ഗാബോണിൽ അധികാരം പിടിച്ചെടുത്ത് സൈന്യം

ലി​ബ്ര​വീ​ൽ: മ​ധ്യ ആ​ഫ്രി​ക്ക​ൻ രാ​ജ്യ​മാ​യ ഗാ​ബോ​ണി​ൽ പ​ട്ടാ​ള അ​ട്ടി​മ​റി. ​സൈ​ന്യം രാ​ജ്യ​ത്തി​ന്റെ അ​ധി​കാ​രം പി​ടി​ച്ചെ​ടു​ത്ത് പ്ര​സി​ഡ​ന്റി​നെ ത​ട​വി​ലാ​ക്കി. അ​ധി​കാ​രം പി​ടി​ച്ചെ​ടു​ത്ത​തി​നെ​ത്തു​ട​ർ​ന്ന് പ്ര​സി​ഡ​ന്റ് അ​ലി ബോം​ഗോ അ​ന്താ​രാ​ഷ്ട്ര സ​ഹാ​യം അ​ഭ്യ​ർ​ഥി​ച്ചി​ട്ടു​ണ്ട്. ആ​ഗോ​ള​ത​ല​ത്തി​ലു​ള്ള സു​ഹൃ​ത്തു​ക്ക​ൾ ഗാ​ബോ​ണി​നു​വേ​ണ്ടി ശ​ബ്ദം ഉ​യ​ർ​ത്ത​ണ​മെ​ന്ന് ബോം​ഗോ വി​ഡി​യോ​യി​ലൂ​ടെ ആ​വ​ശ്യ​പ്പെ​ട്ടു.

രാ​ജ്യം ത​ങ്ങ​ൾ പി​ടി​ച്ചെ​ടു​ത്ത​താ​യും പ്ര​സി​ഡ​ന്റി​നെ ത​ട​വി​ലാ​ക്കി​യ​താ​യും മു​തി​ർ​ന്ന പ​ട്ടാ​ള ഉ​ദ്യോ​ഗ​സ്ഥ​ൻ ഔ​ദ്യോ​ഗി​ക വാ​ർ​ത്ത ചാ​ന​ലി​ൽ പ്ര​ത്യ​ക്ഷ​പ്പെ​ട്ട് അ​റി​യി​ച്ചു. പ്ര​സി​ഡ​ന്റ് ബോം​ഗോ​യെ വി​ജ​യി​യാ​യി പ്ര​ഖ്യാ​പി​ച്ച ശ​നി​യാ​ഴ്ച ന​ട​ന്ന തെ​ര​ഞ്ഞെ​ടു​പ്പു​ഫ​ലം അ​സാ​ധു​വാ​ക്കി​യ​താ​യും രാ​ജ്യ​ത്തി​ന്റെ അ​തി​ർ​ത്തി​ക​ൾ അ​ട​ക്കു​ന്ന​താ​യും ​​​​സൈ​ന്യം പ്ര​ഖ്യാ​പി​ച്ചു. ​സൈ​ന്യ​ത്ത​ല​വ​ൻ ഇ​നി രാ​ജ്യ​ത്ത​ല​വ​നാ​യി പ്ര​വ​ർ​ത്തി​ക്കു​മെ​ന്നും അ​വ​ർ അ​റി​യി​ച്ചു. 56 വ​ർ​ഷ​മാ​യി തു​ട​രു​ന്ന ബോം​ഗോ കു​ടും​ബ​ത്തി​ന്റെ വാ​ഴ്ച​യാ​ണ് പ​ട്ടാ​ള അ​ട്ടി​മ​റി​യി​ലൂ​ടെ അ​വ​സാ​നി​ക്കു​ന്ന​ത്. നാ​​ലു​പ​​തി​​റ്റാ​​ണ്ടി​ലേ​റെ​ രാ​​ജ്യം ഭ​​രി​​ച്ച പി​​താ​​വ്​ ഉ​​മ​​ർ ബോം​​ഗോ​​യി​​ൽ​​നി​​ന്ന്​ 2009ലാ​​ണ്​ അ​​ലി ​ബോം​​ഗോ അ​​ധി​​കാ​​ര​​മേ​​റ്റെ​​ടു​​ക്കു​​ന്ന​​ത്.