വിദേശ വിദ്യാർഥികൾക്കുള്ള വിസ ഇന്റർവ്യുകൾ താൽക്കാലികമായി നിർത്തി യു.എസ്; സമൂഹമാധ്യമ പരിശോധനക്കെന്ന് റിപ്പോർട്ട്

വാഷിങ്ടൺ: വിദേശവി​ദ്യാർഥികൾക്കുള്ള വിസ അഭിമുഖങ്ങൾ താൽക്കാലികമായി നിർത്തിവെച്ച് യു.എസ്. അപേക്ഷകരുടെ സമൂഹമാധ്യമ പ്രൊഫൈലുകൾ പരിശോധിക്കുന്നതിന് വേണ്ടിയാണ് വിസ അഭിമുഖങ്ങൾ യു.എസ് താൽക്കാലികമായി നിർത്തിവെക്കുന്നുവെന്നാണ് റിപ്പോർട്ട്.

അതേസമയം, നിലവിൽ വിസ അപ്പോയിൻമെന്റ് ലഭിച്ചവർക്ക് പുതിയ നിയന്ത്രണം ബാധകമാവില്ലെന്നും അവർക്ക് നിശ്ചയിച്ച തീയതിൽ തന്നെ അഭിമുഖത്തിൽ പ​ങ്കെടുക്കാമെന്നും യു.എസ് അറിയിച്ചിട്ടുണ്ട്. വിസ അപേക്ഷകരുടെ സമൂഹമാധ്യമ പ്രൊഫൈലുകളിൽ പരിശോധന നടത്താൻ യു.എസ് സ്റ്റേറ്റ് സെക്രട്ടറി മാർക്കോ റുബിയോ നിർദേശം നൽകിയിട്ടുണ്ടെന്നാണ് സൂചന.

അ​ന​ധി​കൃ​ത കു​ടി​യേ​റ്റ​ക്കാ​രെ നാ​ടു​ക​ട​ത്താ​നു​ള്ള നീ​ക്കം ശ​ക്ത​മാ​കു​ന്ന​തി​നി​ടെ വി​ദേ​ശ വി​ദ്യാ​ർ​ഥി​ക​ൾ​ക്ക് മു​ന്ന​റി​യി​പ്പു​മാ​യി യു.​എ​സ് ഭ​ര​ണ​കൂ​ടം. സ്ഥാ​പ​ന​ത്തി​ൽ അ​റി​യി​ക്കാ​തെ ക്ലാ​സി​ൽ പ​​ങ്കെ​ടു​ക്കാ​തി​രി​ക്കു​ക​യും കോ​ഴ്സ് പാ​തി​വ​ഴി​യി​ൽ നി​ർ​ത്തു​ക​യും ചെ​യ്താ​ൽ വി​സ റ​ദ്ദാ​ക്കു​മെ​ന്നാ​ണ് യു.​എ​സ് എം​ബ​സി അ​റി​യി​ച്ചി​രി​ക്കു​ന്ന​ത്.

ഭാ​വി​യി​ൽ യു.​എ​സ് വി​സ ല​ഭി​ക്കാ​നു​ള്ള സാ​ധ്യ​ത​യും ന​ഷ്ട​പ്പെ​ടും. വി​സ റ​ദ്ദാ​ക്ക​ൽ ഒ​ഴി​വാ​ക്കാ​ൻ ച​ട്ട​ങ്ങ​ൾ കൃ​ത്യ​മാ​യി പാ​ലി​ക്ക​ണ​മെ​ന്നും വി​ദ്യാ​ർ​ഥി​യെ​ന്ന പ​ദ​വി നി​ല​നി​ർ​ത്ത​ണ​മെ​ന്നും എ​ക്സി​ൽ ന​ൽ​കി​യ കു​റി​പ്പി​ൽ എം​ബ​സി നി​ർ​ദേ​ശി​ച്ചു.

ആ​യി​ര​ക്ക​ണ​ക്കി​ന് ഇ​ന്ത്യ​ൻ വി​ദ്യാ​ർ​ഥി​ക​ളാ​ണ് യു.​എ​സ് സ​ർ​വ​ക​ലാ​ശാ​ല​ക​ളി​ൽ പ​ഠി​ക്കു​ന്ന​ത്. 2023ൽ 1.40 ​ല​ക്ഷം വി​ദ്യാ​ർ​ഥി വി​സ ഇ​ന്ത്യ​ക്കാ​ർ​ക്ക് അ​നു​വ​ദി​ച്ചി​രു​ന്നു. മൂ​ന്ന് വ​ർ​ഷ​മാ​യി ഏ​റ്റ​വും കൂ​ടു​ത​ൽ വി​ദ്യാ​ർ​ഥി വി​സ അ​നു​വ​ദി​ച്ച​ത് ഇ​ന്ത്യ​ക്കാ​ർ​ക്കാ​ണ്.