കൊറോണ മരണ നിരക്കിൽ അത്ര 'ഭീകരനല്ല' ; വ്യാപനശേഷിയിൽ മുമ്പൻ

ജനീവ: മഹാമാരിയായ കൊറോണ ബാധിച്ചാൽ പിന്നെ സാധാരണജീവിതത്തിലേക്ക്​ ഒരു തിരിച്ചുപോക്കുണ്ടോ? ബാധിച്ചവരെല്ലാ ം ഗുരുതരാവസ്​ഥയിലാണോ? സർവത്ര സംശയങ്ങളാണ്​ മിക്കവർക്കും.

എന്നാൽ അറിയുക, സംഭവം മഹാമാരിയാണെങ്കിലും നിപ്പയേ ാ വസൂരിയോ പോലെ ഗുരുതരമായ രോഗാവസ്​ഥയല്ല ഇത്​. പക്ഷേ, വ്യാപന ശേഷി വളരെ കൂടുതലാണ്​. ലോകാരോഗ്യ സംഘടനയുടെ ഈ കണക ്കുകൾ പരിശോധിച്ചാൽ വ്യക്​തമാകും.

എത്ര പേർക്ക്​ ബാധിച്ചു? എത്രപേർ മരിച്ചു?
മാർച്ച്​ 26 വ്യാഴാഴ്​ച വരെ 4,87,452 പേർക്കാണ്​ രോഗം ബാധിച്ചത്​. അതിൽ 22,028 പേർ മരണപ്പെട്ടു. അതായത്​ 4.51 ശതമാനംമാത്രം.

കുറേപേർക്ക്​ രോഗം ഭേദമായോ?
4.87 ലക്ഷം രോഗികളിൽ 1.39 ലക്ഷം ​പേരുടെ രോഗം മാറി. അതായത്​, 24.12 ശതമാനം പേരും സുഖം പ്രാപിച്ചു. ബാക്കിയുള്ളവരിൽ 2 ലക്ഷത്തോളം പേർക്ക്​ കഴിഞ്ഞ രണ്ടുദിവസത്തിനിടെയാണ്​ രോഗം സ്​ഥിരീകരിച്ചത്​. അവർക്കും ഉടൻ ഭേദമാകുമെന്നാണ്​ പ്രതീക്ഷ.

ബാക്കിയുള്ളവരെല്ലാം ഗുരുതരാവസ്​ഥയിലാണോ?
അല്ലേയല്ല. അസുഖം ഭേദമായവരെ മാറ്റിനിർത്തിയാൽ നിലവിൽ 3.47 ലക്ഷം രോഗികളാണ്​ ലോകത്തുള്ളത്​. ഇവരിൽ 3.30 ലക്ഷം (95%) പേരുടെയും ആ​രോഗ്യനില തൃപ്​തികരമാണ്​. 17,709 പേരാണ്​ നിലവിൽ ഗുരുതരാവസ്​ഥയിലുള്ളത്​. ഇവർ മൊത്തം രോഗികളുടെ അഞ്ച്​ ശതമാനത്തോളം വരും.
കൊറോണയുടെ പ്രഭവ കേന്ദ്രമായ ചൈനയിലെ കണക്കാണ്​ ഏറെ ആശ്വാസകരം. 81285 പേർക്ക്​ രോഗം ബാധിച്ച ഇവിടെ 74,051പേർക്കും ഭേദമായി. ഇനി 3947 രോഗികളാണ്​ ചികിത്സയിലുള്ളത്​. ഇവരിൽ 2700 പേരുടെയും ആരോഗ്യനില തൃപ്​തികരമാണ്​.

അപ്പോൾ പിന്നെ പേടി​ക്കേണ്ടതില്ല, അല്ലേ?
പേടിക്കേണ്ട. പക്ഷേ, രോഗം പകരാതിരിക്കാൻ അതീവ ജാഗ്രത പാലിക്കണം. കാരണം, അതിവേഗം പടർന്നുപിടിക്കുകയാണ്​ ഈ മഹാമാരി. കൃത്യമായ മരുന്ന്​ ഇനിയും കണ്ടെത്തിയിട്ടില്ല. നമ്മുടെ ആശുപത്രികളെല്ലാം നിറഞ്ഞുകവിയുകയാണ്​. ഡോക്​ടർമാരും നഴ്​സുമാരുമെല്ലാം വിശ്രമമില്ലാതെ തളർന്നിരിക്കുന്നു. മാത്രമല്ല, രോഗം ബാധിച്ച്​ മരണപ്പെടുന്ന ആ 4.51 ശതമാനം പേർ നമ്മളാരുമാകാം.
അതിനാൽ, വീട്ടിലിരിക്കുക. ശുചിത്വം പാലിക്കുക. രോഗം പകരാതെ സൂക്ഷിക്കുക. അതുമാത്രമാണ്​ പോംവഴി.