എന്തിന്​ ഫോൺ മാറ്റണം, ‘എസൻഷ്യൽ’ ഉണ്ടല്ലോ​​?

ആൻഡ്രോയിഡ്​ സ്രഷ്​ടാക്കളിൽ ഒരാളായ ആൻഡി റൂബി​ൻ  ‘എസൻഷ്യൽ ഫോൺ’ എന്ന ഒരുപിടി സവിശേഷതകളുള്ള വേറിട്ട ഫോണുമായി എത്തി. എല്ലാവർഷവും ഫോൺ മാറ്റുന്നതിന്​ പകരം എല്ലാം സൗകര്യമുള്ള ഒരു ഫോൺ എന്ന സ്വപ്​നം ഗൂഗിൾ ഉപേക്ഷിച്ചെങ്കിലും ആൻഡി റൂബിൻ ഇപ്പോഴും പ്രതീക്ഷ കൈവെടിഞ്ഞിട്ടില്ല. തീരെ ചെറിയ അരികുകളാണ്​ പ്രധാന പ്രത്യേകത. 1312X 2560 പിക്​സൽ റസലൂഷനുള്ള 5.71 ഇഞ്ച്​ ഡിസ്​​േപ്ലയാണ്​.

ക്വാഡ്​ എച്ച്​.ഡി ഡിസ്​​േപ്ലയായ 2560x1440 പിക്​സലിനേക്കാൾ കുറവാണ്​. 16:9 അനുപാതത്തിന്​ പകരം 19:10 അനുപാതത്തിലുള്ള കാഴ്​ച നൽകുന്ന സ്​ക്രീനാണ്​. രണ്ട്​ 13 മെഗാപിക്​സൽ പിൻകാമറകളിൽ ഒന്ന്​ കളറും (ആർ.ജി.ബി)  മറ്റൊന്ന്​ ബ്ലാക്​ ആൻഡ്​ വൈറ്റു(മോണോക്രോം)മാണ്​. കുറഞ്ഞ വെളിച്ചത്തിലും കൂടുതൽ പ്രകാശം സ്വീകരിച്ച്​ ചിത്ര മിഴിവ്​ കൂട്ടുകയാണ്​ മോണോക്രോം സെൻസറി​​െൻറ ജോലി. 360 ഡിഗ്രി ചിത്രങ്ങൾ എടുക്കാൻ 360 ഡിഗ്രി കാമറ മോഡ്യൂൾ ഘടിപ്പിക്കാൻ കഴിയും. 

12 മെഗാപിക്​സലി​​െൻറ രണ്ട്​ ഫിഷ്​ ​െഎ ലെൻസുകളാണ്​ ഇതിലുള്ളത്​. മോ​േട്ടാ സെഡിൽ മോ​േട്ടാ മോഡ്​ഘടിപ്പിച്ച്​ ഫോ​േട്ടാ എടുക്കാൻ കഴിയുന്നതുപോലെയാണിത്​. ആപ്പിൾ സിരിയും മൈക്രോസോഫ്​റ്റി​​െൻറ കോർട്ടാനയും പോലെ സ്വന്തമായി വികസിപ്പിച്ച പേഴ്​സണൽ അസിസ്​റ്റൻറുമുണ്ട്​. മോഡുലർ സൗകര്യമുള്ളതിനാൽ മാഗ്​നറ്റിക്​ കണക്​ടർ വഴി ഭാവിയിൽ ഒാരോ വർഷവുമെത്തുന്ന പുതിയ ഡോംഗിളുകൾ, ചാർജറുകൾ, മറ്റ്​ ഉപകരണങ്ങൾ എന്നിവ ഘടിപ്പിക്കാൻ കഴിയും.

അതിനാൽ ഒാരോ വർഷവും ഫോൺ മാറ്റേണ്ട കാര്യമില്ല. പോറലും പൊട്ടലും ആഘാതങ്ങളുമേൽക്കാത്ത രൂപകൽപനയാണ്​. ടൈറ്റാനിയം, സെറാമിക്​ ശരീരമായതിനാൽ ഉപയോഗിക്കാൻ എളുപ്പമാണ്​. സംരക്ഷണത്തിന്​ ഗൊറില്ല ഗ്ലാസ്​ 5 ഉണ്ട്​. 699 ഡോളർ അഥവാ 45,097 രൂപയാണ്​ വില. 360 ഡി​ഗ്രി കാമറ കൂടി വേണമെങ്കിൽ 12,838 രൂപ കൂടി നൽകണം. 

ആൻഡ്രോയിഡ്​ ഒ.എസ്​, നാല്​ ജി.ബി റാം, 1.9 ജിഗാഹെർട്​സ്​ എട്ടുകോർ ക്വാൽകോം സ്​നാപ്​ഡ്രാഗൺ 835 പ്രോസസർ, കൂട്ടാനാവാത്ത 128 ജി.ബി ഇ​േൻറണൽ മെമ്മറി, എട്ട്​ മെഗാപിക്​സൽ മുൻകാമറ, ഉൗരിമാറ്റാനാവാത്ത 3040 എം.എ.എച്ച്​ ബാറ്ററി, 185 ​ഗ്രാംഭാരം, ഒറ്റ നാനോ സിം, വൈ ^ഫൈ, ജി.പി.എസ്​, ബ്ലൂടൂത്ത്​ 5.0, എൻ.എഫ്​.സി, യ​ു.എസ്​.ബി ടൈപ്പ്​ സി പോർട്ട്​, യ​ു.എസ്​.ബി ഒ.ടി.ജി, ഫോർജി എൽ.ടി.ഇ എന്നിവയാണ്​ പ്രത്യേകതകൾ. കഴിഞ്ഞ ആഴ്​ചയാണ്​ ആൻഡി റൂബി​​െൻറ ഫോൺ കമ്പനി എസൻഷ്യൽ പിഎച്ച്​ 1(Essential PH-1) ആരംഭിച്ചത്​.