സിഡ്നിയിലെ ബോണ്ടി ബീച്ചിൽ വെടിവെപ്പ്; 10 പേർ കൊല്ലപ്പെട്ടു; അക്രമികളുടെ ദൃശ്യങ്ങൾ പുറത്ത്

സിഡ്നി: ആസ്ട്രേലിയയിലെ സിഡ്നി ബോണ്ടി ബീച്ചിൽ ജൂതമത ചടങ്ങിനിടെ രണ്ടു പേർ നടത്തിയ വെടിവെപ്പിൽ 11 മരണം. 29 പേർക്ക് പരിക്കേറ്റു. ആക്രമികളിൽ ഒരാളെ പൊലീസ് വെടിവെച്ച് കൊന്നു. രണ്ടാമനെ അറസ്റ്റ് ചെയ്തു. പരിക്കേറ്റവരിൽ രണ്ട് പൊലീസ് ഉദ്യോഗസ്ഥരുമുണ്ട്. ആസ്ട്രേലിയൻ സമയം ഇന്നലെ വൈകീട്ട് 6.30ഓടെയാണ് സംഭവം.

ജൂ​ത ആ​ഘോ​ഷ​മാ​യ ഹ​നൂ​ക്ക​യോ​ട​നു​ബ​ന്ധി​ച്ചു​ള്ള ചാ​നൂ​ക്ക ച​ട​ങ്ങി​നാ​യി നൂ​റു​ക്ക​ണ​ക്കി​ന് പേ​രാ​ണ് സി​ഡ്നി​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യ ബോ​ണ്ടി ബീ​ച്ചി​ൽ ഒ​ത്തു​കൂ​ടി​യ​ത്. ആ​ക്ര​മി​ക​ളു​ടെ കാ​റി​ൽ​നി​ന്ന് സ്ഫാ​ട​ക​വ​സ്തു​ക്ക​ള​ട​ക്കം ല​ഭി​ച്ചു. സം​ഭ​വം ഭീ​ക​രാ​ക്ര​മ​ണ​മാ​ണെ​ന്ന് സ​ർ​ക്കാ​ർ പ്ര​ഖ്യാ​പി​ച്ചു. ബോ​ണ്ടി​യി​ലെ രം​ഗ​ങ്ങ​ൾ ഞെ​ട്ടി​പ്പി​ക്കു​ന്ന​തും ദുഃ​ഖ​ക​ര​വു​മാ​ണെ​ന്ന് ആ​സ്ട്രേ​ലി​യ​ൻ പ്ര​ധാ​ന​മ​ന്ത്രി ആ​ന്ത​ണി അ​ൽ​ബ​നീ​സ് പ​റ​ഞ്ഞു.

ആ​ഘോ​ഷ​ത്തി​നി​ടെ ത​ങ്ങ​ളു​ടെ പ്രി​യ​പ്പെ​ട്ട​വ​ർ കൊ​ല്ല​പ്പെ​ടു​ന്ന​ത് കാ​ണു​മ്പോ​ൾ അ​വ​ർ അ​നു​ഭ​വി​ക്കു​ന്ന വേ​ദ​ന സ​ങ്ക​ൽ​പ്പി​ക്കാ​ൻ മാ​ത്ര​മേ ക​ഴി​യൂ​വെ​ന്നും പ്ര​ധാ​ന​മ​ന്ത്രി പ്ര​സ്താ​വ​ന​യി​ൽ പ​റ​ഞ്ഞു.