ന​വാ​സ് ശ​രീ​ഫിന് സൈ​ന്യ​ത്തി​ന്റെ പി​ന്തു​ണ​യു​ണ്ടെ​ന്ന് വി​ല​യി​രു​ത്ത​ൽ

ഇ​സ്‍ലാ​മാ​ബാ​ദ്: ന​വാ​സ് ശ​രീ​ഫി​ന്റെ തി​രി​ച്ചു​വ​ര​വി​ന് സൈ​ന്യ​ത്തി​ന്റെ പി​ന്തു​ണ​യു​ണ്ടെ​ന്ന് വി​ല​യി​രു​ത്ത​ൽ. സൈ​നി​ക നേ​തൃ​ത്വ​വു​മാ​യി എ​ന്തെ​ങ്കി​ലും ത​ര​ത്തി​ലു​ള്ള ധാ​ര​ണ​യി​ല്ലാ​തെ അ​ദ്ദേ​ഹം തി​രി​ച്ചു​വ​രാ​ൻ തീ​രു​മാ​നി​ക്കു​മാ​യി​രു​ന്നി​ല്ലെ​ന്ന് രാ​ഷ്ട്രീ​യ വി​ശ​ക​ല​ന വി​ദ​ഗ്ധ​ൻ സാ​ഹി​ദ് ഹു​സൈ​ൻ പ​റ​ഞ്ഞു.

പാ​ക് രാ​ഷ്ട്രീ​യ​ത്തി​ൽ സൈ​ന്യ​ത്തി​ന്റെ സ്വാ​ധീ​നം എ​ക്കാ​ല​ത്തും നി​ർ​ണാ​യ​ക​മാ​യി​രു​ന്നു. അ​ഴി​മ​തി​ക്കേ​സി​ൽ ശി​ക്ഷ പൂ​ർ​ത്തി​യാ​കാ​നു​ണ്ടെ​ങ്കി​ലും കോ​ട​തി​യി​ൽ​നി​ന്ന് അ​നു​കൂ​ല നി​ല​പാ​ട് ഉ​​ണ്ടാ​കു​മെ​ന്ന പ്ര​തീ​ക്ഷ അ​ദ്ദേ​ഹ​ത്തി​നു​ണ്ട്. ഇ​തി​ന് ക​ള​മൊ​രു​ക്കു​ന്ന രീ​തി​യി​ൽ അ​​ദ്ദേ​ഹ​ത്തി​ന്റെ സ​ഹോ​ദ​ര​ൻ ശ​ഹ​ബാ​സ് ശ​രീ​ഫ് പ്ര​ധാ​ന​മ​ന്ത്രി​യാ​യി​രി​ക്കെ സ​ർ​ക്കാ​ർ നി​യ​മ​ഭേ​ദ​ഗ​തി വ​രു​ത്തി​യി​ട്ടു​ണ്ട്.

ഈ ​ആ​ഴ്ച ആ​ദ്യം ന​വാ​സ് ശ​രീ​ഫി​ന് ഇ​സ്‍ലാ​മാ​ബാ​ദ് ​ഹൈ​കോ​ട​തി സം​ര​ക്ഷ​ണ ജാ​മ്യം അ​നു​വ​ദി​ച്ചി​രു​ന്നു. ജ​നു​വ​രി​യി​ൽ ന​ട​ക്കു​ന്ന പൊ​തു​തെ​ര​ഞ്ഞെ​ടു​പ്പി​ന് മു​ന്നോ​ടി​യാ​യാ​ണ് ന​വാ​സ് ശ​രീ​ഫ് തി​രി​ച്ചെ​ത്തി​യ​ത്. ലാ​ഹോ​റി​ൽ വ​ൻ റാ​ലി സം​ഘ​ടി​പ്പി​ച്ച് അ​ദ്ദേ​ഹം​ പൊ​തു​പ്ര​വ​ർ​ത്ത​ന രം​ഗ​ത്തേ​ക്ക് ഉ​ജ്ജ്വ​ല​മാ​യി തി​രി​ച്ചെ​ത്തു​മെ​ന്നാ​ണ് റി​പ്പോ​ർ​ട്ട്. മു​ഖ്യ എ​തി​രാ​ളി​യാ​യ പാ​കി​സ്താ​ൻ തെ​ഹ്‍രീ​കെ ഇ​ൻ​സാ​ഫ് പാ​ർ​ട്ടി നേ​താ​വും മു​ൻ ക്രി​ക്ക​റ്റ് താ​ര​വു​മാ​യ ഇം​റാ​ൻ ഖാ​ൻ ഇ​പ്പോ​ൾ സൈ​ന്യ​ത്തി​ന് അ​ഭി​മ​ത​ന​ല്ല.