ചൈനീസ് വിദ്യാർഥികളെ പു​റ​ത്താ​ക്കാ​നു​ള്ള നീ​ക്ക​വു​മാ​യി യു.​എ​സ്

വാ​ഷി​ങ്ട​ൺ: താ​രി​ഫ് യു​ദ്ധ​ത്തി​നു പി​ന്നാ​ലെ ചൈ​നീ​സ് വി​ദ്യാ​ർ​ഥി​ക​ളെ പു​റ​ത്താ​ക്കാ​നു​ള്ള നീ​ക്ക​വു​മാ​യി യു.​എ​സ് ഭ​ര​ണ​കൂ​ടം. ചൈ​നീ​സ് വി​ദ്യാ​ർ​ഥി​ക​ളു​ടെ വി​സ റ​ദ്ദാ​ക്കു​ന്ന ന​ട​പ​ടി ഊ​ർ​ജി​ത​മാ​ക്കു​മെ​ന്ന് യു.​എ​സ് സ്റ്റേ​റ്റ് സെ​ക്ര​ട്ട​റി മാ​ർ​കോ റൂ​ബി​യോ അ​റി​യി​ച്ചു. ചൈ​നീ​സ് ക​മ്യൂ​ണി​സ്റ്റ് പാ​ർ​ട്ടി​യു​മാ​യി ബ​ന്ധ​മു​ള്ള​വ​രു​ടെ​യും സു​പ്ര​ധാ​ന മേ​ഖ​ല​ക​ളി​ൽ പ​ഠ​നം ന​ട​ത്തു​ന്ന​വ​രു​ടെ​യും അ​ട​ക്കം വി​സ​യാ​ണ് റ​ദ്ദാ​ക്കു​ക. സ​മൂ​ഹ മാ​ധ്യ​മ​മാ​യ എ​ക്സി​ലാ​ണ് അ​ദ്ദേ​ഹം ഇ​ക്കാ​ര്യം പ്ര​ഖ്യാ​പി​ച്ച​ത്.

വി​ദേ​ശ വി​ദ്യാ​ർ​ഥി​ക​ൾ​ക്ക് പ്ര​വേ​ശ​നം ന​ൽ​കാ​ൻ ഹാ​ർ​വ​ഡ് സ​ർ​വ​ക​ലാ​ശാ​ല​ക്കു​ള്ള അ​നു​മ​തി സ​ർ​ക്കാ​ർ റ​ദ്ദാ​ക്കി​യ​തി​നു പി​ന്നാ​ലെ​യാ​ണ് പു​തി​യ പ്ര​ഖ്യാ​പ​നം. 2.70 ല​ക്ഷം ചൈ​നീ​സ് വി​ദ്യാ​ർ​ഥി​ക​ളാ​ണ് ക​ഴി​ഞ്ഞ വ​ർ​ഷം യു.​എ​സി​ൽ പ​ഠ​നം ന​ട​ത്തി​യ​ത്. ഇ​ന്ത്യ​ക്കു ശേ​ഷം യു.​എ​സി​ൽ ഏ​റ്റ​വും കൂ​ടു​ത​ൽ വി​ദ്യാ​ർ​ഥി​ക​ളു​ള്ള ര​ണ്ടാ​മ​ത്തെ രാ​ജ്യ​വും ചൈ​ന​യാ​ണ്. സ​മൂ​ഹ​മാ​ധ്യ​മ​ങ്ങ​ളി​ലെ പ്ര​വ​ർ​ത്ത​ന​ങ്ങ​ൾ​ക്ക് പു​തി​യ മാ​ർ​ഗ​നി​ർ​ദേ​ശം ത​യാ​റാ​ക്കി​യ പ​ശ്ചാ​ത്ത​ല​ത്തി​ൽ വി​ദേ​ശ വി​ദ്യാ​ർ​ഥി​ക​ൾ​ക്ക് പു​തി​യ വി​സ അ​നു​വ​ദി​ക്കു​ന്ന​ത് റൂ​ബി​യോ ചൊ​വ്വാ​ഴ്ച നി​ർ​ത്തി​വെ​ച്ചി​രു​ന്നു.

വി​ദ്യാ​ർ​ഥി വി​സ റ​ദ്ദാ​ക്കാ​നു​ള്ള യു.​എ​സ് തീ​രു​മാ​നം വി​വേ​ക​മി​ല്ലാ​ത്ത​താ​ണെ​ന്ന് ചൈ​നീ​സ് വി​ദേ​ശ​കാ​ര്യ മ​ന്ത്രാ​ല​യം വ​ക്താ​വ് മാ​വോ നി​ങ് ആ​രോ​പി​ച്ചു. വി​ഷ​യ​ത്തി​ൽ യു.​എ​സി​നെ പ്ര​തി​ഷേ​ധം അ​റി​യി​ച്ച​താ​യും അ​ദ്ദേ​ഹം പ​റ​ഞ്ഞു.