കി​രീ​ട​ധാ​ര​ണ കൈ​യു​റ സ​മ്മാ​നി​ച്ച​ത് ഇ​ന്ദ​ർ​ജി​ത് സി​ങ് പ്രഭു

ല​ണ്ട​ൻ: ചാ​ൾ​സ് മൂ​ന്നാ​മ​​ന്റെ കി​രീ​ട​ധാ​ര​ണ ച​ട​ങ്ങി​ൽ ധ​രി​ച്ച കൈ​യു​റ കൈ​മാ​റി​യ​ത് സി​ഖ് ശ്രേ​ഷ്ഠ​നാ​യ ലോ​ർ​ഡ് ഇ​ന്ദ​ർ​ജി​ത് സി​ങ്. ബ​ക്കി​ങ്ഹാം പാ​ല​സി​ൽ​നി​ന്ന് വെ​സ്റ്റ് മി​നി​സ്റ്റ​ർ ആ​ബി​യി​ലേ​ക്കു​ള്ള ഘോ​ഷ​യാ​ത്ര​യി​ൽ രാ​ജാ​വി​നെ അ​നു​ഗ​മി​ച്ച പ്ര​ഭു​ക്ക​ന്മാ​രി​ൽ ഒ​രാ​ളാ​യി​രു​ന്നു 90കാ​ര​നാ​യ ഇ​ദ്ദേ​ഹം. വെ​സ്റ്റ് മി​നി​സ്റ്റ​ർ ആ​ബി ക​ത്തീ​ഡ്ര​ലി​​ന്റെ അ​ൾ​ത്താ​ര​യി​ൽ എ​ത്തി​യാ​ണ് ഇ​ദ്ദേ​ഹം കി​രീ​ട​ധാ​ര​ണ ച​ട​ങ്ങു​ക​ളു​ടെ ഭാ​ഗ​മാ​യു​ള്ള കൈ​യു​റ രാ​ജാ​വി​ന് കൈ​മാ​റി​യ​ത്.

ജ​ന​ങ്ങ​ളു​ടെ സം​ര​ക്ഷ​ണ​ത്തി​നും ആ​ദ​ര​വി​നും​വേ​ണ്ടി രാ​ജാ​വ് നി​ല​കൊ​ള്ളു​ന്നു എ​ന്ന​തി​​ന്റെ പ്ര​ക​ട​ന​മാ​ണി​ത്. കൈ​യു​റ​യി​ട്ട കൈ​യി​ലേ​ന്തി​യ രാ​ജ​കീ​യ ചെ​ങ്കോ​ലി​ൽ അ​ധി​കാ​രം നി​ല​നി​ർ​ത്തു​ന്നു എ​ന്ന​തി​ന്റെ ഓ​ർ​മ​പ്പെ​ടു​ത്ത​ൽ എ​ന്ന നി​ല​യി​ൽ മ​റ്റൊ​ര​ർ​ഥ​വും ഇ​തി​നു​ണ്ട്.

വ്യ​ക്തി​പ​ര​മാ​യി ത​നി​ക്കും ലോ​ക​മെ​മ്പാ​ടു​മു​ള്ള സി​ഖ് സ​മൂ​ഹ​ത്തി​നും ല​ഭി​ച്ച അം​ഗീ​കാ​ര​മാ​ണ് ഇ​തെ​ന്ന് ഇ​ന്ദ​ർ​ജി​ത് സി​ങ് പ്ര​ഭു പ​റ​ഞ്ഞു. മു​സ്‍ലിം വി​ശ്വാ​സ​ത്തെ പ്ര​തി​നി​ധാ​നം​ചെ​യ്ത ഇ​ന്തോ-​ഗ​യാ​നീ​സ് പൈ​തൃ​ക​മു​ള്ള സ​യ്യി​ദ് ക​മാ​ൽ പ്ര​ഭു (56) ഒ​രു ജോ​ടി ബ്രേ​സ്ലെ​റ്റും ഹി​ന്ദു വി​ശ്വാ​സ​ത്തെ പ്ര​തി​നി​ധാ​നം​ചെ​യ്ത ന​രേ​ന്ദ്ര ബാ​ബു​ഭാ​യ് പ​ട്ടേ​ൽ (84) പ​ര​മാ​ധി​കാ​ര മോ​തി​ര​വും കൈ​മാ​റി.

യ​ഹൂ​ദ​യാ​യ ബ​റോ​ണ​സ് ഗി​ല്ലി​യ​ൻ മെ​റോ​ൺ (64) ആ​ണ് രാ​ജ​കീ​യ മേ​ല​ങ്കി വ​ഹി​ച്ച​ത്. നെ​റ്റ്‍വ​ർ​ക്ക് ഓ​ഫ് സി​ഖ് ഓ​ർ​ഗ​നൈ​സേ​ഷ​ൻ​സ് (എ​ൻ.​എ​സ്.​ഒ) എ​ന്ന കൂ​ട്ടാ​യ്മ​യു​ടെ സ്ഥാ​പ​ക​ൻ കൂ​ടി​യാ​യ ഇ​ന്ദ​ർ​ജി​ത് സി​ങ് വ​ർ​ഷ​ങ്ങ​ളാ​യി ചാ​ൾ​സു​മാ​യി അ​ടു​പ്പം പു​ല​ർ​ത്തു​ന്ന​യാ​ളാ​ണ്. മ​ത​സൗ​ഹാ​ർ​ദ​ത്തി​​ന്റെ പ്രാ​ധാ​ന്യ​ത്തെ​ക്കു​റി​ച്ച് ഇ​രു​വ​രും നി​ര​ന്ത​രം ച​ർ​ച്ച​ക​ൾ ന​ട​ത്താ​റു​ണ്ട്.