ബ​ഖ്മു​തി​ൽ റ​ഷ്യ​ൻ മു​ന്നേ​റ്റം

കി​യ​വ്: യു​ക്രെ​യ്നി​ന്റെ കി​ഴ​ക്ക​ൻ ന​ഗ​ര​മാ​യ ബ​ഖ്മു​തി​ൽ റ​ഷ്യ​ൻ സേ​ന​ക്ക് മു​ന്നേ​റ്റം. ബ​ഖ്മു​ത് പി​ടി​ച്ച​ട​ക്കു​ന്ന​ത് ഡോ​ൺ​ബാ​സ് വ്യ​വ​സാ​യ മേ​ഖ​ല​യി​ൽ നി​യ​ന്ത്ര​ണം സാ​ധ്യ​മാ​ക്കു​മെ​ന്നാ​ണ് റ​ഷ്യ ക​രു​തു​ന്ന​ത്.റ​ഷ്യ ക​ന​ത്ത ആ​ക്ര​മ​ണം ന​ട​ത്തു​ന്ന ഇ​വി​ടെ​നി​ന്ന് സി​വി​ലി​യ​ന്മാ​ർ ഭൂ​രി​ഭാ​ഗ​വും ഒ​ഴി​ഞ്ഞു​പോ​യി. 70,000 പേ​ർ താ​മ​സി​ച്ചി​രു​ന്നി​ട​ത്ത് 4500 പേ​ർ മാ​ത്ര​മേ ഇ​പ്പോ​ൾ ഇ​വി​ടെ​യു​ള്ളൂ.

പ്ര​തി​രോ​ധി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ യു​ക്രെ​യ്ൻ സൈ​ന്യം ഇ​വി​ടെ​നി​ന്ന് പി​ൻ​വാ​ങ്ങാ​നി​ട​യു​ണ്ട്. എ​ന്തു വി​ല​കൊ​ടു​ത്തും ഇ​ത് കൈ​വ​ശം വെ​ക്കു​ന്ന​തി​ൽ അ​ർ​ഥ​മി​ല്ലെ​ന്നും ഉ​ട​നെ​യോ പി​ന്നീ​ടോ ബ​ഖ്മു​ത് വി​ടേ​ണ്ടി​വ​രു​മെ​ന്നും യു​ക്രെ​യ്ൻ പാ​ർ​ല​മെ​ന്റ് അം​ഗം സെ​ർ​ഹി റ​ഖ്മാ​നി​ൻ ദേ​ശീ​യ റേ​ഡി​യോ​യി​ൽ പ​റ​ഞ്ഞ​ത് ഈ ​സൂ​ച​ന​യാ​ണ് ന​ൽ​കു​ന്ന​ത്.

ബ​ഖ്മു​തി​ൽ സേ​ന​യെ ന​യി​ച്ചി​രു​ന്ന ക​മാ​ൻ​ഡ​റെ ക​ഴി​ഞ്ഞ​യാ​ഴ്ച യു​ക്രെ​യ്ൻ പ്ര​സി​ഡ​ന്റ് സെ​ല​ൻ​സ്കി നീ​ക്കി​യി​രു​ന്നു. അ​തി​നി​ടെ യു​ക്രെ​യ്നി​ൽ ശൈ​ത്യ​കാ​ലം അ​വ​സാ​നി​ച്ച് വ​സ​ന്ത​ത്തി​ലേ​ക്ക് ക​ട​ന്നു. യു​ദ്ധ​ത്തി​നൊ​പ്പം അ​തി​ശൈ​ത്യ​വും കൂ​ടി ആ​യ​തോ​ടെ യു​ക്രെ​യ്ൻ ജ​ന​ത ദു​രി​ത​ത്തി​ലാ​യി​രു​ന്നു.