നീന്തലിൽ ഇന്ത്യ വലിയ സ്വപ്നങ്ങൾ കാണണം -ശ്രീഹരി നടരാജ്

ഹ​ൽ​ദ്വാ​നി: രാ​ജ്യ​ത്ത് പ്ര​തി​ഭാ​സ​മ്പ​ന്ന​രാ​യ ഒ​ട്ടേ​റെ​പേ​ർ അ​ക്വാ​ട്ടി​ക്സി​ലേ​ക്ക് വ​രു​ന്നു​ണ്ടെ​ന്നും ഇ​വ​ർ വ​ഴി ഇ​ന്ത്യ​ക്കും വ​ലി​യ സ്വ​പ്നം കാ​ണാ​മെ​ന്നും അ​ന്ത​ർ ദേ​ശീ​യ നീ​ന്ത​ൽ താ​രം ശ്രീ​ഹ​രി ന​ട​രാ​ജ്.

മി​ക​വു​റ്റ പ​രി​ശീ​ല​ക​രും​അ​ത്യാ​ധു​നി​ക പ​രി​ശീ​ല​ന സം​വി​ധാ​ന​ങ്ങ​ളും കൂ​ടു​ത​ൽ വേ​ണം.

അ​ത് വ​ള​ർ​ന്നു​വ​രു​ന്ന താ​ര​ങ്ങ​ൾ​ക്ക് പ്രോ​ത്സാ​ഹ​ന​വും പ്ര​ചോ​ദ​ന​വും പി​ന്തു​ണ​യും ന​ൽ​കു​മെ​ന്ന് ദേ​ശീ​യ ഗെ​യിം​സി​ൽ ക​ർ​ണാ​ട​ക​യെ പ്ര​തി​നി​ധീ​ക​രി​ച്ചെ​ത്തി​യ ശ്രീ​ഹ​രി 'മാ​ധ്യ​മ'​ത്തോ​ട് പ​റ​ഞ്ഞു.

പാ​രി​സ് ഒ​ളി​മ്പി​ക്സി​ലെ താ​ങ്ക​ളു​ടെ പ്ര​ക​ട​ന​ത്തെ​പ്പ​റ്റി

•ഒ​ളി​മ്പി​ക് വേ​ദി എ​നി​ക്ക് അ​പ​രി​ചി​ത​മ​ല്ല. കൂ​ടെ നീ​ന്തി​യ​വ​രെ​യും അ​റി​യാം. ഞാ​ൻ ന​ന്നാ​യി പ​രി​ശീ​ലി​ച്ചു. ഒ​ളി​മ്പി​ക്‌​സി​ൽ കു​റ​ച്ചെ​ങ്കി​ലും മു​ന്നേ​റാ​മെ​ന്ന് പ്ര​തീ​ക്ഷി​ച്ചി​രു​ന്നു.

പ​ക്ഷേ പ്ര​ക​ട​ന​ങ്ങ​ൾ അ​ത്ര ന​ല്ല​താ​യി​ല്ല. എ​ന്ത് സം​ഭ​വി​ച്ചു​വെ​ന്ന് എ​നി​ക്ക​റി​യി​ല്ല. എ​പ്പോ​ഴും ഫ​ലം ന​ല്ല​താ​വാ​നാ​ണ് ന​മ്മ​ൾ ആ​ഗ്ര​ഹി​ക്കു​ക​യും ശ്ര​മി​ക്കു​ക​യും ചെ​യ്യു​ക.

ന​ന്നാ​യി നീ​ന്തു​ന്നു​വെ​ന്നാ​ണ് ഞാ​ൻ ക​രു​തു​ന്ന​ത്. പ​ക്ഷെ, ഫ​ലം ചി​ല​പ്പോ​ൾ മോ​ശ​മാ​വു​ന്നു.

സ​മീ​പ​ഭാ​വി​യി​ൽ ഇ​ന്ത്യ​ക്ക് ഒ​ളി​മ്പി​ക് മെ​ഡ​ൽ പ്ര​തീ​ക്ഷി​ക്കാ​മോ

•കാ​ത്തി​രു​ന്ന് കാ​ണു​ക എ​ന്നേ ഒ​റ്റ​യ​ടി​ക്ക് പ​റ​യാ​ൻ ക​ഴി​യൂ. ഞാ​ൻ കു​റ​ച്ച് വ​ർ​ഷ​ങ്ങ​ളാ​യി സ​ർ​ക്യൂ​ട്ടി​ലു​ണ്ട്. ഒ​രു​പാ​ട് നീ​ന്ത​ലു​കാ​ർ വ​ന്ന് പോ​കു​ന്ന​ത് ഞാ​ൻ ക​ണ്ടി​ട്ടു​ണ്ട്.

ക​ഴി​ഞ്ഞ കു​റ​ച്ച് വ​ർ​ഷ​ങ്ങ​ളാ​യി പി​ന്തു​ണ​യി​ൽ വ​ർ​ധ​ന​വു​ണ്ടാ​യി​ട്ടു​ണ്ട്. എ​ക്സ്പോ​ഷ​റും കൂ​ടി. ടൂ​ർ​ണ​മെ​ൻ്റു​ക​ൾ ധാ​രാ​ളം ന​ട​ക്കു​ന്നു. മി​ക​ച്ച അ​ക്കാ​ദ​മി​യി​ലാ​ണ് പ​രി​ശീ​ലി​ക്കു​ന്ന​തെ​ന്ന ഗു​ണം എ​നി​ക്കു​ണ്ട്. പ​രി​ശീ​ല​ക​രു​ടെ കു​റ​വ് വ​ലി​യ പ്ര​ശ്ന​മാ​ണ്. ഉ​ള്ള​വ​രി​ൽ പ​ല​ർ​ക്കും വേ​ണ്ട​രീ​തി​യി​ൽ കൈ​കാ​ര്യം ചെ​യ്യാ​നു​മാ​വു​ന്നി​ല്ല.

എ​ല്ലാ മ​ത്സ​ര​ങ്ങ​ളി​ലും ദേ​ശീ​യ റെ​ക്കോ​ഡും മി​ക​ച്ച സ​മ​യ​വും പ്ര​തീ​ക്ഷി​ക്ക​രു​ത്. അ​ത്യാ​ധു​നി​ക പ​രി​ശീ​ല​ന സം​വി​ധാ​ന​ങ്ങ​ൾ ഒ​രു​ക്കി ആ​വ​ശ്യ​മാ​യ പ​രി​ശീ​ല​ക​രെ​യും നി​യ​മി​ച്ചാ​ൽ അ​ന്താ​രാ​ഷ്ട്ര ത​ല​ത്തി​ൽ വ​ലി​യ സ്വ​പ്ന​ങ്ങ​ൾ കാ​ണാം.

ഈ ​ദേ​ശീ​യ ഗെ​യിം​സി​ൽ താ​ങ്ക​ളു​ടെ നേ​ട്ട​ങ്ങ​ളെ​ക്കു​റി​ച്ച്

•ഇ​ത് എ​ന്റെ മൂ​ന്നാ​മ​ത്തെ ദേ​ശീ‍യ ഗെ​യിം​സാ​ണ്. 2022ൽ ​ഗു​ജ​റാ​ത്തി​ലും 2023ൽ ​ഗോ​വ​യി​ലു​മാ​യി 19 മെ​ഡ​ലു​ക​ൾ ല​ഭി​ച്ചു. ഇ​വി​ടെ ഇ​തു​വ​രെ മൂ​ന്ന് ഇ​ന​ങ്ങ​ളി​ൽ സ്വ​ർ​ണം നേ​ടി.

അ​ഞ്ചി​ല​ധി​കം മ​ത്സ​ര​ങ്ങ​ൾ ബാ​ക്കി​യു​ണ്ട്. എ​ല്ലാ​ത്തി​ലും മി​ക​ച്ച പ്ര​ക​ട​ന​ത്തി​ന് ശ്ര​മി​ക്കും. ഉ​ത്ത​രാ​ഖ​ണ്ഡി​ലെ കാ​ലാ​വ​സ്ഥ​യു​മാ​യി പൊ​രു​ത്ത​പ്പെ​ടാ​ൻ ക​ഴി​ഞ്ഞ​ത് ഗു​ണം ചെ​യ്തു.