ഫ്രീ​ഡം ഫ്ലോ​ട്ടി​ല​യി​ലെ അ​വ​സാ​ന അം​ഗ​ങ്ങ​ളെ​യും തിരിച്ചയച്ച് ഇസ്രായേൽ

പാ​രി​സ്: ഫ്രീ​ഡം ഫ്ലോ​ട്ടി​ല ക​പ്പ​ലി​ലെ അ​വ​സാ​ന മൂ​ന്ന് മ​നു​ഷ്യാ​വ​കാ​ശ പ്ര​വ​ർ​ത്ത​ക​രെ​യും സ്വ​ന്തം രാ​ജ്യ​ങ്ങ​ളി​ലേ​ക്ക് തി​രി​ച്ച​യ​ച്ച് ഇ​സ്രാ​യേ​ൽ. ഫ്ര​ഞ്ച് പൗ​ര​ന്മാ​രാ​യ പാ​സ്ക​ൽ മോ​റി​യെ​റാ​സ്, യാ​നി​സ് മു​ഹ​മ്മ​ദി എ​ന്നി​വ​രെ​യും ഡ​ച്ച് പൗ​ര​നാ​യ മാ​ർ​കോ വാ​ൻ റെ​ന്നി​സി​നെ​യു​മാ​ണ് ജോ​ർ​ഡ​ൻ വ​ഴി സ്വ​ന്തം നാ​ടു​ക​ളി​ലേ​ക്ക് തി​രി​ച്ച​യ​ച്ച​ത്. ഫ​ല​സ്തീ​നി​ക​ൾ​ക്കാ​യി ക​ഴി​യു​ന്ന​ത് ഇ​നി​യും ചെ​യ്യു​മെ​ന്ന് മൂ​ന്നു​പേ​രും പ്ര​തി​ക​രി​ച്ചു.

പ്ര​മു​ഖ പ​രി​സ്ഥി​തി പ്ര​വ​ർ​ത്ത​ക ഗ്രേ​റ്റ തും​ബ​ർ​ഗ് അ​ട​ക്കം ഒ​മ്പ​തു​പേ​രെ നേ​ര​ത്തേ ര​ണ്ടു​ഘ​ട്ട​ങ്ങ​ളി​ലാ​യി തി​രി​ച്ച​യ​ച്ചി​രു​ന്നു. ഗ​സ്സ​യി​ലെ ഇ​സ്രാ​യേ​ലി​ന്റെ പ​ട്ടി​ണി​ക്കൊ​ല ലോ​ക​ത്തി​ന്റെ ശ്ര​ദ്ധ​യി​ലെ​ത്തി​ക്കാ​നാ​ണ് ഫ്രീ​ഡം ഫ്ലോ​ട്ടി​ല സ​ഖ്യം മാ​ദ്‌​ലീ​ൻ എ​ന്ന നൗ​ക​യി​ൽ ഇ​റ്റ​ലി​യി​ൽ​നി​ന്ന് ഗ​സ്സ​യി​ലേ​ക്ക് യാ​ത്ര​തി​രി​ച്ച​ത്. എന്നാൽ, ഗ​സ്സ തീ​ര​ത്തു​നി​ന്ന് 200 കി​ലോ​മീ​റ്റ​ർ അ​ക​ലെ ക​പ്പ​ൽ ത​ട​ഞ്ഞ് കസ്റ്റഡിയിലെടുക്കുകയായിരുന്നു ഇസ്രായേൽ.

അതേസമയം, ഗ​സ്സയിൽ ഇന്നലെ 24 മ​ണി​ക്കൂ​റി​നി​ടെ 52 ഫ​ല​സ്തീ​നി​ക​ളെ കൂ​ടി ഇസ്രായേൽ സൈന്യം കൊലപ്പെടുത്തി. റ​ഫ​യി​ലെ ദു​രി​താ​ശ്വാ​സ ക്യാ​മ്പി​ൽ ഭ​ക്ഷ​ണ​ത്തി​ന് കാ​ത്തു​നി​ന്ന 38 ഫ​ല​സ്തീ​നി​കളും കൊല്ലപ്പെട്ടവരിലുൾപ്പെടും. യു.​എ​സി​ന്റെ​യും ഇ​സ്രാ​യേ​ലി​ന്റെ​യും പി​ന്തു​ണ​യോ​ടെ പ്ര​വ​ർ​ത്തി​ക്കു​ന്ന ഗ​സ്സ ഹ്യൂ​മാ​നി​റ്റേ​റി​യ​ൻ ​ഫൗ​ണ്ടേ​ഷ​ന്റെ ക്യാ​മ്പി​ലാ​ണ് കൂ​ട്ട​ക്കൊ​ല. ഭ​ക്ഷ​ണ​ത്തി​ന് കാ​ത്തു​നി​ന്ന കു​ടും​ബ​ങ്ങ​ൾ​ക്ക് നേ​രെ തി​ര​ക്ക് നി​യ​ന്ത്രി​ക്കാ​നെ​ന്ന പേ​രി​ൽ സൈ​ന്യം പ്ര​കോ​പ​ന​മി​ല്ലാ​തെ വെ​ടി​യു​തി​ർ​ക്കു​ക​യാ​യി​രു​ന്നു.

മൂ​ന്നു​മാ​സ​ത്തോ​ളം പൂ​ർ​ണ​മാ​യി അ​ട​ച്ചി​ട്ട​ശേ​ഷമാ​ണ് ഇ​പ്പോ​ൾ പ​രി​മി​ത​തോ​തി​ൽ ഭ​ക്ഷ​ണം വി​ത​ര​ണം ചെ​യ്യു​ന്ന​ത്. ഇ​വി​ടെ ഭ​ക്ഷ​ണം തേ​ടി​യെ​ത്തു​ന്ന​വ​രെ കൊ​ല​പ്പെ​ടു​ത്തു​ന്ന​ത് ഇ​സ്രാ​യേ​ൽ പ​തി​വാ​ക്കി​യി​രി​ക്കു​ക​യാ​ണ്. ഗ​സ്സ ഹ്യൂ​മാ​നി​റ്റേ​റി​യ​ൻ ​ഫൗ​ണ്ടേ​ഷ​ന്റെ ക്യാ​മ്പി​ൽ ഇ​തു​വ​രെ 308 ഫ​ല​സ്തീ​നി​ക​ൾ കൊ​ല്ല​പ്പെ​ടു​ക​യും 2000ത്തി​ലേ​റെ പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. തി​ങ്ക​ളാ​ഴ്ച വ​ട​ക്ക​ൻ ഗ​സ്സ​യി​ലെ ദു​രി​താ​ശ്വാ​സ ക്യാ​മ്പി​ലും മൂ​ന്നു​പേ​ർ കൊ​ല്ല​പ്പെ​ട്ടു. ഇ​തു​വ​രെ 55,362 ഫ​ല​സ്തീ​നി​ക​ളാ​ണ് ഗസ്സയിൽ കൊ​ല്ല​പ്പെ​ട്ട​ത്.