വെള്ളച്ചാട്ടത്തിന് നടുവിലൊരു റസ്റ്റാറന്റ്

ചെ​രി​പ്പി​ട്ട​വ​ർ​ക്ക് പ്ര​വേ​ശ​ന​മി​ല്ലാ​ത്ത റസ്റ്റാറന്റ്. വെ​റു​മൊ​രു റ​സ്റ്റാറ​ന്റ​ല്ല, വെ​ള്ള​ച്ചാ​ട്ട​ത്തി​ന് കീ​ഴി​ൽ ന​ടു​വി​ലാ​ണ് ഇ​തി​ന്റെ നി​ൽ​പ്. ഫി​ലി​പ്പീ​ൻ​സി​ലെ സാ​ൻ പാ​ബ്ലോ സി​റ്റി​യി​ൽ വി​ല്ല എ​സ്കു​ഡെ​റോ പ്ലാ​ന്റേ​ഷ​ൻ​സ് ആ​ൻ​ഡ് റി​സോ​ർ​ട്ടി​ൽ സ്ഥി​തിചെ​യ്യു​ന്ന ലാ​ബാ​സി​ൻ വാ​ട്ട​ർ​ഫാ​ൾ റെ​സ്റ്റാ​റ​ന്റാ​ണ് താ​രം.

രു​ചി​ക​ര​മാ​യ ഭ​ക്ഷ​ണം ക​ഴി​ക്കു​ക മാ​ത്ര​മ​ല്ല, വെ​ള്ള​ച്ചാ​ട്ട​ത്തി​ന് ന​ടു​വി​ൽ ക​സേ​ര​യി​ലി​രു​ന്ന് കാ​ഴ്ച​ക​ൾ ആ​സ്വ​ദി​ക്കു​ക​യും ചെ​യ്യാം. എ​ന്നാ​ൽ, ആ​ഹാ​രം ക​ഴി​ക്കാ​ൻ അ​വി​ടേ​ക്ക് ചെ​ല്ലും മു​മ്പ് ഒ​രു​കാ​ര്യം ശ്ര​ദ്ധി​ക്ക​ണ​മെ​ന്നുമാ​ത്രം. ചെ​രിപ്പി​ടാ​തെ വേ​ണം ഇ​വി​ടേ​ക്ക് പ്ര​വേ​ശി​ക്കാ​ൻ. റസ്റ്റാ​റ​ന്റി​ലെ ഡൈ​നി​ങ് ഒ​രു​ക്കി​യി​രി​ക്കു​ന്ന​ത് വെ​ള്ള​ച്ചാ​ട്ട​ത്തി​ന് കീ​ഴി​ലാ​യ​തി​നാ​ലാ​ണ് കാ​ര​ണം.

മു​ള​കൊ​ണ്ടാ​ണ് ഡൈ​നി​ങ് ടേ​ബി​ളു​ക​ളു​ടെ​യും ബെ​ഞ്ച്, ക​സേ​ര എ​ന്നി​വ​യു​ടെ​യും നി​ർ​മാ​ണം. ഫി​ലി​പ്പീ​ൻ​സി​ന്റെ പ​ര​മ്പ​രാ​ഗ​ത രീ​തി​യി​ൽ വാ​ഴ​യി​ല​യി​ൽ ആ​ഹാ​രം വി​ള​മ്പും. രാ​ജ്യ​ത്തെ ത​ന​തു വി​ഭ​വ​ങ്ങ​ളും സ​മു​ദ്ര​വി​ഭ​വ​ങ്ങ​ളും പ്ര​ത്യേ​കത​രം പ്രാ​ദേ​ശി​ക ഭ​ക്ഷ​ണ​ങ്ങ​ളും ഇ​വി​ടെ ല​ഭി​ക്കും. ആ​ഹാ​രം ക​ഴി​ക്കു​ന്ന​തി​നൊ​പ്പം ശു​ദ്ധ​ജ​ലം കാ​ലു​ക​ളെ ത​ഴു​കി ഒ​ഴു​കി​പ്പോ​കു​ക​യും ചെ​യ്യും.

എ​ന്നാ​ൽ, ലാ​ബാ​സി​ൻ റസ്റ്റാ​റ​ന്റി​ലെ വെ​ള്ള​ച്ചാ​ട്ടം പ്ര​കൃ​തി​ദ​ത്ത​മ​ല്ല. ഫി​ലി​പ്പീ​ൻ​സി​ലെ പ്ര​ധാ​ന ജ​ല​വൈ​ദ്യു​തി നി​ല​യ​മാ​യ ലാ​ബാ​സി​ൻ അ​ണ​ക്കെ​ട്ടി​ൽ നി​ന്നും ഒ​ഴു​കിവ​രു​ന്ന ജ​ല​ത്തെ കൃ​ത്രി​മരീ​തി​യി​ൽ വെ​ള്ള​ച്ചാ​ട്ട​മാ​ക്കി ഒ​രു​ക്കി​യി​രി​ക്കു​ക​യാ​ണ് റ​സ്റ്റാ​റ​ന്റ് അ​ധി​കൃ​ത​ർ. എ​ങ്കി​ലും ഇ​വി​ടെ​യെ​ത്തു​ന്ന ഓ​രോ സ​ഞ്ചാ​രി​ക്കും അ​വി​സ്മ​ര​ണീ​യ​മാ​യ ഒ​രു ഡൈ​നി​ങ് അ​നു​ഭ​വം ത​ന്നെ​യാ​ണ് ലാ​ബാ​സി​ൻ സ​മ്മാ​നി​ക്കു​ന്ന​ത്. ആ​ഹാ​രം ക​ഴി​ക്കാ​ൻ മാ​ത്ര​മ​ല്ല, ഇ​വി​ടത്തെ തെ​ളി​മ​യാ​ർ​ന്ന ജ​ല​ത്തി​ൽ കു​ളി​ക്കാ​നും സ​ഞ്ചാ​രി​ക​ൾ​ക്ക് അ​വ​സ​രം ല​ഭി​ക്കും. ഫി​ലി​പ്പീ​ൻ​സി​ന്റെ ത​ല​സ്ഥാ​ന​മാ​യ മ​നി​ല​യി​ൽനി​ന്ന് ര​ണ്ട​ര മ​ണി​ക്കൂ​ർ യാ​ത്ര ചെ​യ്‌​താ​ൽ വെ​ള്ള​ച്ചാ​ട്ട​ത്തി​ലെ റസ്റ്റാ​റ​ന്റി​ന​രി​കി​ലെ​ത്താം.