ഏറ്റവും അനുയോജ്യമായ വിവാഹപ്രായം ഏത്​..? ഗണിതശാസ്ത്ര വിദഗ്ധർ കണ്ടെത്തിയ പ്രായം ഇതാണ്​...!

വിവാഹം ഏത്​ പ്രായത്തിൽ കഴിക്കണമെന്നത്​ ഒാരോരുത്തരുടെയും വ്യക്​തിപരമായ തീരുമാനമാണ്​. ദാമ്പത്യ ജീവിതത്തി​െൻറ വിജയം യഥാർഥത്തിൽ പങ്കാളികൾ തമ്മിലുള്ള ധാരണയെയും അടുപ്പത്തെയും ആശ്രയിച്ചാണിരിക്കുന്നത്​. വിവാഹം കഴിക്കാൻ ഏറ്റവും അനുയോജ്യമായ പ്രായം വിജയകരമായി കണ്ടെത്തിയതായി അവകാശപ്പെടുകയാണ്​ ഒരു കൂട്ടം ഗണിതശാസ്ത്ര വിദഗ്ധർ. അവർ വികസിപ്പിച്ചെടുത്ത പുതിയ സിദ്ധാന്തത്തിലൂടെയാണ്​ അത്​ കണ്ടെത്തിയിരിക്കുന്നത്​.

വിവാഹത്തിന് അനുയോജ്യമായ പ്രായം കണ്ടെത്താൻ സഹായിക്കുന്ന ഗണിതശാസ്ത്ര വിശകലനം

ഗണിതശാസ്ത്ര വിദഗ്ധരായ ടോം ഗ്രിഫിത്ത്സും ബ്രയാൻ ക്രിസ്റ്റ്യനും അവരുടെ പുതിയ പുസ്തകമായ 'അൽഗോരിതംസ് ടു ലിവ് ബൈ: കമ്പ്യൂട്ടർ സയൻസ് ഓഫ് ഹ്യൂമൻ ഡിസിഷൻസി'ലാണ്​ ഇൗ ഫോർമുല ആവിഷ്കരിച്ചിരിക്കുന്നത്​. അവരുടെ വിശകലനം അനുസരിച്ച്, വിവാഹം കഴിക്കാനുള്ള ഏറ്റവും നല്ല പ്രായം 26 ആണ്.

അവരുടെ വിശകലനം ഒരു വ്യത്യസ്തമായ ആശയത്തിൽ ഊന്നിയതാണ് ; ലഭ്യമായ സമയക്രമത്തിനുള്ളിൽ, ഒരാൾ ഒരു കാര്യത്തി​െൻറ 37 ശതമാനം പൂർത്തീകരിക്കുന്നുവെങ്കിൽ, അവനോ അവളോ ഏറ്റവും മെച്ചപ്പെട്ട തീരുമാനമെടുക്കാൻ ഏറ്റവും പ്രാപ്തമായ അവസരത്തിൽ ആണെന്ന് ഉറപ്പിക്കാം.

വിവാഹത്തി​െൻറ കാര്യത്തിൽ ഇതേ ആശയം ബന്ധപ്പെടുത്തുകയാണെങ്കിൽ, 18-നും 40നും ഇടയിൽ ഒരാൾ വിവാഹം കഴിക്കാൻ ആഗ്രഹിക്കുന്നുവെങ്കിൽ, 22 വയസാവും ഏറ്റവും അഭികാമ്യം, കാരണം 22 വർഷങ്ങളിലൂടെ നിങ്ങൾ 37 ശതമാനത്തിൽ എത്തുന്നു.

26 വയസ്സിന്​ മുമ്പോ ശേഷമോ നിങ്ങൾ വിവാഹം കഴിച്ചാൽ എന്ത് സംഭവിക്കും?

ഗ്രിഫിത്തും ക്രിസ്റ്റ്യനും മുന്നോട്ടുവച്ച ഈ ഗണിതശാസ്ത്ര സിദ്ധാന്തമനുസരിച്ച്, 26 വയസിന് മുമ്പോ ശേഷമോ വിവാഹിതനായ ഒരാൾ കൂടുതൽ തർക്കിക്കാൻ സാധ്യതയുണ്ട്​. 37 ശതമാന സിദ്ധാന്തം പലരും വിശ്വാസത്തിലെടുത്തിട്ടുണ്ടെങ്കിലും, ചിലർ അത്​ പൂർണ്ണതയില്ലാത്തതാണെന്ന്​ അവകാശപ്പെടുന്നുണ്ട്​. 18 നും 40 നും ഇടയിലുള്ള പ്രായത്തിൽ ആളുകളുടെ അഭിരുചികൾ മാറാനിടയുണ്ടെന്നാണ്​ അവർ വിശദീകരിക്കുന്നത്​. അതേസമയം, യുട്ടാ (Utah) സോഷ്യോളജിസ്റ്റ്​ നിക്കോളാസ് 2015 ൽ നടത്തിയ ഗവേഷണ പ്രകാരം, വിവാഹം കഴിക്കാനുള്ള ഏറ്റവും നല്ല പ്രായം 28 മുതൽ 32 വരെയാണ്.