പ​ലു​ദാ​ൻ വീണ്ടും ഖു​ർ​ആ​ൻ ക​ത്തി​ച്ചു; സംഭവം ഡെന്മാർക്കിലെ തുർക്കിയ എംബസിക്ക് പുറത്ത്

കോ​പ​ൻ​ഹേ​ഗ​ൻ: ഡെ​ന്മാ​ർ​ക്കി​ലെ തു​ർ​ക്കി​ഷ് എം​ബ​സി​ക്ക് പു​റ​ത്തെമ​സ്ജി​ദി​ന് സ​മീ​പം ഇ​സ്‍ലാം വി​രു​ദ്ധ പ്ര​വ​ർ​ത്ത​ക​ൻ ഖു​ർ​ആ​ൻ ക​ത്തി​ച്ചു. ഡാ​നി​ഷ്, സ്വീ​ഡി​ഷ് പൗ​ര​ത്വ​മു​ള്ള തീ​വ്ര​വ​ല​തു​പ​ക്ഷ പ്ര​വ​ർ​ത്ത​ക​ൻ റ​സ്മു​സ് പ​ലു​ദാ​ൻ ആ​ണ് ഒരാഴ്ചക്കിടെ രണ്ട് രാജ്യങ്ങളിൽ കുറ്റം ചെയ്തത്. ജ​നു​വ​രി 21ന് ​സ്വീ​ഡ​നി​ൽ തുർക്കിയ എംബസിക്ക് മുമ്പിൽ ഖു​ർ​ആ​ൻ ക​ത്തി​ച്ച​തും ഇയാളാണ്.

സം​ഭ​വ​ത്തി​ൽ പ്ര​തി​ഷേ​ധം അ​റി​യി​ക്കാ​ൻ തു​ർ​ക്കി​യ വി​ദേ​ശ​കാ​ര്യ മ​ന്ത്രാ​ല​യം ഡാ​നി​ഷ് അം​ബാ​സ​ഡ​റെ വി​ളി​പ്പി​ച്ചു. സ്വീഡനിലെ സംഭവത്തെ തുടർന്ന് തുർക്കിയ സ്വീഡിഷ് അംബാസഡറെ വിളിച്ചുവരുത്തി പ്രതിഷേധം അറിയിച്ചിരുന്നു. സ്വീഡനും തുർക്കിയയും തമ്മിലുള്ള നയതന്ത്ര ബന്ധം വഷളാകുകയും ചെയ്തു. നാറ്റോ അംഗത്വത്തിനായി കാത്തിരിക്കുന്ന സ്വീഡന് തുർക്കിയയുടെ നിലപാട് തിരിച്ചടിയാകും.

നാറ്റോ അംഗമായ തുർക്കിയക്ക് മറ്റൊരു രാജ്യത്തിന് അംഗത്വം നൽകണോ എന്ന കാര്യത്തിൽ തീരുമാനമെടുക്കാൻ കഴിയും. ഖുർആൻ കത്തിച്ച നടപടിയെ സ്വീഡൻ അപലപിച്ചിരുന്നെങ്കിലും സംഭവം നടന്ന സമയത്ത് പ്രതിക്ക് സ്വീഡിഷ് പൊലീസ് സംരക്ഷണം നൽകി. സംഭവം വിവിധ രാജ്യങ്ങളിൽ പ്രതിഷേധത്തിന് വഴിവെച്ചിട്ടുണ്ട്.