ജയിക്കാനെന്ത് വിദ്യ

ല​ണ്ട​ൻ: ക്രി​ക്ക​റ്റി​ലെ മൂ​ന്ന് ഫോ​ർ​മാ​റ്റി​ലും ലോ​ക​കി​രീ​ട​മെ​ന്ന അ​പൂ​ർ​വ​നേ​ട്ട​ത്തി​നു​ള്ള പോ​രാ​ട്ടം കൂ​ടി​യാ​യി​രു​ന്നു ക​ഴി​ഞ്ഞ ദി​വ​സം ഓ​വ​ലി​ൽ സ​മാ​പി​ച്ച ലോ​ക ടെ​സ്റ്റ് ചാ​മ്പ്യ​ൻ​ഷി​പ് ഫൈ​ന​ൽ. ഏ​ക​ദി​ന, ട്വ​ന്റി20 ലോ​ക​ക​പ്പു​ക​ൾ കൈ​ക്ക​ലാ​ക്കി​യ ഇ​ന്ത്യ​ക്കും ആ​സ്ട്രേ​ലി​യ​ക്കും ഒ​രേ​പോ​ലെ ല​ഭി​ച്ച അ​വ​സ​രം.

ഒ​ന്നു പൊ​രു​താ​ൻ​പോ​ലും നി​ൽ​ക്കാ​തെ രോ​ഹി​ത് ശ​ർ​മ​യും കൂ​ട്ട​രും ബാ​റ്റ് വെ​ച്ച് കീ​ഴ​ട​ങ്ങു​ന്ന​താ​ണ് ക​ണ്ട​ത്. ഇ​തോ​ടെ ആ ​നേ​ട്ടം ഓ​സീ​സി​ന് സ്വ​ന്ത​മാ​യി. ഇ​ന്ത്യ​യെ സം​ബ​ന്ധി​ച്ച് തു​ട​ർ​ച്ച​യാ​യ ര​ണ്ടാം ഫൈ​ന​ൽ തോ​ൽ​വി. ര​ണ്ടാം ലോ​ക ചാ​മ്പ്യ​ൻ​ഷി​പ്പി​ലും സു​ദീ​ർ​ഘ യാ​ത്ര ക​ഴി​ഞ്ഞ് ടീം ​കി​രീ​ട​പ്പ​ടി​ക്ക​ൽ ക​ല​മു​ട​ച്ചു.

വി​ദേ​ശ പി​ച്ചു​ക​ൾ ഇ​നി​യും പേ​ടി​സ്വ​പ്നം

മൂ​ന്നു​മാ​സം മു​മ്പ് ഇ​തേ ആ​സ്ട്രേ​ലി​യ​യെ 2-1ന് ​തോ​ല്പി​ച്ചാ​ണ് ഇ​ന്ത്യ ബോ​ർ​ഡ​ർ ഗ​വാ​സ്ക​ർ ട്രോ​ഫി നി​ല​നി​ർ​ത്തി​യ​ത്. അ​ത് പ​ക്ഷേ, സ്വ​ന്തം മ​ണ്ണി​ലാ​യി​രു​ന്നു. സ്പി​ന്ന​ർ​മാ​രെ തു​ണ​ക്കു​ന്ന പി​ച്ചി​ൽ എ​തി​രാ​ളി​ക​ളെ വ​രി​ഞ്ഞു​മു​റു​ക്കി ആ​ദ്യ ര​ണ്ടു മ​ത്സ​ര​ങ്ങ​ൾ ര​ണ്ട​ര ദി​വ​സം കൊ​ണ്ട് ജ​യി​ച്ച ഇ​ന്ത്യ​യോ​ട് പ​ക്ഷേ, മൂ​ന്നാം ടെ​സ്റ്റി​ൽ അ​തേ നാ​ണ​യ​ത്തി​ൽ തി​രി​ച്ച​ടി​ച്ചു ആ​സ്ട്രേ​ലി​യ. വി​ദേ​ശ​ത്തെ​ത്തു​മ്പോ​ൾ പ്ര​ത്യേ​കി​ച്ച് ടെ​സ്റ്റ് മ​ത്സ​ര​ങ്ങ​ളി​ൽ വ​ലി​യ സ്കോ​റു​ക​ൾ നേ​ടു​ന്ന​തി​ൽ ലോ​കോ​ത്ത​ര ഇ​ന്ത്യ​ൻ ബാ​റ്റ​ർ​മാ​ർ പ​ല​പ്പോ​ഴും പ​രാ​ജ​യ​പ്പെ​ടു​ക​യാ​ണ്. അ​തി​വേ​ഗ പി​ച്ചു​ക​ളി​ൽ പേ​സ​ർ​മാ​ർ ഉ​ത്ത​ര​വാ​ദി​ത്തം നി​ർ​വ​ഹി​ക്കാ​ൻ ശ്ര​മി​ക്കു​ന്നു​ണ്ട് താ​നും. ഓ​വ​ലി​ൽ ര​ണ്ട് ഇ​ന്നി​ങ്സി​ലും 300 റ​ൺ​സി​ൽ താ​ഴെ മാ​ത്ര​മാ​ണ് 11 ബാ​റ്റ​ർ​മാ​രും ചേ​ർ​ന്ന് നേ​ടി​യ​ത്. ഒ​ന്നാം ഇ​ന്നി​ങ്സി​ൽ ര​ണ്ട് ആ​സ്ട്രേ​ലി​യ​ൻ ബാ​റ്റ​ർ​മാ​ർ, ട്രാ​വി​സ് ഹെ​ഡും സ്റ്റീ​വ​ൻ സ്മി​ത്തും, ശ​ത​ക​ങ്ങ​ൾ നേ​ടി​യെ​ങ്കി​ൽ ഇ​ന്ത്യ​ൻ ഭാ​ഗ​ത്ത് ഒ​രാ​ൾ​പോ​ലും മൂ​ന്ന​ക്കം ക​ട​ന്നി​ല്ല.

ഐ.​പി.​എ​ല്ലി​ൽ​നി​ന്ന് നേ​രെ ലോ​ക ടെ​സ്റ്റ് ഫൈ​ന​ലി​ന്

ര​ണ്ടു​മാ​സം നീ​ണ്ട ഇ​ന്ത്യ​ൻ പ്രീ​മി​യ​ർ ലീ​ഗ് ട്വ​ന്റി20 മ​ത്സ​ര​ങ്ങ​ൾ​ക്ക് ശേ​ഷ​മാ​ണ് താ​ര​ങ്ങ​ൾ ല​ണ്ട​നി​ലേ​ക്ക് പ​റ​ന്ന​ത്. ചേ​തേ​ശ്വ​ർ പു​ജാ​ര​യൊ​ഴി​ച്ച് മു​ഴു​വ​ൻ പേ​രും എ​ത്തി​യ​ത് ട്വ​ന്റി20 തി​ര​ക്കി​ൽ​നി​ന്ന്. ഇം​ഗ്ല​ണ്ടി​ൽ മി​ക്ക​വ​ർ​ക്കും ഒ​രു​ങ്ങാ​ൻ കി​ട്ടി​യ​ത് ഒ​രാ​ഴ്ച മാ​ത്രം. സ​ന്നാ​ഹ മ​ത്സ​ര​ങ്ങ​ൾ​പോ​ലും ഉ​ണ്ടാ​യി​രു​ന്നി​ല്ല. വി​ദേ​ശ സാ​ഹ​ച​ര്യ​ങ്ങ​ളു​മാ​യും കാ​ലാ​വ​സ്ഥ​യു​മാ​യും പൊ​രു​ത്ത​പ്പെ​ടാ​ൻ ക​ഴി​യാ​തെ പോ​യി. ഫൈ​ന​ൽ ഒ​രു മ​ത്സ​ര​മാ​ക്ക​രു​തെ​ന്നാ​ണ് ക്യാ​പ്റ്റ​ൻ രോ​ഹി​ത് ശ​ർ​മ നി​ർ​ദേ​ശി​ക്കു​ന്ന​ത്. മൂ​ന്ന് മ​ത്സ​ര​ങ്ങ​ള​ട​ങ്ങി​യ പ​ര​മ്പ​ര​യെ​ങ്കി​ലു​മാ​ക്ക​ണ​മെ​ന്ന് അ​ദ്ദേ​ഹം അ​ഭി​പ്രാ​യ​പ്പെ​ടു​ന്നു. അ​നു​ഭ​വ സ​മ്പ​ത്തു​ള്ള ആ​റോ ഏ​ഴോ ബാ​റ്റ​ർ​മാ​ർ ഉ​ണ്ടാ‍യി​ട്ടും വ​ലി​യ സ്കോ​റു​ക​ൾ ക​ണ്ടെ​ത്താ​നാ​യി​ല്ലെ​ന്ന് രോ​ഹി​ത് പ​രി​ഭ​വി​ക്കു​ന്നു.

ആ​ദ്യ ദി​നം ഒ​ന്നാം ഇ​ന്നി​ങ്സി​ൽ ഓ​സീ​സി​നെ മൂ​ന്ന് വി​ക്ക​റ്റി​ന് 70 റ​ൺ​സി​ൽ പി​ടി​ച്ചി​ട്ടും 469 റ​ൺ​സു​വ​രെ വ​ഴ​ങ്ങി​യ​താ​ണ് തോ​ൽ​വി​ക്ക് കാ​ര​ണ​മാ​യ​തെ​ന്നാ​ണ് പ​രി​ശീ​ല​ക​ൻ രാ​ഹു​ൽ ദ്രാ​വി​ഡി​ന്റെ ക​ണ്ടെ​ത്ത​ൽ. അ​ത്ര​യും റ​ൺ​സ​ടി​ക്കാ​ൻ പാ​ക​ത്തി​ലു​ള്ള പി​ച്ച​ല്ല അ​തെ​ന്നും ദ്രാ​വി​ഡ് പ​റ​യു​ന്നു.

ആ​സ്ട്രേ​ലി​യ​ൻ ക്യാ​പ്റ്റ​ൻ പാ​റ്റ് ക​മ്മി​ൻ​സാ​വ​ട്ടെ അ​നാ​യാ​സ ജ​യ​ത്തി​ന്റെ പ്ര​ധാ​ന ക്രെ​ഡി​റ്റ് ന​ൽ​കു​ന്ന​ത് പേ​സ​ർ സ്കോ​ട്ട് ബോ​ള​ണ്ടി​നാ​ണ്. അ​ധി​കം റ​ൺ​സ് വ​ഴ​ങ്ങാ​തി​രു​ന്ന ബോ​ള​ണ്ട്, ര​ണ്ടാം ഇ​ന്നി​ങ്സി​ലെ ഒ​റ്റ ഓ​വ​റി​ൽ വി​രാ​ട് കോ​ഹ് ലി​യെ​യും ര​വീ​ന്ദ്ര ജ​ദേ​ജ​യെ​യും പു​റ​ത്താ​ക്കി​യ​താ​ണ് നി​ർ​ണാ​യ​ക​മാ​യ​തെ​ന്നും ക​മ്മി​ൻ​സ് ചൂ​ണ്ടി​ക്കാ​ട്ടി.