ത്തി.