എ​ക്വ​ഡോ​റി​ൽ പ്ര​സി​ഡ​ൻ​റ്​  തെ​ര​ഞ്ഞെ​ടു​പ്പി​ൽ മൊ​റ​നോ​ക്ക്​ ജ​യം

കീറ്റോ: എക്വഡോർ പ്രസിഡൻറ് തെരഞ്ഞെടുപ്പിൽ ഭരണകക്ഷിയുടെ സ്ഥാനാർഥിയായ ലെനിൻ മൊറനോയെ വിജയിയായി പ്രഖ്യാപിച്ചു. നേരേത്ത പുറത്തുവന്ന മൂന്ന് എക്സിറ്റ്േപാളുകൾ പ്രതിപക്ഷ സ്ഥാനാർഥിയുടെ വിജയം പ്രവചിച്ചിരുന്നു. ഇതി​െൻറ അടിസ്ഥാനത്തിൽ മൊറനോയുടെ എതിരാളിയായിരുന്ന ഗില്ലർമോ ലാസോ വിജയിച്ചതായി നേരേത്ത അവകാശപ്പെട്ടിരുന്നു. എന്നാൽ, ഫലം മറിച്ചായതോടെ പ്രതിപക്ഷകക്ഷികൾ തെരഞ്ഞെടുപ്പിൽ അട്ടിമറി നടന്നതായി ആരോപിച്ച് പ്രതിഷേധവുമായി രംഗത്തെത്തിയിട്ടുണ്ട്. പ്രതിഷേധക്കാർ തെരഞ്ഞെടുപ്പ് വിഭാഗത്തി​െൻറ തലസ്ഥാന നഗരിയിലെ ആസ്ഥാനത്തേക്ക് മാർച്ച് നടത്തി. 
രാജ്യത്തെ മറ്റു നഗരങ്ങളിലും പ്രതിഷേധം നടക്കുന്നുണ്ട്. അതേസമയം, വിജയിച്ച ഭരണകക്ഷിയുടെ പ്രവർത്തകർ ആഹ്ലാദപ്രകടനങ്ങളുമായി തെരുവിലിറങ്ങി. മൊറനോക്ക് 51 ശതമാനവും എതിർസ്ഥാനാർഥിക്ക് 49 ശതമാനവും വോട്ടുകൾ ലഭിച്ചതായും അറിയിച്ചു.