ദ​ക്ഷി​ണ കൊ​റി​യ​യു​മാ​യി ആ​ശ​യ വി​നി​മ​യം റ​ദ്ദാ​ക്കി​ ഉ​ത്ത​ര കൊ​റി​യ

സോ​ൾ: ദ​ക്ഷി​ണ കൊ​റി​യ​യു​മാ​യു​ള്ള എ​ല്ലാ ആ​ശ​യ​വി​നി​മ​യ മാ​ർ​ഗ​ങ്ങ​ളും അ​വ​സാ​നി​പ്പി​ക്കു​ക​യാ​ണെ​ന്ന്​ ഉ​ത്ത​ര കൊ​റി​യ വ്യ​ക്ത​മാ​ക്കി. ര​ണ്ട​ു കൊ​റി​യ​ക​ളും ത​മ്മി​ലു​ള്ള സാ​മ്പ​ത്തി​ക പ​ദ്ധ​തി​ക​ൾ പു​ന​രു​ജ്ജീ​വി​പ്പി​ക്കാ​ൻ ദ​ക്ഷി​ണ കൊ​റി​യ​ക്ക്​ സാ​ധി​ക്കാ​തി​രു​ന്ന​തും അ​വ​ർ ഉ​പ​രോ​ധ​ങ്ങ​ളി​ൽ ഇ​ള​വു​വ​രു​ത്താ​ൻ യു.​എ​സി​നെ പ്രേ​രി​പ്പി​ക്കാ​തി​രു​ന്ന​തു​മാ​ണ്​ ഉ​ത്ത​ര കൊ​റി​യ​യെ ചൊ​ടി​പ്പി​ച്ച​െ​ത​ന്ന്​ ക​രു​തു​ന്നു.

അ​തി​ർ​ത്തി​ക്ക​പ്പു​റ​ത്തേ​ക്കു​ള്ള എ​ല്ലാ ആ​ശ​യ​വി​നി​മ​യ സം​വി​ധാ​ന​ങ്ങ​ളും റ​ദ്ദാ​ക്കു​ന്ന​താ​യി ഉ​ത്ത​ര കൊ​റി​യ​യു​ടെ വാ​ർ​ത്ത ഏ​ജ​ൻ​സി അ​റി​യി​ച്ചു. അ​നാ​വ​ശ്യ കാ​ര്യ​ങ്ങ​ൾ അ​വ​സാ​നി​പ്പി​ക്കു​ന്ന​തി​​െൻറ ഭാ​ഗ​മാ​ണ്​ ന​ട​പ​ടി​യെ​ന്ന്​ വാ​ർ​ത്ത​ക്കു​റി​പ്പി​ൽ പ​റ​യു​ന്നു. പ്ര​ഖ്യാ​പ​നം വ​ന്ന​ശേ​ഷം ദ​ക്ഷി​ണ കൊ​റി​യ ഉ​ത്ത​ര കൊ​റി​യ​ൻ അ​ധി​കൃ​ത​രു​മാ​യി ബ​ന്ധ​പ്പെ​ടാ​ൻ ​​ശ്ര​മി​ച്ചെ​ങ്കി​ലും ന​ട​ന്നി​ല്ല. സ​മാ​ന ന​ട​പ​ടി മു​മ്പും ഉ​ത്ത​ര കൊ​റി​യ സ്വീ​ക​രി​ച്ചി​ട്ടു​ണ്ട്. പി​ന്നീ​ട്​ ബ​ന്ധം മെ​ച്ച​പ്പെ​ടു​ന്ന മു​റ​ക്ക്​ ആ​ശ​യ​വി​നി​മ​യ സം​വി​ധാ​ന​ങ്ങ​ൾ പു​നഃ​സ്​​ഥാ​പി​ക്കാ​റാ​ണ്​ പ​തി​വ്.

ആ​ക്​​ടി​വി​സ്​​റ്റു​ക​ൾ അ​തി​ർ​ത്തി​യി​ൽ​നി​ന്ന്​ ഉ​ത്ത​ര കൊ​റി​യ വി​രു​ദ്ധ പോ​സ്​​റ്റ​റു​ക​ൾ വി​ത​ര​ണം ചെ​യ്​​തെ​ന്നും ഇ​ത്​ ത​ട​യാ​ൻ ദ​ക്ഷി​ണ കൊ​റി​യ​ക്കാ​യി​ല്ലെ​ന്നും ഉ​ത്ത​ര കൊ​റി​യ ആ​രോ​പി​ച്ചു. ആ​ക്​​ടി​വി​സ്​​റ്റു​ക​ളും ഉ​ത്ത​ര കൊ​റി​യ​യി​ൽ​നി​ന്ന്​ ര​ക്ഷ​പ്പെ​ട്ട്​ മ​റു​പ​ക്ഷ​ത്ത്​ അ​ഭ​യം തേ​ടി​യ​വരും അ​തി​ർ​ത്തി​യി​ൽ വ​ലി​യ ബ​ലൂ​ണു​ക​ൾ വ​ഴി കിം ​ജോ​ങ്​ ഉ​ൻ വി​രു​ദ്ധ ല​ഘു​ലേ​ഖ​ക​ൾ ഉ​ത്ത​ര കൊ​റി​യ​യി​ലേ​ക്ക്​ പ​റ​ത്തി​വി​ടു​ന്ന പ​തി​വു​ണ്ട്. നേ​തൃ​ത്വ​ത്തെ വി​മ​ർ​ശി​ക്കു​ന്ന​ത്​ ഒ​ട്ടും സ​ഹി​ഷ്​​ണു​ത​യോ​ടെ കാ​ണു​ന്ന രീ​തി ഉ​ത്ത​ര കൊ​റി​യ​ക്കി​ല്ല. അ​തി​നാ​ൽ, ആ​ക്​​ടി​വി​സ്​​റ്റു​ക​ളു​ടെ ഈ ​ന​ട​പ​ടി​യെ അ​വ​ർ രൂ​ക്ഷ​മാ​യി വി​മ​ർ​ശി​ക്കാ​റു​ണ്ട്. അ​തി​നി​ടെ,  ഇ​രു രാ​ജ്യ​ങ്ങ​ളും ത​മ്മി​ലു​ള്ള ഹോ​ട്​​ലൈ​ൻ ബ​ന്ധം അ​വ​സാ​നി​പ്പി​ക്ക​രു​തെ​ന്ന്​ ദ​ക്ഷി​ണ കൊ​റി​യ ആ​വ​ശ്യ​പ്പെ​ട്ടു.